غلطه العمر منى السيد
نيرمين رفعت راسها أنا بس بقول إن الأكرم ليكي تقبلي الواقع.
مكنتش صابرة عليها، كان قرفي هو اللي مخليني واقفة إنتِ جاية لحد بيتي وتكلميني عن الكرامة والأصول؟ وإنتِ عايشة مع راجل ساب مراته الحامل من غير حتى ما يكلف نفسه يستنى نتيجة تحليله الطبية؟
وشها اتخشب وقالت هو قالي إنك درامية وبتاعت مشاكل.
أمي أخدت خطوة لقدام وأنا بقولك لو ما غرتيش من قدامي حالا، هتشوفي الدراما والمشاكل على أصولها!
نيرمين بصتلي بآخر بصة، وعينيها جت على بطني اللي بدأت تظهر وقالت كلمة كشفت وساختها كلها عموماً..
أتمنى محدش فيهم ېمــ,,ـــــوت من كتر الضغط اللي إنتِ فيه.
أمي قفشتها من دراعها بقوة مكنتش أتخيل إنها عندها براااا! نيرمين رجعت لورا وهي خاېفة بجد لأول مرة، وجريت. قفلت الباب وأنا بترعش.. مش خوف، غل وعصبية.
أمي لفتني ليها اقعدي حالا. قعدت وهنا بس اڼفجرت في العياط. مش عشان نيرمين، عشان الحقيقة الواضحة والنضيفة اللي هي كشفتها بقصد أو من غير قصد محمود مكنش متلخبط ولا مجروح ولا خاېف.. محمود كان مستني الحجة دي عشان يهرب، وهي كانت مستنية الشقة!
قلم العلم والقدر
بعد يومين، الدنيا قلعت له الوش ده تماماً.
كلمني الدكتور شريف، دكتور المسالك البولية اللي عمله العملية. وضحلي من الأول إنه مش بيتصل حباً في المشاكل، بس لأن محمود راح له العيادة يزعق ويطلب شهادة تثبت الخېانة، كان عايز ورقة رسمية تقول إنه مبيخلفش عشان يحول جبنه لشهادة مختومة.
بس الدكتور عمله التحاليل والمسحة اللي كان المفروض يعملها من الأول.. والنتيجة كانت قاطعة الراجل مبيخلفش? لأ.. شغال وزي الفل، لا كان عقيم وقتها ولا عقيم دلوقتي!
الدكتور قالي يا مدام آية، أنا مقدرش أتدخل في مشاكلكم الشخصية أكتر من اللازم، بس أمانتي الطبية والأخلاقية بتجبرني أقولك إن عملية الربط مكنتش لسه نجحت ولا اتأكدت، والتحليل الأخير بيؤكد وجود حيوانات منوية نشطة وبكمية كافية للحمل.
سكتت.. مش صدمة، بس من كتر قوة وجبروت الحقيقة. شكراً يا دكتور. ده كل اللي قلته وقفلت.
أمي كانت بتقطع بصل في المطبخ وسألتني مين ده يا آية؟
رديت ده العلم يا أمي.. ده حقنا. وحكيتلها. أمي سابت السکينة على القطاعة وغمضت عينيها ثانية يعني ملوش عين ينكر بعد النهاردة.
بصيت للفايل اللي على
