غلطه العمر منى السيد
الكلمة دي خلتني أضحك ضحكة صغيرة وسخيفة يا حرام.. بجد؟
سابتني لما شافت نتيجة التحليل.. قالت ماليش دعوة بمشاكل عائلية وشيلة تلات عيال.
ذكية.. ومضيعتش وقت.. واطية وراحت لراجل واطي وسابته لما اتكشف.
أنا أستاهل.
تستاهل أكتر من كده كمان.
مكنتش بعلي صوتي خالص، وعشان كده الكلام كان بيعلم فيه أكتر. مكنش فيه دموع عشان يقول عليا درامية، ومكنش فيه عياط وهيستريا عشان يحس إنه أعلى مني. كانت الحقيقة واضحة، عريانة، وواقفة قصاده.
آية.. سيبيني أخد بالي منكم.
هزيت راسي بالنفي لأ.. إنت هتشيل المسؤولية، وده مش نفس المعنى.
بصلي كأنه مش فاهم الفرق، فشرحتله إنك تاخد بالك مننا.. كان معناه إنك تصدقني.. تسألني.. تقف جنبي.. تروح معايا أول كشف. إنما تشيل المسؤولية.. يعني تيجي متأخر وتقبل إنك مابقتش إنت اللي بتكتب شروط الحكاية دي.
بلع ريقه بتوتر هتسيبيني أشوفهم؟
فكرت.. لثواني مش أكتر على حسب الراجل اللي هتكونه من النهاردة.. مش الراجل اللي بتحلف إنك هتكونه.. الراجل اللي هنشوفه بجد. كلامي نزّل عليه زي السکين، شفت ده في عينيه، بس محسيتش بشفقة.. مش كفاية يعني.
آية.. سامحيني.
بصيت له كام ثانية وقلت لسه بدري. ومشيت وسيبته.
لحظة الولادة
الحمل كمل، كان تقيل جداً ومجهد فوق الوصف لأنهم تلاتة. بطني كبرت بسرعة مرعبة. أمي بقت خبيرة في المخدات، وشوربة الفراخ، والتهزيق الوقائي. الدكاترة تابعوا كل حاجة بدقة وبقيت ممنوعة من الحركة تماماً. في الأسبوع العشرين قالوا لنا ولدين وبنت.
خرجت من العيادة والأسامي بتلف في دماغي، وحنان جارف مكنش يشبه الست الخاېفة اللي كانت قاعدة على أرض الحمام بټعيط.
محمود م اختفاش.. بس م أخدش مكانه القديم برضه. بدأ يظهر.. مش بورود وشعارات، لأنه فهم بسرعة إني مش بتاعة لقطات سينما.
بدأ يظهر بفلوس الدكاترة المدفوعة، بمصاريف بتوصل في وقتها، بوجوده لما نحتاجه، بسكوت طويل فيه قهر، وبنوع جديد من المذاهب والطاعة اللي كانت غريبة عليه بس باينة حقيقية.
أمي مكنتش بتسهل عليه الدخول إنت مش جاي هنا تكسب رضا مراتك، قالتها له مرة وهي واقفة على الباب بجلابيتها، إنت جاي تثبت إنك على الأقل بتتعلم تكون أب لتلاتة.
وطى راسه وقال حاضر يا أمي.
مرجعتش ليه.. م حصلش طول فترة الحمل. ومش عشان مكنتش لسه بحبه في حتة مکسورة جوايا.. لأ، عشان كده بالظبط.
