طليقي رفض البنات ج٢ صافي هاني
لكن أنا كنت بهرب من نفسي
بصيتله وقلت
كل واحد بياخد نتيجة اختياراته يا أحمد
قال
عارف
وبص للبنات
وقال
بس لو تسمحيلي
عايز أكون موجود في حياتهم
قلتله
وجودك في حياتهم حقهم
مش منّة منك
هز راسه
ومشي
نور كانت واقفة جنبي
مسكت إيدي وقالت
ماما
دلوقتي أنا عندي باباين؟
ضحكت وحضنتها
وقلت
عندك ناس بتحبك
وده أهم من أي اسم
بصيت على بناتي الأربع
وفكرت في اليوم اللي خرجت فيه من محكمة الأسرة وأنا فاكرة إن حياتي انتهت
لكن الحقيقة كانت العكس
اليوم ده كان أول يوم في حياتي الجديدة
أنا خسرت جوز
لكن كسبت نفسي
وبناتي عرفوا إن قيمتهم مش مرتبطة بكونهم أولاد أو بنات
وإن اللي يسيب أولاده عشان الميراث
هو اللي خسر
مش هم
أما أحمد
ففضل طول عمره يدفع تمن اللحظة اللي قال فيها
أنا دلوقتي عندي مسؤوليات تانية
لأنه اكتشف بعد فوات الأوان
إن مسؤولياته الحقيقية كانت واقفة قدامه في أربع بنات
وهو اللي اختار يسيبهم.
تمت بحمد الله ❤️
#حكايات_صافي_هاني
#حصرياً
