طليقي رفض البنات ج٢ صافي هاني
وفي نفس اللحظة وصلت رسالة تانية
“وخلي بالك يا مريم من نور…”
وبعدها صورة تالتة
صورة نور وهي نايمة في بيت أختي
اتجمدت مكاني
لأن الصورة كانت متاخدة قبل دقائق
يعني الشخص اللي بعتها
كان لسه جوه بيت هدى…
صرخت من غير ما أحس
هدى!
أحمد جري على العربية وقال
مريم اركبي
اتصلت بهدى
الموبايل رن مرة واتنين وتلاتة
محدش رد
قلبي كان هيقف
قلت للبنات
اقفلوا الأبواب ومتتحركوش
وركبت بسرعة
أحمد كان سايق بأقصى سرعة
وشريف بيتصل بالشرطة
وأنا كل شوية أبص على صورة نور
الصورة كانت متصورة وهي نايمة على السرير
لكن الحاجة اللي خوفتني أكتر
إن باب أوضة البنات كان ظاهر في الصورة
يعني الشخص كان جوه البيت فعلًا
بعد عشر دقايق هدى ردت
وصوتها كان واطي جدًا
مريم
إنتي فين؟
قلت
إنتي كويسة؟
قالت
أيوه
بس…
قلت
بس إيه؟
قالت
في حد دخل البيت
سألتها
فين البنات؟
قالت
معايا
الحمد لله
لكن صوت هدى كان بيرتعش
قلت
إنتي فين بالظبط؟
قالت
أنا مستخبية في المخزن
والبنات معايا
في اللحظة دي سمعنا صوت خبط في تليفونها
وبعدين همس
مريم متقفليش
هو لسه جوه البيت
قلت
مين؟
قبل ما ترد
سمعنا صوت راجل بيقول من بعيد
مريم…
عرفت الصوت
كان نفس الراجل اللي وقف قدامنا عند باب البيت
شريف
أول ما سمع الصوت قال
اقفلي التليفون
قلتله
ليه؟
قال
عشان لو هو اللي بفكر فيه
يبقى إحنا مش قدامه
وصلنا البيت
الشرطة كانت لسه في الطريق
نزلنا بسرعة
دخلنا من الباب الخلفي
وأحمد وشريف سبقونا
بعد ثواني سمعنا صوت خبط شديد
وبعدين صوت أحمد
إطلع من هنا!
جريت ناحية الصوت
لقيت أحمد ماسك راجل لابس جاكت أسود
والراجل بيحاول يفلت منه
شريف قرب
وأول ما شاف وشه
اتراجع خطوة
وقال
مستحيل
قلت
مين ده؟
شريف بصلي
وقال
ده واحد من رجال نوال
أحمد مسكه من هدومه وقال
نوال بعتتك؟
الراجل سكت
قلتله
فين أختي؟
بص ناحية المخزن
جريت
لقيت هدى والبنات مستخبيين
الحمد لله كانوا بخير
حضنت نور بقوة
وقالتلي
ماما الراجل ده كان بيدور عليا
قلت
ما تخافيش
أنا معاكي
لكن نور قالت حاجة خلتني أبص لأحمد
قالت
ماما
هو كان بيدور على الدرج اللي فيه صور بابا
سألتها
أي بابا؟
قالت
بابا أحمد
أحمد سمعها
وقال
ليه؟
الراجل أخيرًا اتكلم
وقال
عشان الصورة اللي فيها ياسين
أحمد قرب منه
إنت عايز صورة ياسين ليه؟
قال
أنا ماكنتش عايزها
أنا كنت عايز أخد صورة نور
ليه؟
الراجل بصلي وقال
عشان أتأكد إنها هي
سألته
هي مين؟
