قبل فرح اختي صافي هاني
إنتي عارفة الورق ده معناه إيه؟
هززت راسي بالنفي
قال
لو المستندات الأصلية في الخزنة زي ما الخطاب بيقول يبقى كل نقل الأسهم اللي حصل بعد وفاة جدك ممكن يكون باطل من أساسه.
وده معناه إن كل القرارات اللي اتاخدت باسم والدك خلال السنين دي هتتراجع.
أول مرة من سنين حسيت إن الحق ممكن يرجع فعلًا.
تاني يوم الصبح رحنا البنك.
مدير الفرع طلب إثبات الشخصية والمفتاح ورقم الخزنة.
وبعد مراجعات طويلة نزل موظف ورجع بصندوق حديد صغير مغطى بالتراب.
اتفتح قدامنا رسمي.
كان جواه ملفات متربطة بشريط أحمر.
وأصول العقود.
وصور شيكات قديمة.
وكشوف تحويلات.
وفي آخر الملف كان فيه ظرف مكتوب عليه
“لا يُفتح إلا بحضور باسمة.”
فتحته.
كان فيه فلاشة تانية.
شغلناها على لابتوب المحامي.
ظهر جدي وهو قاعد قدام الكاميرا.
واضح إنه كان مسجل الفيديو قبل وفاته بأيام.
قال بصوت هادي
“لو بتشوفي الفيديو ده يا باسمة يبقى للأسف أنا كنت صح.
أنا كنت شاكك إن والدك هيحاول ياخد الشركة لنفسه.
عشان كده صورت كل حاجة.
ولو حصل ده استخدمي الملفات دي ومتخافيش من حد.”
وبعدين مد إيده بورقة قدام الكاميرا.
كانت اتفاقية عليها توقيع أبويا بنفسه.
وبيتعهد فيها إنه مجرد أمين على الشركة لحين تسليمها ليا عند بلوغي السن القانوني.
المحامي سكت دقيقة كاملة.
وبعدين قال
الملف ده هيقلب الق\ضية كلها.
لكن قبل ما يقفل اللابتوب لقينا ملف أخير اسمه
“لا تشغليه إلا لو أحمد ظهر في حياتك.”
بصيت للمحامي باستغراب.
أنا أصلًا ماكنتش أعرف أحمد وقت ما جدي سجل الفيديو.
فتحنا الملف.
وأول صورة ظهرت على الشاشة خلتنا الاتنين نبص لبعض في صدمة.
لأن أحمد كان واقف جنب أبويا في صورة متصورة من أكتر من خمسة عشر سنة… وهو وقتها كان طفل صغير، ومع الصورة تقرير رسمي يكشف حقيقة علاقته بعيلتنا، الحقيقة اللي لو خرجت للنور هتنسف كل اللي كنا فاهمينه عن أحمد من الأساس.بعد ثواني من الصدمة بص المحامي للصورة كويس وقال
دي مش صورة عادية.
كان مع التقرير شهادة ميلاد قديمة وأوراق تبني غير مكتملة ومستندات تثبت إن أحمد ماكانش غريب عن عيلتنا زي ما كانوا بيقولوا.
