لما كان عندي ٧ سنين

لما كان عندي سبع سنين امى وابويا اتطلقوا علشان ابويا خان امى مع مراته الحالية، يعني باختصار طلق امى عشان يتجوز عشيقته. على الرغم من كده امى قالت له إنها مش هتحرمه مني ويشوف ترتيبات الحضانة المناسبة ليا، بالفعل كنت بعيش مع امى طول الاسبوع وأروح بيت بابا الجديد كل ويك اند أو في الأجازات. مرات بابا الجديدة اللي هي كانت عشـ,ـيقته؟ لأ دي كانت ست على الله حكايتها وأغلب من الغلب، أنا عارفة متلازمة مرات الأب الشـ,ـريرة بس دي كانت غلبانة جداً فعلاً، كل أجازة كانت بتاخدني تشتري لي لبس أو تاخدني نفطر بره حتى لو بابا عنده شغل، على الرغم من إني ما كنتش عايشة معاهم إلا إنها رتبت لي أوضة، وأنا وهي دهناها سوا واخترنا الفرش والديكور بتاعها، كانت بتحاول قدر الإمكان تحسسني إن ده بيتي وإن وجودي مرغوب فيه … على عكس بابا اللي كان بيتجنب إنه يتواصل معايا على المستوى العاطفي ولا عمره سألني عن أي حاجة خاصة بيا. مرات بابا خلفت بعد جوازهم بسنة أخويا “جون”، من وقتها وأنا أصبحت مسؤولة عن جون في الأجازات، مرات بابا ما كانتش بتجبرني بل أنا كنت حابة أشيله وأراعيه وآخد بالي منه، هي علمتني ازاي أعمل بيبرونة وأأكله وأغير له وأشيله، كانت بتاخد لنا ألف صورة في الدقيقة، على الجانب الآخر بابا كان بيرجع من بره يدي اهتمامه كله لـ جون بس، كأني مش موجودة في البيت! مع الوقت الموضوع كان بيتطور من التجاهل للتضييق عليا في كل شيء، أصبح ممنوع يكون عندي أصحاب .. ممنوع أخرج معاهم .. ممنوع أزورهم في بيتهم .. ممنوع ييجوا لي بيتي، مرة صحيت من النوم بالليل عطشانة ونزلت أشرب وكان بابا ومراته في المطبخ بيتكلموا … وهنا سمعت اللي ما كنتش متخيلاه!حصرى لصفحه رومانى مكرم مرات بابا كانت بتقول له إنها متضايقة من طريقة تعامله معايا وإنه بيبعدني عنه! وقتها بابا قال لها إن ماما السبب لأنها كانت تقدر تشيل مسؤوليتي كاملة لوحدها لكنها أجبرته على دفع النفقة! وإنه بيستقبلني عشان لو رفض هيضطر يدفع فلوس أكتر شهرياً! ليلتها قضيت الليلة بعيط وأنا مش فاهمة ليه بابا شايفني عبء للدرجة دي! من بعدها يمكن بقيت أهدى وبقيت أتجنبه، الطريف إني لما تجنبته اتضايق وبدأ يشوف إن أمي بتملاني ضده! ما قلتش الحقيقة، ما اتكلمتش! وأنا عندي 13 سنة قال لي إن العيلة رايحة ديزني لاند، كنت همـ,ـوت من الفرحة، قبل معاد السفر بيوم سألني باستغراب ليه محضرة شنطتي؟ هو مسافر مع عيلته اللي هي مراته وابنه! يومين وهيرجع! سافر من غير ما يرجعني بيت ماما وسابني لوحدي! فضلت طول يوم السفر أعيط لغاية ما ماما كلمتني تسأل عليا لقيتني معيطة جت أخدتني! كانت غضـ,ـبانة فعلاً. ماما كانت اتجوزت بعدها من “باري”، باري كان عنده بنت أكبر مني من جوازة سابقة اسمها “ماندي”، فاكرة يوم ما رجِعت البيت ماندي فضلت واخداني في حضـ,ـنها باقي اليوم وصممت تنام معايا في السرير وهي حاضنة راسي، بعدها بابا رجع واتخانق مع ماما بس ما عرفتِش تفاصيل الخـ,ـناقة، سمِعته بيقول إني متدلعة وعايزة كل حاجة على الجاهز! ده كان آخر أسبوع في الأجازة الصيفية، بعدها رجعنا المدرسة، مش هقدر أنسى اليوم ده لما باري واحنا بنفطر قال لنا إنه كلم المدرسة والأسبوع الجاي مش هنروح المدرسة، بصيت له أنا وماندي فـ حط ايده وراء راسه وقال لنا “ده معاد السحر الصباحي” وخرّج من وراء راسه تذاكر طيران! بصيت لـ ماندي لقيتها بتضحك وبتغمز لي … ما فهِمتش فـ قالت لي هنروح ديزني لاااااند! حكايات حصرى لصفحه رومانى مكرم كنت همـ,ـوت من الفرحة اليوم ده، عمري ما هقدر أنسى اللي قدمهولي باري وماندي أبداً! المشكلة إن حياتي المتزنة دي اختلّت لما وصِلت 15 سنة، ماما جالها نقل لـ مدينة أوروبية وقالت لي إن سفرها مهم عشان محتاجة توفر لي مصاريف الجامعة، اللي عرِفته بعدها إن إصرار ماما على السفر لأنها كانت متفقة مع بابا كل واحد فيهم يعمل حساب خاص بجامعتي، لما سألِته قال لها إنه ما عملش لأنه عنده أولوية وهي أسرته التانية، وإنها دخلها أعلى منه تقدر توديني الجامعة لو عايزة لكن القانون ما بيلزموش بـ ده! وقتها ماندي كانت راحت جامعتها في ولاية تانية، وباري شغله مرن يقدر يسافر أي حتة ويشتغل منها عشان كده سافر مع ماما! ماما طلبت من بابا أسافر معاهم لكنه رفض! قالت له إنها مسافرة عشان مصاريف جامعتي قال لها مش لازم تروح جامعة غالية! قالت له إن مستقبلي مهم قال لها خلاص سيبيها عندي وادفعي لي نفقتها كاملة! وقد كان! ماما وباري سافروا وقعدت أنا مع بابا في بيته للأسف! “جون” أخويا كان كبر شوية وعلاقتي بيه كانت كويسة فعلاً، الفترة دي تمنيت لو بابا يرجع للتجاهل لأنه بقى حاططني تحت الميكروسكوب بيراقب النفَس اللي بتنفسه! وقايمة الممنوعات اللي كان بيفرضها في أيام الأجازات بقت كل حياتي، لدرجة إني ما بقاش ليا أصحاب لأني مش بخرج ولا بروح ولا باجي! حكايات حصرى لصفحه رومانى مكرم ده بجانب إن خروجات العيلة كانت متكررة! رايحين الملاهي .. السيرك .. حديقة الحيوان .. مسافرين المصيف، بيسافروا وأنا قاعدة آخد بالي من البيت! مرات بابا كان بيبان عليها الاستياء والإحساس بالذنب وبتحاول ترجع لي بهدية أو حاجة حلوة، ودي كانت تصرفات بابا بيتريق عليها وبيرفضها! كانت ست فعلاً لطيفة مشكلتها هي الانبطاح الشديد لـ بابا، بابا ماكانش بيسيء معاملتي أنا بس بل كان بيعاملها بأسلوب سيء معظم الوقت وهي بتقبل ده وص*ابرة! لغاية قبل ما أتم 18 سنة بكام شهر بابا اترقى ومرتبه زاد تقريباً الضعف، وقتها رجع مبسوط جداً وقال إننا هنطلع رحلة نلف فيها أوروبا! فرِحت جداً وكنت متحمسة، مش عارفة ليه تخيلت المرة دي هتكون مختلفة، يمكن لأن كلها كام شهر وهروح الجامعة وتقريباً مش هيشوفني تاني؟ هل لأني كنت متفوقة وقدرت أوصل لـ جامعة كويسة وآخد منحة مش كلية آه بس هتفرق معايا كتير مادياً؟ حكايات حصرى لصفحه رومانى مكرم واتحدد معاد سفر رحلة أوروبا وكنت بجهز شنطتي، وهي هي نفس العلقة بتاعة رحلة ديزني من كام سنة، لا قلم زاد ولا قلم نقص! استنى لغاية ما كنت بحضر شنطتي عشان يقول لي إني مش هروح معاهم وإن فلوسه يا دوب على أد مراته وابنه! وهنا أعترف إني انفجرت فيه! كل الغضـ,ـب وسوء المعاملة بتاع السنين اللي فاتت كلها حضرِت في اللحظة دي، يمكن لأني استوعبت إنه متعمد يقهـ,ـرني! كل مرة بيقول الكلام بطريقة يوحي فيها إني جزء من العيلة ويستنى لما أجهز نفسي وبعدها يحطمني بالشكل ده! قلت له ما دام بيكرهني كده ليه صمم إني أفضل معاه؟ ما دام مش شايفني جزء من عيلته ليه متمسك بوجودي في بيته؟ قال لي أنا لا متمسك ولا نيلة، وانتي بنت قليلة الأدب ما شميتيش ريحة تربية عشان تكلميني بالشكل ده! المفروض تحمدي ربنا إني حاطط سقف فوق راسك ببلاش وقاعدة بتاكلي في أتّة محلولة! قلت له إني مش قاعدة ببلاش وإن أمي بتدفع مبلغ كبير للنفقة! وإني بقوم بكل أعمال البيت لأنه ومراته بيتأخروا في شغلهم فـ أنا تطوعاً مني بعمل كل أعمال البيت حتى الطبخ! قال لي حيث كده احنا استغنينا عن خدما*تك وبقولك إيه .. انتي لا بنتي ولا أعرفك مش عايزك أصلاً! وشدني من دراعي رماني بره البيت وقفل الباب! كنت مصدومة وبعيط ومش عارفة أعمل إيه، مشيت بالبيجاما لغاية بيت صاحبتي الوحيدة وأنا منهارة من العياط، وهناك أهلها كلموا أمي وحكوا لها اللي حصل. تاني يوم رجِعت البيت وأنا متوقعة إنه حس إنه غلِط أو غير رأيه، لقيته لامم حاجتي كلها وحاططها في شنط جنب صندوق الزبالة! مراته لما شافتني خرجت حضـ,ـنتني! كانت معيطة وقعدت تعتذر لي، اديتني موبايلي واللاب توب، عرِفت بعدها من “جون” إن بابا اتخانق معاها خناقة كبيرة بسبب إنها اديتني الحاجات دي! لما رجِعت بيت صاحبتي لقيت ماندي! جت جري من جامعتها اللي في ولاية بعيدة، أهل صاحبتي قالوا لها ما تقلقش وقالوا لـ ماما نفس الكلام، أصلاً حفلة تخرجي من الجامعة كانت كمان كام أسبوع وماما كانت راجعة هي وباري عشان الحفلة. ماندي سألتني لو عايزة أرجع بيت ماما، هي هتفتحه وتقدر تقعد معايا كام يوم، بس أبو صاحبتي قال لها ما دام أبوها بالشكل ده ما نضمنش ممكن يضايقها ويدخّل البوليس في الموضوع ويعمل حوارات خصوصاً إنها لسه ما تمتش 18 سنة قانوني، وإنهم هيستضيفوني لغاية ما ماما وباري ينزلوا! ماندي سافرت وبالفعل قعدْت معاهم، بابا بقى لا كلمني ولا سأل عليا أنا فين بعد ما رماني في الشارع في أنصاص الليالي! كلمني بعدها ب 10 أيام بيزعق لي عشان ماما ما بعتتلوش فلوس النفقة! البجاحة ليها ناسها! قبل حفل التخرج رجعِت ماندي تاني وخرجْت أنا وهي وصاحبتي الأنتيم، جبت فستان حفل التخرج، ماما رجعت وباري عمل كل ما في وسعه عشان يبسطني الشوية اللي قعدوهم معايا قبل ما أروح الجامعة وقبل ما يرجعوا تاني يسافروا. في الجامعة حياتي كانت مختلفة تماماً، الدراسة كانت واخدة كل وقتي وتقريباً ماما وباري قرروا يدلعوني على أد ما يقدروا عن بُعد، أجروا لي شقة خاصة بيا وكانوا بيدوني مصروف شهري لمصاريفي ورفاهياتي. في الجامعة اتعرفت على “ايدين”، كان أكبر مني بسنة وبيدرس في مجال تاني أصلاً – احنا الاتنين مهندسين بس مجالات مختلفة – حبيته وحبني، بعد ما خلصنا الجامعة قررنا نشتغل ونشتري بيت. وعملنا كده بالفعل، ومن كام شهر “ايدين” اتقدم لي بشكل رسمي ووافقت. أنا مش نشطة على السوشيال ميديا عشان كده أخباري الخاصة مش بتنتشر، بس “جون” أخويا الصغير عرف عشان أخت صاحبتي الأنتيم نزّلت صورة ليا أنا وصاحبتي وهي معانا على الانستجرام وكاتبة عليها بنعد الوقت لحفل الزفاف، لما سأل عرف إني انا اللي هتجوز وكلمني بارِك لي، ومرات بابا كمان كلمتني وقالت إنها مبسوطة ليا وبتتمنى لي كل السعادة اللي في الدنيا لأني أستحقها! بابا بقى ما كلمنيش خالص! وأنا ما كنتش مستنية إنه يكلمني أصلاً! كنت حاسة إني تخطيت كل اللي عمله معايا لدرجة إنه مش فارق لي! لغاية ما فتحت الانستجرام ولقيت منه رسالة طويلة عليه …حكايات حصرى لصفحه رومانى مكرم “بنتي آني عاملة إيه …. مش هدخل في تفاصيل للي حصل ما بينا زمان ولا جاي أبرر، أنا بقول لك باختصار شديد أنا غلطت معاكي. أنا كنت غض*بان من أمك، غض*بان للسهولة اللي سابتني بيها وغض*بان لأنها قالت لي إنها مش هتسمح لي أكون زي أبويا أخلف وأجري ما اشيلش المسؤولية! أنا ما كنتش زي أبويا في شيء، أو يمكن ما حبيتش أفكر إني زيه! شيلت مسؤوليتك وأنا حاسس إنها أجبرتني على ده! أنا طلّعت كل الغـ,ـضب ده فيكي، أنا ما اكتشفتش ده دلوقتي اكتشفته من زمان من بعد ما شفت صورك مع صاحبتك في حفل التخرج وأمك وباري واقفين حواليكي! أنا كنت بعيد برغبتي! ما كنتش سعيد! كنت عارف إني غلطان بس كبريائي منعني إني أتواصل معاكي وأقول لك إني غلطت! أنا كنت بعند مع أمك وعرِفت أد إيه ده غلط! أنا ما تخليتش عنك، الفلوس اللي حوشتها لمصاريف جامعتك ما صرفتهاش، بس لما أمك سألتني حبيت أضايقها! ما كنتش متوقع إن الأمور هتوصل لكده! شيلت الفلوس وكملت عليهم عشان أديهوملك يساعدوكي كـ دفعة لأول بيت ملك ليكي! بس الحقيقة إن الحساب كان بيزيد وبيزيد معاه حمل مكالمتي ليكي أو تواصلي معاكي! الأب مش المفروض يعتذر لأولاده حتى لو غلِط! الاعتذار بيخلي الشخص صغير وأنا مش المفروض أكون صغير في عينك! بس عرفت بالطريقة الصعبة إني صغرت في عينك لدرجة إنك ما بقيتيش شايفاني أصلاً! انتي حققتي كل حاجة! اشتريتي البيت من نفسك ودلوقتي هتتجوزي من غيري! أنا فعلاً آسف! يمكن لو قلتها دلوقتي تكبّرني في عينك شوية ما تصغرنيش! أنا عامل حساب تاني ليوم فرحك! الحساب ده أنا فتحته من قبل ما تتولدي أصلاً! عايز أدفع كل مصاريف الفرح وشهر العسل، عايز أسلمك لعريسك. ما تحرمينيش من الحاجة اللي عشت طول حياتي مستنيها! أبوكي” لما خلّصت الرسالة كنت بعيط بهستيريا! كنت فاكرة إني تخطيت وجوده بس رسالته فتحت كل الجـ,ـروح القديمة! حاسة قلبي بينزف! قضيت يومين في البيت و”ايدين” بيحاول يهديني، أخيراً قدرت أستعيد جزء من ذاتي وفتحت الانستجرام وعملت له بلوك! كلمت جون أخويا وطلبت منه يبلغ بابا إن باري اللي ساهم بنص مصاريف جامعتي ومصاريفي طول الدراسة وكان ليا أب حقيقي هو اللي هيسلمني لـ عريسي، وإني هجيب أمن مخصوص عشان يمنعوه يدخل فرحي! قلت له إني مش مصدقة أي حاجة يقولها ومتوقعة إنه زي كل مرة يديني أمل ويعلقني إني أكون معاه عشان يقهرني ويكسرني تاني! لا يلدغ مؤمن من جحر مرتين، وأنا اتقرصت منه كتير وأخدت مناعة خلاص! جون قال لي إنه متفهم بس بعدها تواصل معايا وقال لي إن بابا دخل في نوبة اكتئاب بعد ما بلغه رسالتي! مش حاسة بأي تعاطف ناحيته، مش شايفة سبب يخليه يعمل اللي بيعمله ده غير إنه ينكد عليا قبل يومي الكبير! مفيش أي حاجة تغفر له اللي عمله معايا على مدار سنين، وأنا مش هثق فيه تاني أبداً! للمذيد من القصص الكامله تابعو صفحه رومانى مكرم

مقالات ذات صلة

رفضت ادفع الفاتوره

عملت تحليل DNA لحفيدتي

في عصر يوم الجمعه

يوم ما فتنت حماتي وسخنت ابنها عليا ج 1 ج١ منى السيد

رجعت من السعوديه بعد ٥ سنين

سرقوا خاتم خطبتي صافي هاني

اترك تعليقاً إلغاء الرد