غلطه بنك
يعني وصلتيها لقسم الشرطة
قالت من غير ما تبصله
إنت اللي وصلت نفسك
قرب منها وقال بصوت واطي
اسحبي المحضر وأنا هنسي اللي حصل
رفعت عينيها لأول مرة وقالت
وأنا مستحيل أنسى
الضابط قطع الكلام وقال
ممنوع أي تهديد
كريم ابتدى يمثل دور الزوج المظلوم
يا فندم دي مراتى وكانت متعصبة والقهوة وقعت بالغلط
الضابط فتح التقرير الطبي وقال
الغلط مبيبقاش بالشكل ده
وسأله
مراتك بتقول إنك كنت عايز تاخد منها كارت البنك
اتلخبط للحظة
وبعدين قال
كنا بنهزر
لكن شروق طلعت موبايلها
وقالت
معايا تسجيل
كريم اتصدم
الحقيقة إنها كانت قبل كده سجلت أكتر من خناقة بينهم لما بدأت تشك في تصرفاته
شغلت التسجيل
وصوت كريم كان واضح
هتديني الكارت غصب عنك
ولو مدتيهوش هتشوفي مني أيام سودة
الصمت ملي المكان
ندى كانت واقفة بره القسم ولما سمعت التسجيل وشها اتقلب
كريم خرج من التحقيق بكفالة مؤقتة لكن القضية استمرت
بعد يومين كانت شروق قاعدة في بيت خالتها
رن جرس الباب
فتحت لقت واحدة ست كبيرة في السن
أنا أم كريم
سكتت شروق
الست دخلت وهي بتعيط
يا بنتي سامحيه
هو عصبي بس
ردت شروق بهدوء
العصبية مبتحرقش بني آدم
قالت
إنتي هتخربي بيته
ابتسمت شروق لأول مرة
وقالت
البيت اللي بيتبني على الخوف عمره ما كان بيت
الست خرجت وهي بتدعي عليها
لكن شروق مكانتش مهتمة
في نفس الليلة المحامي اتصل بيها
وقال
في حاجة مهمة لازم تعرفيها
سألته
خير
قال
إحنا راجعنا حساباتك
وفيه أكتر من عملية شراء قديمة اتعملت من كارتك في أوقات إنتي كنتي فيها في الشغل
سكتت
قال
واضح إن حد كان بياخد الكارت من شنطتك ويرجعه مكانه
حست إن الأرض بتميل بيها
بدأت تراجع كشف الحساب
خمسة آلاف
سبعة آلاف
اتناشر ألف
عشرين ألف
عمليات كانت متفرقة على شهور طويلة
وكل مرة كانت فاكرة إنها هي اللي صرفت
لكن الحقيقة إن حد كان بيسرقها بهدوء
المبلغ الإجمالي كان أكبر بكتير من ستة وتسعين ألف
وصل لأكتر من ميتين وعشرة آلاف جنيه
شروق غمضت عينيها
افتكرت كل مرة كريم كان يقول لها
إنتي ناسية إنتي صرفتي إيه
إنتي ذاكرتك ضعيفة
إنتي بتوسوسي
وكانت تصدقه
دلوقتي فهمت إنه كان بيخدعها من سنين
المحامي قال
واضح إن محاولة سحب الستة وتسعين ألف كانت آخر خطوة بعد ما عرف إنك بلغتي وهربتي
لكن اللي اكتشفناه أخطر
سألته بقلق
أخطر إزاي
رد بصوت هادي
إحنا عرفنا اسم المحل اللي اتصرفت فيه أغلب الفلوس
