الاميره المزيفه

وفي اللحظة دي
قبل ما حد يقرب مني
كان في حد واقف بعيد بيراقب.
نظرة واحدة على الفستان
خلّت كل حاجة تتغير.
يتبع
الأميرة المزيفة والخادمة الجزء الثاني
القاعة كلها كانت ساكتة والأنظار متعلقة بيا.
رجال الأمن بدأوا يقربوا، وأنا واقفة مكاني، حاسة بالإهانة بتخنقني لكن فجأة
استنوا.
الصوت كان هادي لكنه قوي لدرجة إنه وقف كل حاجة.
الكل لفّ ناحية الصوت.
كانت مدام فيكتوريا بنفسها.

مشيت بخطوات ثابتة ناحيتي وعينيها مثبتة على الفستان اللي لابساه.
وقفت قدامي مباشرة، وبصّتلي نظرة غريبة مزيج بين الصدمة والشك.
قالت بهدوء
الفستان ده جِبتيه منين؟
اتوترت لكن رديت بصراحة
كان معايا من زمان من يوم ما كنت في دار الأيتام.
همسات بدأت تنتشر بين الضيوف.
ياسمين حاولت تضحك وتخفف الموقف
مدام، ده مجرد فستان قديم البنت دي بتبالغ
لكن مدام فيكتوريا رفعت إيدها وسكّتتها فورًا.

قربت أكتر مني وانحنت شوية عند طرف الفستان.
وبحركة مفاجئة
شدّت طرفه بقوة.
صوت تمزق خفيف اتسمع
والكل شهق.
من تحت القماش الباهت ظهر تطريز ذهبي ناعم، لامع بشكل مبهر كأنه جديد.
نقوش دقيقة ملكية مستحيل تكون لفستان عادي.
مدام فيكتوريا لمست التطريز بإيد مرتعشة وعينيها اتملت دموع.
قالت بصوت مكسور
ده ده مستحيل

لفّت ناحية الحضور وقالت بصوت أعلى
التطريز ده علامة عيلتي. تصميم خاص اتعمل لبنتي يوم ما اتولدت.
القصر كله انفجر همس وصدمات.
ياسمين اتجمدت مكانها.
الحاجة كريمة وشّها اصفرّ.

إنتي قلتي إن الفستان ده كان معاكي في دار الأيتام؟
سألتني مدام فيكتوريا.
هزّيت راسي
أيوه قالولي إن ده كان عليّ وأنا رضيعة.
سكتت لحظة وبعدين بصّتلي نظرة طويلة كأنها بتشوفني لأول مرة.

فجأة صرخت
فين مديرة دار الأيتام اللي جابت الأوراق؟!
اتوترت الحاجة كريمة بسرعة
مدام، الموضوع بسيط، أكيد في سوء فهم
لكن صوت مدام فيكتوريا كان أقوى
سوء فهم؟! ولا كدب؟!

واحد من الحراس جري، وبعد دقائق دخلت ست كبيرة، ملامحها مرتبكة.
الأوراق اللي قدمتوها حقيقية؟
سألتها مدام فيكتوريا ببرود مرعب.
الست سكتت وبصّت للحاجة كريمة.
الحاجة كريمة صرخت
اتكلمي! قولي الحقيقة!
لكن الحقيقة كانت باينة في خوفها.

بصوت واطي بالكاد مسموع قالت
لا الأوراق كانت مزورة.