الوجع اللى مكنش دلع

معانا هو بيجي يزورها كل أسبوع ياخدها يتمشوا ويجيب لها كتب وبيسأل عليها كل يوم في التليفون
وأنا بدأت أقف على رجلي تاني اشتغلت في شغل من البيت عشان أبقى جنب بنتي وبدأت أتعلم سواقة عشان مبقاش محتاجة حد يوديني المستشفى لو بنتي تعبت تاني
بعد ست شهور من العملية عملنا أشعة متابعة والدكتور قال كل حاجة زي الفل والتصاقات راحت والمبيض الشمال شغال كويس جدا وكأنه اتنين
بنتي ساعتها ضحكت ضحكة كبيرة أوي أول مرة تضحكها من يوم العملية وقالت يعني هعرف أبقى ماما
الدكتور قال لها هتبقي أحلى ماما في الدنيا
رجعنا البيت واحنا بنغني في العربية
دلوقتي بنتي عندها ستاشر سنة ونص بقت بتتكلم في المدرسة عن تجربتها وبتقول لأي بنت بتسمعها بتشتكي من ۏجع متسكتيش قولي لمامتك أو لمدرستك أو لأي حد كبير بتحبيه الۏجع عمره ما كان دلع
وأنا كل ما أفتكر اليوم اللي لقيتها فيه على بلاط الحمام وهي بتقول بطلت أقول لبابا لما بتوجع بقول الحمد لله إني سمعتها في اليوم ده وإن ربنا اداني القوة إني آخدها وأجري بيها من غير ما أستأذن حد
واتعلمت إن الأمومة مش إنك تحافظي على شكل البيت قدام الناس الأمومة إنك تحافظي على حياة ولادك حتى لو هتهدي البيت ده على دماغ اللي فيه
وبنتي لما بتنام دلوقتي بتحضني وتقول لي شكرا يا ماما إنك صدقتي ۏجعي لما محدش صدقه
وأنا بقول لها أنا اللي شكرا إنك علمتيني أسمع حتى الهمس