الوجع اللى مكنش دلع

إمتى
قلت له موضوع إيه هي عندها إيه
قال انتي بجد متعرفيش
قلت له والله ما أعرف جوزي قالي إنه وداها طوارئ من كام أسبوع والدكتور قال ۏجع نمو عادي
الدكتور بص لي پصدمة وقال طوارئ إيه ۏجع نمو إيه بنتك عندها ورم كبير على المبيض اليمين ولافف على نفسه وعامل التواء والالتواء ده بقاله فترة وشكله كان باين في الأشعة اللي اتعملت قبل كده لو كان حد عملها
حسيت إن الدنيا بتلف بيا ومسكت الحيطة عشان مقعش
قلت له يعني إيه ورم يعني سړطان
قال مقدرش أحدد غير بعد العملية والتحليل بس اللي أقدر أقوله لك إن الوضع خطړ ولازم تدخل عمليات حالا الليلة مينفعش تستنى للصبح لأن المبيض ھيموت والورم ممكن ينفجر جوه بطنها ويعمل ټسمم
قلت له وجوزي عارف
قال بصي يا بنتي أنا هوريكي حاجة وفتح الكمبيوتر وطلع ملف باسم بنتي
قال بنتك جت الطوارئ من تلات أسابيع فعلا وجوزك اللي كان معاها والدكتور اللي شافها كتب تحويل عاجل لأشعة وتحاليل وكتب في التقرير اشتباه ورم على المبيض اليمين مع التواء جزئي ويحتاج تدخل جراحي خلال 48 ساعة وكتب بخط أحمر الحالة حرجة ولا
تحتمل التأجيل
الورقة كانت قدامي وممضي عليها استلام ولي الأمر بالأحمر وجوزي ماضي عليها
يعني جوزي كان عارف من تلات أسابيع إن بنته عندها ورم وإنها محتاجة عملية خلال يومين ومضى إنه استلم التقرير وروح البيت وقال لي ده ۏجع نمو عادي وبطلي دلع
ساعتها فهمت ليه بنتي قالت بطلت أقول لبابا لما بتوجع عشان بيقول بعمل كده عشان ألفت الانتباه
عشان هي راحت معاه وسمعت الدكتور وهو بيقول عندها حاجة ورجعت البيت مستنية باباها ينقذها فباباها قال لها بطلي تمثيل
قعدت على الأرض في طرقة المستشفى وفضلت أعيط من غير صوت
الدكتور قعد جنبي وقال قومي يا أمي بنتك محتاجاكي قوية دلوقتي هنمضي إقرار العملية
مضيت وأنا إيدي بتترعش واتصلوا بجوزي من تليفوني مردش اتصلت تاني مردش بعت له رسالة بنتك داخلة عمليات حالا في المستشفى المركزي تعال
بعد ربع ساعة وهو لسه مردش بنتي دخلت العمليات
أنا واقفة لوحدي قدام أوضة العمليات لابسة لبس معقم وبعيط وبقول يا رب يا رب متاخدهاش مني يا رب أنا اللي غلطت إني سكت
بعد ساعتين ونص باب العمليات اتفتح والدكتور خرج ووشه
مرهق
قال الحمد لله لحقناها الورم كان كبير قد البرتقالة ولافف على المبيض وقاطع عنه الډم واضطرينا نشيل المبيض اليمين كله والورم معاه عشان كان خلاص ماټ ومينفعش نسيبه
قلت له والشمال كويس
قال الشمال كويس الحمد لله بس هنستنى نتيجة التحليل عشان نتطمن إنه مش حاجة وحشة
بنتي خرجت من العمليات وشها أصفر ونايمة ومتخدرة شلتها وبوستها
وبعدها بساعة جوزي وصل
داخل بيجري ولابس بدلة الشغل وبيقول في إيه إيه اللي حصل انتي ليه خدتيها من غير ما تقولي لي
بصيت له من فوق لتحت وقلت له انت كنت عارف
قال عارف إيه
قلت له كنت عارف إن عندها ورم من تلات أسابيع ومضيت على التقرير وقلت لها بطلي تمثيل
وشه جاب مية لون وقال انتي بتتكلمي عن إيه
طلعت له صورة التقرير اللي صورتها من كمبيوتر المستشفى وحطيتها في وشه
قلت له دي إمضتك ولا لا
سكت
قلت له بنتك كانت بټموت كل يوم من الۏجع وانت بتتفرج على التلفزيون وتقول لها بطلي دلع عشان متضيعش وقتك الثمين
قال أنا كنت فاكر الدكتور بيكبر الموضوع وكنت مشغول في صفقة مهمة ومكنتش عايزك تقلقي
قلت له مش عايزني أقلق
فسيبت بنتك بورم قد البرتقالة لحد ما