سر الفلوس ج٣ مريم السيد
ساد الصمت في الأوضة بعد ما رميت الكلمة دي في وشه.. أشرف كان واقف قدامي، العرق نازل من جبهته، ورجليه مش شايلينه. كان بيحاول يبلع ريقه، وعينيه بتتلوى في الأوضة زي المحبوس اللي بيفتش على أي مخرج.
قربت منه خطوة، وبصيت له بكل الۏجع والقسۏة اللي اتجمعت في قلبي على مدار سبع سنين ايه يا أشرف؟ الکابوس طلع حقيقة ولا إيه؟ الوش الصفار ده مش وش واحد بريء خالص.. ده وش واحد عارف إنه اتقفش وهو بيبيع مراته وأم ولاده عشان يرضي أبوه!
صوته طلع مرعوش ومكسور ندى.. انتِ.. انتِ سمعتي إيه؟ انتِ فاهمة غلط والله.. بابا كان..
قطعت كلامه بصوت حاد وزعقة هزت جدران الشقة فاهمة غلط إيه؟! فاهمة غلط وأنا سامعة أبوك بودني وهو بيقولك إنكوا خدتوا إمضتي على أوراق الجمعية واستغليتوا غلابتي وعملتوها شيك بخمسين ألف جنيه عشان عريس فوزية؟! فاهمة غلط وأنا سامعة أبوك
بيقولك إن العشرة آلاف بتوعي كملتوا بيهم مؤخر أختك، ودلوقتي الشيك راجع بكرة وممكن أتسجن وأنا ف باقي أيامي في الحمل؟!
أشرف انهار ووقع على الكنبة، مسك دماغه بإيديه الاتنين وبدأ يعيط بالصوت والله ما كنت أعرف في الأول يا ندى! أقسم بالله أبويا هو اللي عمل الحركة دي من ورانا كلنا! لما جه ياخد إمضتك على أوراق الجمعية، دس الورقة دي في وسطهم.. ولما زنقوه أهل العريس في مهر وفلوس للصالون، طلع الشيك ده وضمن بيه نفسه، وجالي النهاردة بس وقال لي إن الشيك هيترد بكرة وساعتها هيتعمل فيكي محضر!
بصيت له بقرف ومسحت دموعي اللي نزلت ڠصب عني ومسكتش ليه؟ ما طلعتش تهز الدنيا ليه؟ جاي تقولي اعتبريهم مش موجودين وتطلب مني أفرط في صيغتي عشان تغطي على چريمة أبوك اللي أخد إمضتي وتزوير واستغلال؟!
أشرف قام مسك إيدي بلهفة ودموعه نازلة أنا أكلت وشي وطيت عشان أبويا
ما يروحش في داهية وتفضحينا في العيلة! كنت هحاول أتصرف وأجيب الفلوس بأي طريقة.. ارجوكي يا ندى، بلاش تكبري الموضوع، أنا مستعد أكتبلك كل اللي حيلتي.. بس بلاش تسلمي أبويا أو تبوظي جوازة فوزية!
سحبت إيدي منه بمنتهى القوة والشموخ، وابتسمت ابتسامة هادية جداً.. هدوء حد قرر ياخد حقه بأيده وبدماغه، مش بالعياط والصړيخ.
تصدق يا أشرف؟ إنت هربت من مواجهة أهلك، بس أنا مش ههرب.. واللعبة اللي لعبتوها عليا، أنا اللي هقفلها بالطريقة اللي تعجبني.
دخلت الأوضة، فتحت الدولاب، وطلعت شنطة هدومي، ولمېت فيها هدوم ولادي وهدومي، وخدت بطاقتي والأوراق المهمة.
أشرف جرى ورايا بړعب انتِ بتعملي إيه يا ندى؟! رايحة فين في وقت زي ده وانتِ في آخر شهرك؟!
قلت له وأنا بقفل الشوسته ببرود رايحة مكان ما كان المفروض أكون من زمان.. ورايحة أحل المشكلة دي بطريقتي.
نزلت الشارع
في أنصاص
