حماتي عزمتني على فرح جوزي ج١ مريم السيد

حماتي بنفسها عزمتني على فرح جوزي بعد ٦ سنين جواز بس محدش كان يعرف أنا رايحة الفرح ليه!!!!
أنا عمري ما تخيلت إن الحب اللي بدأ من أيام الجامعة، واللي كنت فاكرة إنه هيكون أجمل حاجة في حياتي هيتحول بعد سنين لمعركة أخرج منها وأنا مش عارفة أنا كسبت ولا خسړت.
أنا وجوزي كنا بنحب بعض من أيام الجامعة.
بدأت الحكاية بنظرات وكلام بسيط، وبعدها خطوبة، ووعود كتير كنا بنقولها لبعض وإحنا مصدقينها من قلبنا.
كان دايمًا يقوليأنا نفسي أول ما نتجوز أعيش معاكي في شقة لوحدنا، بعيد عن أي حد.
وأنا كنت بصدقه.
مش عشان كان بيقول كلام حلو وخلاص، لأ عشان كنت شايفة في عينيه وقتها إننا فعلًا هنبدأ حياة جديدة سوا.
لكن وقت الجواز، الظروف كانت أقوى من أحلامنا.
الفلوس كانت قليلة، والشقق غالية، وكل ما ندور على شقة مناسبة نلاقي نفسنا بنرجع لنقطة الصفر.
وفي يوم، قعد قدامي وسكت شوية، وبعدين قال بصوت مكسور بصي أنا مش

عايز أبدأ حياتنا ناقصة، بس الظروف مش مساعداني. ندخل بيت العيلة مؤقتًا، نوفر الفلوس اللي هنصرفها في الإيجار، وأول ما ربنا يكرمني هجيبلك شقة برة.
بصيت له وابتسمت.
مؤقت يعني؟
ضحك وقال مؤقت جدًا كام سنة بالكتير ونبقى لوحدنا.
مديت إيدي ومسكت إيده وقلتأنا مش فارق معايا المكان، المهم إني أكون معاك.
ووقتها كنت فاكرة إن دي أسهل جملة ممكن أقولها.
ماكنتش أعرف إنها هتكلّفني ست سنين من عمري.
يوم ما دخلت بيت العيلة، حماتي استقبلتني استقبال خلاني أحس إني داخلة بيت أهلي.
حضنتني وقالت يا حبيبتي البيت بيتك، وإنتي مش مرات ابني إنتي بنتي.
وبعدين ابتسمت وقالتإحنا هنا مفيش بينا الكلام ده بتاع حماتي ومرات ابني، إحنا أهل.
فرحت جدًا.
وقلت لنفسيأنا كده محظوظة هعيش وسط ناس بيحبوني.
أول أسبوع عدى جميل.
تاني أسبوع كان كويس.
بعدها بدأت حاجات صغيرة تظهر.
إنتي بتنامي بدري ليه؟
هو إحنا متعودين ناكل الأكل ده؟
الغسيل
اتأخر ليه؟
البيت محتاج يتنضف تاني.
كنت بعدي.
وأقول أكيد هي بتعودني على نظام البيت.
لحد ما بقى النظام ده حياتي كلها.
بقيت أصحى قبل الكل.
أطبخ.
أنضف.
أغسل.
أرتب.
وبعدين أرجع أبدأ من الأول.
وفي يوم، صحيت على صوتها وهي بتزعق من برة اصحي يا هانم! هو إحنا عندنا خدم هنا؟
فتحت عيني بالعافية، وبصيت للساعة.
كانت لسه بدري جدًا.
خرجت من الأوضة وأنا مكسوفة ومخڼوقة.
قلت حاضر يا ماما.
بصتلي وقالت ماما؟! يبقى تسمعي الكلام بقى.
سكت. حصري علي روايات واقتباسات
ماكنتش عايزة أول مشكلة تحصل بينا.
ولا كنت عايزة جوزي يفتكر إني من أولها بدأت أعمل مشاكل مع أمه.
كنت بحبه.
وكنت عايزة بيتي يكمل.
فاخترت السكوت.
ويمكن دي كانت أول غلطة عملتها.
كل مرة كنت أشتكي لجوزي، كان يسمعني ويقولي معلش.
أقول له أنا تعبت.
يرد استحملي شوية.
بس والدتك بتزعقلي على كل حاجة.
دي أمي وإنتي عارفة إنها عصبية.
طب وإنت واقف تتفرج؟