جوزي باعني ج2

عربية «آسر الشافعي» السوداء الفخمة كانت ماشية بثبات على طريق الكورنيش ، بعيد عن زحمة المدينة ودوشتها. جوه العربية، كانت «مي» قاعدة في الكنبة اللي ورا، ضامة جاكت بدلة آسر - اللي رماها عليها قبل ما يطلعو من الفندق - كأنها بتحاول تحمي نفسها من برد وهمي بيسري في جسمها كله. عيونها كانت حمرا ووارمة من كثر العياط، ونظراتها تايهة بين اللي بره وبين تفاصيل العربية من جوه. عقلها كان عامل زي طاحونة داييرة بلا توقف.. «حازم عمل كده ليه؟ جابني الأوتيل ليه؟ وليه الفويس نوت ده؟ هل هو هرب بسبب الديون وخاف من اللي مستنيه بسببهم؟ ده اكيد اتجنن بجد؟».. أسئلة كتير بتخبط في راسها زي المطرقة، ومن غير أي إجابة واحدة تريح قلبها. أكتر حاجة كانت واجعة قلبها مش بس قسوة رسايل حازم، لكن الكابوس المرعب اللي وقعت فيه.. إنها محبوسة دلوقتي مع راجل غريب، راجل بصوت و هيبة ونظرات قاسية زي الصلب، راجل ما تعرفش عنه حاجة غير اسمه وانها في يوم من الأيام رفضت تبص له حتى! بعد نص ساعة تقريباً، خفت السرعة، و العربية بتدخل من بوابة حديدية ضخمة جداً، بتفتح أوتوماتيكياً على سنسور خاص. بانت قدامها فيلا ملكية واسعة، متصممة على طراز مودرن فخم، ومطلة مباشرة على البحر من غير أي حواجز، محاطة بحديقة منسقة وأسوار عالية عليها حراسة أمنية متشددة. وقفت العربية قدام المدخل الرئيسي، و نزل السواق بسرعة وفتح الباب .نزل «آسر» من العربية بوقفته الشامخة وعيونه الباردة، ولف وشه ناحية الباب اللي ورا، وبص لها بجمود: — "انزلي." رفعت «مي» عيونها المليانة دموع وبصت له بصوت مرتعش، مكسور، لكن فيه وميض من التحدي: — "انزل فين؟ وأنت جايبني هنا بصفتك مين أصلاً؟! بقولك أنا متجوزة! والله العظيم جوزي هو اللي حجز الأوتيل وهو اللي بعت لي الفويس نوت! أنا ماليش ذنب في أي كابوس من ده كله.. سيبني أروح بيتي لو سمحت! " آسر جز على سنانه بغضب، وبنبرة صوت حادة قطعت الهواء: — "بطلي تمثيل! تمثيلية البراءة والضحية المظلومة دي مبتاكلش معايا، وخلصت من أول ثانية في الأوتيل. الاشكال اللي زيك اللي بتبيع نفسها عشان الفلوس والرفاهية، مبعرفش أصدق منهم حرف واحد، فاهمة؟ انزلي بهدوء وادخلي الفيلا على رجليكي ، بدل ما أخلي الحرس هم اللي يتعاملوا معاكي بطريقتهم!" كلماته كانت زي الصفعة على وجهها. الدموع نزلت بغزارة على خدودها وهي حاسة بالعجز التام. لقت نفسها مضطرة تنزل من العربية لأن مفيش قدامها أي حل تاني. دخلت الفيلا وهي بتترعش، لقت قدامها خادمة بملابس رسمية واقفة بانتظار الأوامر. شاور آسر للخادمة بإيده وهو بيديها ظهره: — "طلعيها الأوضة اللي في آخر الطرقة فوق.. وجهزي لها أي لبس ناشف تلبسه، واقفلي عليها الباب كويس بالمفتاح لحد ما أناديها." حاولت «مي» تقاوم وتصرخ في وش آسر وهي ممسوكة من الخادمة: — "اللي بتعمله ده اسمه خ. طف ! ده سجن! حرّام عليك.. أنا ست ومتجوزة والله.. سيبوني!" بس آسر مردش عليها خالص.. دخل مكتبه الفخم وقفل الباب الخشبي وراه بقسوة شديدة. طلعت الخادمة بـ «مي» فوق غصب عنها، ودخلتها أوضة واسعة جداً وديكوراتها راقية باللون البيج والأبيض، وفيها شباك كبير بيبص على البحر. دخلت وقفلت الباب وراها بصوت «تكة» المفتاح. قعدت «مي» على حرف السرير الكبير، وضمت رجليها لصدرها، ودفنت وشها بين إيديها وفضلت تعيط بانهيار هستيري وصوت مكتوم لحد ما حسّت إن حلقها بينزف من كثر العياط. الساعات بتعدي ببطء قاتل.. الشمس طلعت و بدأت تغيب، والليل دخل بصمته المرعب، وهي قاعدة لوحدها في الأوضة المظلمة، تفكر في كل لحظة ضاعت من عمرها مع حازم.. «ليه يا حازم؟ ليه تعمل فيا كده؟ لو مكنتش بتحبني أو زهقت مني، كنت طلقني بالذوق. . ليه ترميني الرمية دي لراجل غريب؟» تاني يوم الصبح.. الساعة عشرة كانت «مي» قاعدة على كرسي جنب الشباك، عيونها ورمة وشعرها منكوش، ساكتة تماماً زي الميتة. فجأة، سمعت صوت تكة المفتاح في الباب. فتحت الخادمة ودخلت ومعاها صينية أكل وفنجان قهوة، حطتهم على الطاولة وقالت ببرود مصطنع: — "آسر بيه بيطلبك تحت في الصالون.. افطري و انزلي حالاً من غير تأخير." مردتش عليها «مي». قامت بصعوبة بالغة، رجلها كانت شايلاها بالعافية. دخلت الحمام غسلت وشها ومسحت دموعها، وعدلت شعرها بسرعة، ونزلت لتحت وهي حاسة إن قلبها بيدق زي الطبول في صدرها. دخلت الصالون الواسع، ولقت آسر قاعد على كرسي جلد فخم، لابس قميص كاجوال أبيض وشمر أكمامه، وبيشرب قهوته بهدوء تام. أول ما حس بوجودها، رفع عيونه الحادة وبص لها ببرود: — "أخيراً شرفتِ.. اقعدي." وقفت «مي» في نص الصالون ومتحركتش خطوة واحدة، وقالت بصوت خشن ومبحوح من كثر العياط: — "مش هقعد! أنت حابسني هنا بصفتك مين؟ أنت فاكر نفسك ملك الدنيا عشان تخ. طف الناس وتعمل اللي في مزاجك؟ أنا عايزة أمشي حالاً!" آسر حط فنجان القهوة على الترابيزة ببطء، وقام وقف طوله الفارغ. قرب منها بخطوات هادية وثابتة لحد ما بقى واقف قدامها مباشرة. نظراته كانت حادة : — "اخ. طفك؟ مفيش حد بيتخ. طف برغبته يا حلوة. أنتِ جيتي لحد الأوتيل، وقعدتي في الأوضة بقميص النوم مستنياني.. ودلوقتي جاية تعملي لي مسرحية الشريفة العفيفة؟ فوقي لنفسك يا بت، اللعبة اتكشفت وانتهت." «مي» بصت له بذهول ورفعت حاجبها بصدمة من بجاحته: — "لعبة إيه وفلوس إيه اللي بتخرف بيها من امبارح دي؟ ! بقولك للمرة الألف : أنا ما أعرفش عن الفلوس دي حاجة! أنا كنت رايحة الأوتيل مع جوزي.. جوزي قال لي تعالي نقضي ليلة مع بعض نصلح فيها اللي ما بيننا، وبعدين سابني وهرب وبعت لي فويس نوت بيطلقني فيه! أنا ما بعتش نفسي لحد ولا أعرفك أصلاً!" آسر ضحك ضحكة قصيرة مليانة سخرية واستخفاف، وقرب منها أكتر: — "جوزك؟ ههههه.. دي أسطوانة جديدة دي! كل واحدة تقع في ورطة تطلع لي بحكاية «الجوز» الوهمي ده عشان تخرج منها . بطلي كذب بقى! لو عندك زوج زي ما بتقولي، هو فين ؟ هو في راجل بيجيب مراته أوتيل ويمشي يسيبها لراجل تاني؟ اعقلها ازاي دي يا شاطرة!" دموع «مي» نزلت حرقة على خدودها، وحست بقهوة مش قادرة تبلعها. جابت آخر طاقاتها وصصرخت في وشة بكل قوتها: — "أنت متخلف ومش فاهم حاجة! أنا بقول الحقيقة! جوزي هو اللي عمل فيا كده.. هو اللي جابني هنا.. بس أنا لغاية دلوقتي مش مصدقة ولا فاهمة هو ليه عمل فيا كده! أنا مكنتش أعرف إنك أنت اللي هتيجي الأوضة ... يمكن مثلا انت اتلغبطت فى رقم الاوضة . .. اه اكيد ده اللي حصل!" آسر وقف مذهول لحظة قدام صراخها الصادق.. ملامح وشها.. رعشة إيديها.. دموعها اللي خارجة من أعماق قلبها.. كلها كانت بتصرخ بإن في حاجة غلط.. حاجة هو لسه مش فاهمها كويس. بس كبرياءه وغروره رفضوا يستسلموا للإحساس ده بسهولة. رد بصوت أطول وأكثر حدة: — "تصدقي تنفعي ممثلة؟ بعد ما صدتيني من أربع شهور في الشركة وقلتي كلمتين كبار عن الكرامة والأخلاق.. انبارح الاقيكي مستنية بقميص نوم فى اوضة فندق ؟ لو أنتِ فعلاً ست محترمة وعندك جوزك زي ما بتدعي، كنتِ رفضتي من الأول.. مش كنتِ جيتي وسكتي لحد ما دخلت عليك الأوضة!" — "أنا ما جيتش بمزاجي عشان أقابلَك أنت! أنا جيت مع جوزي! جوزي و الله العظيم ... و هو اللي أقنعني نسافر ونيجي الأوتيل ده! وافقت عشان كنت بحاول أنقذ بيتي وأصلح اللي بيننا! مكنش في دماغي لحظة واحدة إن الراجل اللي هيفتح الباب هو أنت.. ولا كان في دماغي إن في كابوس بالوساخة دي مستنيني!" انهارت «مي» تماماً، وقعدت على الأرض بانهيار، حاطة إيدها على وشها وبتعيط بصوت يقطع القلب. آسر وقف بيبص عليها مكانها. . الصمت لف الصالون كله صوت عياطها بس اللى كان مسيطر على المكان . كلامها.. نبرة صوتها المليانة وجع حقيقي.. بدأت تهز جدران شكه. «هل بجد فيه سر أنا مش عارفه؟ هل البنت دي مظلومة بجد وجوزها ضحك عليها؟ بس لو كده.. مين جوزها ده؟ وإيه علاقته بيا أساساً؟» بص لها آسر نظرة طويلة محملة بالتساؤلات الغامضة، وهو حاسس إن الحكاية أكبر بكثير من مجرد "واحدة بايعة نفسها"، وإن في خيط خفي وخطير لسه ما اتكشفش..يتبع .....

مقالات ذات صلة

قالت للقاضي اتحدث ١١ لغه

زين وملاك

طمع الحماه ج١ منال علي

فطار حماتي ج١ منى السيد

ابويا هبد امي الحامل ب شلوت غشيم في بطنها

هربت من جوزها

اترك تعليقاً إلغاء الرد