هى ليله واحده بس الى هقضيها معاها
=هي ليله واحدة بس هقضيها معاها، وبعد كده مش عايز أشوف وشها. تاخديها أوضة تانية وتحبسيها فيها لحد الولادة… مش كفاية قبلت أتجوز خدامة كمان. والدته قربت منه وقالت: يا ابني، دي الوحيدة اللي وافقت. هتتجوزها تسع شهور بس، تخلف الطفل اللي محتاجينه، وتاخد قرشين وتمشي.
قال بغضب: أنا قلت لا… لا… أنا عاصف الصقر أتجوز بنت بالفلوس؟ إزاي أقبل كده يا ماما؟ ده أنا أمثالها أحطهم تحت رجلي!ضحكت والدته وقربت منه وقالت: أنا فاهمة أنت زعلان ليه. كرامتك مش جايباك، لأنها رفضتك من غير جواز… بس ده حقها يا عاصف.
عاصف بصلها بدهشة وقال بغضب: حقها؟ حقها ده إيه؟ هي الخدامة دي لها حق؟قالت والدته بضيق: يوه يا عاصف… خدامة، خدامة! هي الخدامة دي مش بشر زينا يا ابني؟عاصف قال بسرعة: بشر، بس مش زينا، ومستحيل تكون زينا. .. عاملة فيها شريفة ومدارية ورا الخيمة اللي لابساها.
أقال يعني من جمالها؟ أنا عندي استعداد أراهنك على مليون جنيه لو كانت تتشاف أصلًا!ضحكت والدته وقالت: أنت مالك بشكلها؟ أنت متجوز نفين من سنين طويلة، ومحصلش حمل ولا هيحصل في حالتها… وجدك مصر متورثش جنيه واحد قبل ما تفرحوا بحفيد.
إيه العمل غير كده؟ دي هتخلف الولد وتسيبه، وأنت ونفين اللي هتربوه. مالك بقى بشكلها؟ وحشة ولا نيلة حتى!عاصف اتنهد وقال: تمام، كل كلامك صح. إيه المانع بقى إنها تخلفه من غير جواز؟ أصلًا محدش هيعرف لحد ما تولده، ولا لازم تتلزق في اسمي الجربوعة دي؟
أمه نفخت بضيق وقالت: أنا تعبت معاك. البنت مش عايزة تعمل حاجة حرام، هتعترض في دي كمان؟ وبعدين، إزاي نقبل يبقى ابنك ابن حرام؟ شوف بقى، لو مبطلتش قلة عقلك دي، متجيش تشكيلي بعد كده. ولو فعلًا بتعتبرني أمك اللي يهمها مصلحتك، وافق علشاني وخلصنا من كل ده.
عاصف اتنهد بخنقة وقال: ماشي يا ماما، علشانك بس هوافق. بس هي ليلة واحدة هقضيها معاها، وبعد كده مش عايز أشوف وشها. تاخديها أوضة تانية وتحبسيها فيها لحد الولادة، تمام؟ والدته ضحكت وقالت: تمام… كل ده موافقة عليه. بس يارب أنت بعدين تفضل قد كلامك وتوافق عليه.
عاصف مفهمش ولسه هيرد، جات بنت تبان صغيرة جدًا، منتقبة وشايلة القهوة، وهي بتترجف من الخوف. عاصف بصلها بحدة، وهي خافت أكتر. أمه اتنهدت بيأس منه وقالت: تعالي يا نسيم يا بنتي، متخافيش. على فكرة، عاصف وافق على جوازكم اللي إنتي عايزاه، هيتم. عاصف قال بغضب: أنا موافقتش على حاجة.
