انتي تقدري تاخدي ميكروباص
أنتي تقدري تاخدي ميكروباص وأنتي مروحة بكرة.. أنا خارج أتعشى مع أهلي بمناسبة المولود الجديد!
الكلمة نزلت عليا زي السكينة وأنا لسه يدوب مخلصة ولادة وممرضة المستشفى بتحط ابني في حضني.. ياسين بص في موبايله ببرود وكمل كلامه وهو بيعدل لبسه زي ما سمعتي يا ندى.. بكرة الصبح لما تخرجي خدي أي حاجة تروحك، الموقف يدوب على أول الشارع.. أنا حاجز مطعم غالي ومينفعش أكنسل الحجز وأكسف أهلي.
الأوضة فجأة بقت سكون لدرجة إني كنت سامعة صوت نفس ابني الصغير.. بصيت له بذهول وقلت له أنت مدرك أنت بتقول إيه؟ أنا لسه والدة من ٦ ساعات!
حماتي وقفت بكل غطرسة وهي بتعدل غوايشها الدهب ونفخت بضيق جرى إيه يا ندى.. ما تنشفي كدة، بلاش دلع ماسخ.. مفيش واحدة بتولد وتموت بعدها، والنسوان طول عمرهم بيولدوا ويقوموا يخبزوا.. ابني وأهله جايين من مشوار بعيد وعاوزين يفرحوا بالواد.
أخت جوزه، نهى، بصت لي بضحكة سخرية وقالت كل الستات بتولد كل يوم يا حبيبتي، مش قصة يعني.
بصيت ليهم كلهم بتركيز.. شياكتهم،
لبسهم الغالي، وياسين اللي في إيده مفاتيح العربية اللي أنا شاريها بفلوسي.. ياسمين بص لي وقرب مني وهمس بصوت واطي بلاش النظرات دي.. وأحمدي ربنا إن أهلي وافقوا بيكي أصلاً وناسبوكي.
وافقوا بيا؟ عشان سكتت؟ وعشان خبيت أصلي وعيلتي؟ وعشان سمحت له يفتكر إني بنت غلبانة ومقطوعة من شجرة وجاية من مفيش؟
حماتي مسكت شنطة هدوم البيبي وبصت فيها بقرف هدوم رخيصة وشغل سوق.. هنبقى نجيب له لبس يليق باسم عيلة الراوي.. ده لو طلع يشبه لياسين أصلاً!
في اللحظة دي، ملقيتش جوايا غضب، ولا حتى وجع.. لقيت هدوء غريب سكن قلبي.. ياسين وطى وباس ابنه بوسة سريعة كأنه بيمثل قدام الناس، وبص لي وهو خارج من الباب مش عاوز اتصالات كتير بليل، إحنا بنحتفل النهاردة.. سلام.
الباب اتقفل وراهم.. قعدت لوحدي، جسمي واجعني، روحي مطفية، وشايلة ابني اللي نايم على صدري.. بكيت ٣ دقايق بالظبط، وبعدها مسحت دموعي ومسكت موبايلي.
كان فيه رقمين في حياتي ياسين ميعرفش عنهم حاجة، ولا عمره فكر يسأل أنا كنت مين قبل ما أعرفه.. طلبت رقم المحامي بتاعي وقلت له بصوت زي التلج الخطة هتبدأ دلوقت يا متر.. عيلة الراوي لازم تعرف مين هي ندى الجوهري اللي استصغروها.
ياسين وأهله كانوا فاكرين إنهم سابوني مكسورة في المستشفى، وميعرفوش إن الليلة دي هي آخر ليلة ليهم في حياة العز اللي عايشين فيه بفلوسي.. يا ترى إيه اللي ندى الجوهري مخبياه في ماضيها وهيقلب حياتهم لجحيم؟ ومين هو الشخص اللي هيظهر في حياة ياسين النهاردة ويخليه يندم على اللحظة اللي فكر فيها يرمي مراته في الشارع؟ القادم هيحرق كل التوقعات!
