زينه العاصم ج2

الحلقة العاشرة ” عاصم واقف قدام المرايا بيلبس هدومه وزينة واقفه وراه بتتكلم بكل عصبيه وهو بيحاول يتلاشي الكلام معاها ” زينة بجنون : رد يا عاصم قولي خارج رايح فين الساعه ١٢ بليل انا مش بكلم نفسيي عاصم بهدوء : قولتلك مشوار مهم ومش هتأخر نامي انتي وانا لما ارجع هصحيكي زينة بعصبيه : مشوار ايييه الساعه ١٢ بليل فهمني رايح لنسوان يعاصم ؟ عاصم بصلها بعصبيه : استغفر الله العظيم يارب نسوااان ايه اللي رايحلها يابنتي انا كنت قومت بيكي علشان اشوف غيرك روحي نامي يا زينة ربنا يهديكي زينة قعدت علي السرير ودموعها نزلت : اه يا عاصم ممكن اكون مش مكفياك ” ونامت علي السرير وعيطت اكتر ” عاصم بصلها وهو بيحاول يسيطر علي عصبيته وراح جنبها : علي فكره مفيش واحده بتحب جوزها وبتثق فيه تعمل اللي انتي بتعمليه دا ولا تقول اللي انتي قولتيه دا زينة بشهقات : ولما جوزي يخرج نص الليل لابس ومتشيك وحاطط برفان ويقولي شغل يبقي ايه عاصم طب قول حاجه تقنع العيله اللي متجوزها عاصم قرب من خدها وباسها : وحياة زينة ولميس عندي ما هخونك ولا عمري حتي افكر ان اخونك كل الموضوع ان المشكله دي صاحبها محلفني مقولهاش وانا مقدرش اقول زينة جواها اطمن من كلامه : هترجع امتي ؟ عاصم اتنهد : معرفش هرجع امتي بس لما اخلص هاجي علطول نامي انتي وانا اول ما ادخل البيت هصحيكي ” وقام وقف ” يلا مع السلامه ” وخرج برا البيت رن علي رامز ” ………………….. ” في شقة رامز ” ” رامز نايم بعمق وجنبه مراته وفي النص بنتهم فاق علي صوت فونه لما لاقاه عاصم رد ” ابتسام : مين اللي بيرن الوقتي يا رامز ؟ رامز بصلها بنوم : اتخمدي دا اخوكي يماا .. الوو عاصم بدون مقدم\ات : البس وانزلي ومتعرفش ابتسام انت رايح فين اخلص رامز بعدم فهم : ما انا معرفش هنزل فين وليه علشان اقولها .. الووو عاصمم رد يلاااا اختك متخلفه هتفكرني بخونهااا ابتسام بقلق : في ايه عاصم ماله ؟ رامز قام وبدء يغير هدومه : انا عارف في ايه قالي انزل لسه معرفش هروح فين دلوقتي ابتسام : طيب انزله ولما تشوفه وتعرف عايزك ليه رن عليا عرفني علطول رامز : طيب ادخلي كملي نوم لو هتخافي انزلي نامي مع امي تحت ابتسام اتعدلت ونامت علي السرير : لاء هنام انا وسما مش نازله مبعرفش اخد راحتي تحت رامز وهو طالع : اعملي اللي يريحك ” ونزل علي تحت كان عاصم مشغل عربيته و قاعد فيها راح ركب جنبه ” رامز بقلق : مطلعنا الساعه ١٢ ليه يا عم عاصم خير يارب ؟ عاصم مشي بعربيته : مسعد اتمسك ببودرا وسلاح ورامي اتصل بيا لما نروح نشوف الوضع فيه ايه رامز سند ضهره علي الكرسي : انا كنت حاسس ان الحوار فيه مسعد برضو المهم مراتك عرفت ؟ عاصم : لاء لو قولت كانت اتصلت بأمها وانت عارف النسوان لت وعجن كتير وعلي الفاضي واحنا حاليا في غني عن الكلام دا كله رامز : خير ما عملت ومسعد قضية البودرا والسلاح دي هياخد فيها ٢٥ وهو مرتاح عاصم : السج\ن هو اللي هيعلمه الادب يا صاحبي غير كدا كله كلام في الفاضي الواد دا مبقاش باقي علي حد ف سج\نه احسن …………………………… ” في القسم ” ” عاصم ورامز راحو علي مكتب رامي علطول وعرفوه انهم هناك ” “العسكري واقف ومكلبش مسعد اللي بدء مفعول البودرا يروح وهيتجنن ” رامي طلع برا اوضة الظابط المسؤل عن قضية مسعد وفي ايده كوباية شاي : خده يابني علي زنزانة ٩ لحد ما يتعرض الصبح علي النيابه العسكري بحترام : تمام يا فندم ” وشد مسعد جامد ” امشي يلا معايااا ” في المكتب بتاع رامي ” رامز قاعد علي الكرسي بتاع رامي بفشخره : صور بقا بالوضعيه دي …. اخلصي بوقي اتشنج عاصم بتركيز : صورت والله ” وراح عنده ” ها اي رأيك ؟ رامز وهو بيدقق في الصوره : انت قاصد تجيب مناخيري كبيره صح ؟ عاصم بنرفزه : دي خلقة اهلك والكاميرا بتنسخ الشكل اللي قدامها ومناخيرك طبيعي كبيره ف متتعبناش معاك يبااا رامز : طب روح اقف عند الشباك وخد صوره تانيه كأني مش واخد بالي بقا صوره عميقه يعني ” رامي دخل المكتب وبص علي شكل رامز المنسجم ، وعاصم اللي بيصوره ومركز في التصوير ” رامي : جيت في وقت غير مناسب ولا ايه يرجاله ؟ عاصم بنرفزه : ادخل يا رامي الله يباركلك خلينا نصوره ميتين ام الصوره اللي مش راضيه تخلص مناخيره مضلمه وشه الكاميرا مش مقتنعه انه بشر رامز بصله بغيظ : اللهي اللي يجي عليا ما يكسب ولا يربح يا قادر يكريم رامي : انجز يابنيي انت وهو خلينا نتكلم في الموضوع اللي بعتلكم علشانه الاول خلي الواحد يروح ينام عاصم قعد وركز في كلامه : بص علشان اكون واضح معاك الواد دا مكانه الصح هو السج\ن سر\\قه بيسر\\ق بودرا وبيشد ومحدش من اهله عارف يسطر عليه رامي : يبقا يترمي في السج\ن و هو بإذن الله بالقضيه بتاعته دي انسي ان يشوف الشمس تاني عاصم بهدوء : هو كدا ضايع وكدا ضايع علي الاقل امه ترتاح منه ومن مشاكله لانه مبهدلها جامد رامي : يبقا يتربي ويتعلم الادب واللي ميربهوش امه وابوه يربيه السج\ن هو واللي خلفوه .. بس تتجوز كدا ولا كأنك تعرفني ولا حتي تتصل تعزمني فيك نداله يا اخي مشوفتهاش علي رامز رامز بحاجب مرفوع : حاططني في دماغك ليه يعم رامي انت كمان عاصم : تصدق بالله انا لحد وقتنا هذا معرفش انا اتجوزت ازاي رامي : مراتك اخت الواد مسعد دا باين ؟ عاصم بهدوء : ايوا اخته رامي بنفور : وانت ايه اللي حدفك عليهم بس يعاصم ملقتش غيرها يجدع عاصم اضايق جواه انه اتكلم علي مراته كدا : مراتي مالها ومال اخوها انا متجوزها هي ولا هو مراتي تربية امي نجوي وابويا رمضان ف دي حاجه خليتني اختارها وانا مغمض الواد مسعد اللي مش عجبك دا صنيعي بلاط معلم قد الدنيا بس هو بعد مو*ت ابوه عمل كدا رامي ابتسم : لاء دا انت باينك بتحبها يا ابو لميس ما هو معني ان كلامي عليها ضايقك يبقي وقعت ومحدش سمي عليك يا وحش عاصم بلا مبالاه : ولا وقعت ولا حاجه بس بقول اللي شايفه ومتأكد منه وخلاص رامز قام وقف : المهم لو مهمتنا خلصت خلينا نقوم نمشي علشان مراتي زمانها الوقتي قالت الراجل بيتصرمح مع واحده رامي بضحك : لاء بس اختك لسه برضو مسيطره جاامد يعم عاصم عاصم وقف بغرور : مروقه عليه تربية اخوها حبيبة قلبي هنمشي احنا وبكرا هكون في النيابه بإذن الله رامي : ولا تيجي ولا تتعب نفسك انا هروح معاه بنفسي وهعرف الحكم وهعرفك عاصم : اخوياا الجدع من يومه والله العظيم خلاص انا معاك علي اتصال اي حاجه عرفني دوغري ” عاصم مشي هو ورامز من القسم ، كل اللي في دماغ عاصم هيعرف مراته وحم\اته ازاي ، كل واحد طلع بيته وكانت مراته نايمه ف نامو ” ……………………………. ” في زنزانه ٩ ” ” مسعد واقف وفي اكتر من ٣٠ واحد معاه في زنزانه اصغر من اوضة ، واقف وفي واحد واقف جنبه ساند علي كتفه ” مسعد بضيق : يعم ابعد هي نقصاك يعني حر وعرق وكمان انت رضوان بعد عنه : جري ايه يا صاحبي ما الحال من بعضه انت متنرفز بس علشان اول يوم بكرا تتعود مسعد بصله : انا عايز انام هنام فين ؟ رضوان وهو بيتاوب : ١٥ بينامو و ١٥ بيصحو وانت حظك جاي مع ال ١٥ البي بينامو الصبح ويصحو بليل مسعد بضيق : لازم اطلع من هنا الوضع لا يطاق رضوان : الا قولي يصاحبي جاي في اي ؟ مسعد : بودرا وانت رضوان بلهفه : مفيش معاك سطر ومردوده اخوك دماغة هتتفرتك مسعد بسخريه : كان القرد نفع نفسه يا اخويا مقولتليش جاي في اي رضوان بلا مبالاه : سر\\قه مسعد : ودي فيها كام سنه ؟ رضوان : انا واخد سنه وبعد الاستئناف بقت ٨ شهور بس مش السر\\قه كلها كدا علي حسب نوع السر\\قه اللي جاي فيها يعني انا سارق م\\وتسيكل ف اخدت سنه مسعد : طب وانا ممكن اخد كام ؟ رضوان : انت من ٢٠ ل ٢٥ الا لو قومت محامي كبير يطلعك منها مسعد : الله يطمنك يا غالي ………………………….. ” في شقة عاصم ” ” زينة قامت من النوم كان عاصم نايم في النص ولميس نايمه علي دراع وزينة علي دراع ” ” زينة بصت عليه وقامت غيرت هدومها وطلعت علي برا ، كانت مرفت قاعده قدام التلفزيون بتحشي محشي ” زينة ببتسامه : يا الله علي الروقان هناكل محشي النهارده ؟ مرفت بحب : محشي وبط وجلاش بالحمه المفرومه كمان زينة قعدت جنبها : ااه كدا ادووب بجد مرفت : قومي بس جهزي فطار ليكي انتي وجوزك وانا قربت اخلص لف اهو زينة قامت وقفت بحب : عاصم اول مره ينام كدا ممكن مينزلش الشغل النهارده ولا اي ؟ مرفت : طب ما تدخلي تصحيه وشوفي هينزل الشغل ولا لاء زينة بتوتر : نايم متأخر نزل الساعه ١٢ بليل ومقاليش راح فين ومعرفش جيه الساعه كام اصلا مرفت بستغراب : راح فين دا في نص الليل كدا زينة قعدت جنبها وسندت علي كتفها : حاسه ان انا وهو بينا الف سد يا ماما بقول ممكن الحاجز دا يتشال بمرور الوقت لكن دا السد بيكبر يا ماما اعمل ايه انا مرفت مسحت علي شعرها : وليه الحاجز دا مبتحاوليش تشيليه يا زينة زينة دموعها نزلت : بحاول والله العظيم بس لما بكون طرف بيحاول والطرف التاني مبيتحركش حتي انت غصب عنك هتملي مرفت ح\ضنتها : الوحدة اللي بتحب جوزها عمرها ما تمل منه يا زينة عاصم كان في الحمام بتاع الاوضه بياخد شور وبعد ما حط الصابون علي جسمه جيه بفتح المايه مفتحتش : المايه قاطعه ولا ايه … زيننننة ؟ مرفت سمعت صوته : قومي يا حبيبة قلبي شوفي جوزك عايز ايه وربنا يعدل حالكم يارب زينة قامت وراحت علي اوضتهم لقيته في الحمام : في ايه يا عاصم ؟ عاصم من ورا الباب : المايه قاطعه ولا ايه ؟ زينة : اه المايه قطعه اطلع بقا مش ضروري تستحمي النهارده عاصم بنرفزه : مش ضروري ايه انا غسلت جسمي بصابون روحي نادي امي يا زينة اخلصي زينة طلعت : ماما عاصم غسل جسمه بصابون وميعرفش ان المايه قاطعه مرفت : كدا هتنزلي تجيبي مايه من خزان المايه اللي في الورشه تحت عاصم طلع راسه من الحمام بزعيق : لاااء متنزليش الشااارع هاتي الفوطه من علي السرير واقفلي الباب زينة دخلت وقفلت الباب وجابت الفوطه وخبطت علي الباب : افتح خد الفوطه اهي عاصم فتح واخد الفوطه ونشف الصابون ولبس بنطالون وطلع بنرفزه : طلعيلي هدوم يا زينة زينة راحت عند الدولاب وطلعت هدوم بهدوء وتعب : دول كويسين ولا اي ؟ عاصم بصلها بستغراب : مالك في ايه وشك اصفر كدا ليه النهارده زينة بصتله : مفيش باين داخله علي دور برد عاصم قرب منها وحاوط وشها بإيده بقلق : جسمك مش سخن يعني حاسه بإيه كدا ؟ زينة بعدت بهدوء : مفيش يعاصم انا كويسه متقلقش عاصم شدها ليه تاني بستغراب : انتي بتبعدي عني ليه ” زينة بصتله شويه وعيطت جامد ” عاصم ح\ضنها بقوه وحنان : مالك يا زينة بتعيطي ليه ؟ زينة بوجع : انا فكرت لما اتجوز هرتاح يا عاصم فكرت ان هعيش معاك في سعاده ، لقيتني بتوجع اكتر وبتعب اكتر وانت مش قادر تتقبلني ف لو عايز تطلقني يا عاصم طلقني وارتاح مني عاصم كلامها زعله جدا فح\ضنها اكتر : حقك عليا مليون مره علشان حسستك كدا انا اسف ليكي يا زينة بس حقيقي انا خايف عليكي زينة بصتله بلهفه : خايف عليا من ايه يا عاصم انا بحبك … بمو*ت فيك مستعده اكمل حياتي معاك وكفايه عليا ان ابصلك بس تراضيني بكلمه بلاش تحسسني احساس اني حمل عليك يعاصم بلاش احساس اني مش مرغوب فيا دا عاصم بصلها بتشتت : انا كبير عليكي يا زينة قكري في سني ؟ زينة قربت منه وباسته : بس انا بحبك عاصم ابتسملها : انتي لسه صغيره لما تكبري هتفهمي وهتندمي زينة باسته تاني بحب : عمري ما اندم علي حبك انت كياني يا عاصم عاصم اتنهد براحه وح\ضنها : كلامك دا متقالش من اول يوم جواز ليه يا زينة كنت محتاج احس بالحب دا علشان متشتتش كدا زينة ح\ضنته بقوه : هفضل كل دقيقه اقولك ان بحبك ومش ندمانه علي حبك مش طالبه منك حاجه غير انك تعاملني كويس وبس عاصم بصلها : بس انا طالب ؟ زينة بستغراب : طالب ايه ؟ عاصم : نعيش حياة زوجيه طبيعيه يتبع…♥️♥️ الحلقة الحادية عشر ” زينة ابتسمت اوي ولسه هترد جرس البيت رن ” زينة وقفت بعتذار : ثواني هفتح واجيلك عاصم مسك اديها بلهفه : سيبك من كل حاجه امي هتفتح رودي علي سؤالي ؟ رواية عربية زينة بصتله بخجل ولسه هترد سمعت صويت نجوي من برا : الحق مامتي بتصوت برااا يا عاصم ” وطلعت جري علي برا ” عاصم لبس هدومه بحسره : تلاته بالله العظيم جوازه مبصوص فيها من الصغير قبل الكبير ” اتنهد وقام طلع علي برا ” نجوي قعدت علي الكنبه ودموعها نازله : انا ابني يبقي رد سجون دا انا عمري ما ربيته علي حاجه حرام مرفت قعدت جنبها تطبطب عليها : اهدي بس يا نجوي سج\ن ايه اللي مسعد فيه جيبتي الكلام دا منين بس عاصم بهدوء : كلام امي نجوي صح مسعد اتمسك ليلة امبارح ببودرا وسلاح زينة بعصبيه : انتي بتعيطي و زعلانه ليه ما يولع بجاز الكل قاله اخرة اللي انت فيه يا السج\ن يا وهو معبرش حد وفضل مكمل ولا حد همه ومين اللي بيتعذب دلوقتي هو علي الاقل تنامي وانتي مطمنه مش خايفه ليسر\\ق حاجه من البيت في الساعتين اللي نايمه فيهم عاصم كلام زينة معجبهوش ف بصلها بتحذير : هتقولي كلام يهدي اقعدي هتتهبلي في كلامك اختفي من قدامي …تمام ؟ زينة بصتله وقالت بصوت عالي : انا بقول الحقيقه مكانه الصح السج\ن اللهي ما يطلع منه خالص عاصم بعصبيه : عايز اسمع صوتك تاني ومش هقرر كلامي تاني نجوي بصت لزينة بغضب : مترديش علي جوزك وخليكي محترمه ” مرفت حست ان هيحصل مشكله ف شدة زينة قعدتها جنبها ” عاصم بهدوء : بصي يما نجوي انا عارف انك ام وقلبك محروق علي ابنك بس دلوقتي مسعد دخل في سكه ملهاش اخر ض*رب وبنض*ربه ومفيش فيه فايده يبقي خليه في السج\ن علي الاقل محفوظ من المشاكل اللي بيتهم فيها دي وبعدين انتي خايفه عليه من السج\ن ليه هما هيعلقوه ؟ دا بياكل انضف اكل وهينام مرتاح وكل حاجه تمام نجوي مسحت دموعها : وميعرفش يجيب الحجات اللي بيشمها دي جوا يا عاصم ؟ عاصم اتنهد : بصي هو كل حاجه موجوده جوا بس بالزله وبفلوس اغلي من برا ف مسعد مفيش معاه جنيه جوا ومحدش جوا بيدي لتاني فلوس واحنا ولا رايحين زياره ولا غيرها خليه يتزل يمكن يفوق من اللي هو فيه نجوي دموعها نزلت تاني : حسبي الله ونعم الوكيل في اللي علمه الشرب والقرف دا الشباب زي الورد اشمعنا انا ابني يكون كدا ما انا لو ربيته علي مال حرام هقول ماشي لكن دا انا مربياهم احسن تربيه مرفت وهي بتوسيها : استغفري ربك يا نجوي دا ابتلاء يحبيبتي والله ابتلاء وفي كل بيت لازم تلاقي حد مايل عمرها ما بتكمل يغاليه والله العظيم نجوي مسحت وشها : يلا الحمدالله … وهو اتحكم عليه بقد اي يعاصم ؟ عاصم : لسه متعرضتش علي النيابه لما يتعرض هنعرف وهعرفك نحوي بصت لزينة ورجعت بصت لعاصم : وزينة عامله معاك ايه ؟ عاصم ابتسم بمرح : اهو يوم حلوين ويوم بنلطش في بعض واهي ماشيه نجوي ابتسمت : مزعله جوزك ليه يابت انتي ؟ زينة بغيظ : هو اللي مزعلني انا مبزعلش حد عاصم قام وقف : تعالي يا زينة معلش اكويلي القميص بتاعي زينة : طيب جايا اهو ” وقامت راحت علي اوضتهم كان عاصم نقل لميس اوضتها وغطاها كويس وراح اوضته ” قميص ايه اللي عايز تكويه يعاصم ؟ عاصم ابتسم بمكر وقفل الباب بالمفتاح وراح عندها شدها قربها منه وحط ايده علي وسطها : يعني استحلفك بالله يا شيخه في عريس متمرمط المرمطه اللي انا متمرمطها دي ؟ ” زينة اتوترت وحطت اديها علي ايده اللي علي وسطها تحاول تفكها ف عاصم كتف اديها ” عاصم قرب اكتر منها : بالله منفسكيش نخاوي لميس بحتت عيل صغير كدا يقرفنا ويقولك يماما في الراحه والجايا ” زينة ابتسمت بتوتر وكسوف وبتحاول تفك اديها من ايده ” عاصم قرب منها اكتر لدرجة انه بقا بيتكلم في ودنها بهمس : انتي ساكته ليه مش عاجبك وضعنا الجديد ولا ايه ؟ زينة اخيرا صوتها طلع : انت مكتفني كدا ليه مش عارفه اتكلم ابعد شويه عاصم رفعها ما علي الارض ومشي بيها : ابعد ليه احنا اتفقنا نعيش حياة طبيعيه زي اي واحد ومراته زينة برقت بصدمه : ابعد يعاصم متهزرش مامتي ومامتك قاعدين برا وبيسمعو دبة النمله عاصم راح بيها ناحية السرير : يقلب عاصم ابعد دلوقتي واقرب امتي بقالي ١٠ تيام ببعد ومفيش فايده زينة بتوتر : انت اللي خلقت بينا سدود وحواجز من اول ليله يبقا تستحمل ابعد وخليك محترم عاصم وهو بيرجع شعرها ورا ودنها : ما انا كنت محترم لحد ما دخلنا الاوضه زينة بلهفه : خلاص خلينا نطلع برا الاوضه وسيبني في حالي والله عندي صداع وبطني وجعاني ومن امبارح وانا حسه ان ضهري قافش عليا عاصم وهو بيب\\وس خدها : عارف عارف وبتخدي نفسك بالعافيه وض*ربات قلبك عاليه والضغط مرتفع واللعذار الكدابه دي بس للأسف رصيد التحمل عندي خلص ” زينه لسه هتتكلم كان عاصم باسها بكل حب ورقه تاهت هي في حنانه ورقته معاها ” …………………………………. أفضل الهدايا لأحبائكم ” في منزل رامز ” ” رامز قاعد في شقة امه ، وامه قاعده جنبه بتفرتله عنب ” رانيا ام رامز : افتح ايدك يولا خد مني العنب كل ما اديك حاجه تقولي واكل ؟ رامز اخد العنب واكله : العنب دا بحسه بينيمني يما وانا ورايا شغل رانيا : وعلي كدا مراتك فطرتك ولا لاء ؟ رامز بكدب وهو بيلعب في فونه : فطرتني وشربت الشاي وعملتلي سندوتشات اكلها لما اجوع كمان ابتسام بنت حلال والله يما رانيا بلوية بوز : وسهر بنت خالتك كانت بنت حرام ؟ مكنتش هتم*وت عليك دا البت من حبها فيك جت قالتلي جوزهولي يما رانيا ك\\سرت بخاطرها علشان ابتسام ؟ رامز ببتسامه : القلب وما يريد يا ست الكل سهر حبيتني بس انا حبيت ابتسام رانيا : يولا دا بيقولك خد اللي يحبك ومتاخدش اللي تحبه ؟ رامز : والنبي انتي جايا تقولي الكلام دا امتي يما انا اتجوزت وخلفت خلاص رانيا : وسهر لسه متجوزتش يا رامز رامز برفع حاجب : يما وانا مالي بيها ربنا يرزقها ببن الحلال اللي يرضيها ويحبها ” وقام وقف ” يلا انا نازل شغلي عايزه حاجه رانيا : سلامتك يا اخويا حد الباب في ايدك ” وقامت جابت تلفونها واتصلت بإبتسام ” ابتسام وهي بتغير لسما : الوو نعم يا ماما رانيا : انزلي اكنسي البيت وفي شوية مواعين في الحوض اغسليم ضهري مش قادره اقف منه بعيد عنك ابتسام : طيب نازله اهو انا عمله رز بلبن هجيبلك طبق رانيا بسرعه : لااااء عندي انزلي بس اعملي اللي قولتلك عليه ” وقفلت ” يخرابي لتكون عملالي فيهم حاجه ؟ ابتسام بستغراب : مالها الوليه دي قفلت في وشي ولا كأني خدامه عندها طب بالله ما انا نازله سما : ماما عايزه اروح عند لميس وزينة نلعب سوا ابتسام : حاضر بليل هنروح عندهم علشان لسه هطبخ يا سما سما بفرحه : هطبخ معاكي ماشي ابتسام سرحتلها شعرها : يخرابي علي الحلاوه والعيل والسكر والبسكوت بتاعي يولاد ” وشالتها وراحت علي المطبخ ” ……………………………… ” في شقة عاصم ” ” عاصم لاقي ان الموضوع مش وحش زي ما تخيل هو عارف ومدرك ان زينة صفحه بيضه ودا نوعا ما عجبه وشده ليها ، بس النهارده اتصدم حس ان معاه واحده تانيه غير اللي كانت معاه اول مره ” زينة نايمه جنبه بتبص عليه وهو بيشرب السيجاره : سرحان في ايه ؟ عاصم بصلها وشدها لح\ضنه : مش سرحان بس مبسوط شويه زينة ابتسمت : مبسوط شويه بسبب ايه يعني ؟ عاصم قرصها في دراعها بخب\\\ث : مش عارفه فعلا مبسوط من ايه ولا بتستعبطي ؟ زينة ضحكت بخفه وخبت وشها في ح\ضن عاصم : عاصم انا عايزه بيبي تكون بنوته رقيقه يكون عندي لميس وبنوته كمان عاصم برفض : لاء انا عايز واد يسندني لما اكبر البنت عندنا نجيب الواد بقا يا زينة ايامي زينة ببتسامه : ولا تزعل نفسك نجيب ولد وبنت ايه رأيك ؟ عاصم ضحك بقوه وبصلها : يا زينة انا راحل صحتي علي قدي مش حملك ارحميني ” زينة ضحكت ضحكة رنانه كلها دلع ” عاصم وهو بيكتم بوقها : اهدي صوتك عالي ” وبصلها بخب\\\ث ” شكل ليلتنا فل الفل النهارده زينة بصتله وفهمت قصده : لاااء انا عايزه اناام والله انتي منزلتش الشغل النهارده ليه ؟ عاصم كتفها : شغل ايه بس انا قتيل في الاوضة النهارده زينة وهي بتحاول تفك نفسها : يعاصم ابعد بالله عليك والله مفرهده حرام عليك عاصم سابها وقال بغيظ فيها : كُلي كويس وشك اصفر ومجهودك دا مش نافع معايا اجمدي شويه كدا ” زينة بصتله برفع حاجب ومشيت علي الحمام بغرور ” عاصم نام علي السرير ببتسامه : باين عليا هقع ولا حد هيسمي عليا فعلا البت حلوه الحق يتقال عكس ما كنت متخيل بصراحه ………………….. ” في الزنزانه عند مسعد ” مسعد واقف ومش عارف يتعامل مع حد ف بص لرضوان : الا قولي يا اخويا اللي عايز يروح الحمام يعمل اي ؟ رضوان : بدور يا زميلي في جردل في اخر الطرقه مسعد بقرف : جردل ؟ رضوان : ايوا جردل لو عايز حاجه نضيفه بتدفع فلوس الحياه هنا فلووس يباا مسعد بضيق : واللي مفيش معاه يعمل ايه ؟ رضوان : اتعايش بقا مع البشر اللي هنا علشان الدنيا تعدي اليوم هنا بسنه يا صاحبي مسعد : طيب مينفعش استلف من حد فلوس ؟ رضوان : اللي معاه جنيه هنا كأن معاه مليون يبا محدش بينفع التاني ” مسعد سند علي الحيطه وافتكر بيتهم النضيف افتكر كل حاجه كانت حلوه في حياته هو مكنش حاسس بيها ، ندم في وقت الندم مش مسموح بيه ” مسعد بلهفه : طيب عايز اعمل مكالمه ؟ رضوان : دي هساعدك فيها المره دي بس متتعودش يا ريس مسعد بفرحه : حبيبي والله يسطاا مش هنسهالك رضوان طلع فون صغير بزراير : في الخباثه كدا يا اخويا محدش يعرف بيه حاجه ” مسعد اخد الفون وكتب رقم زينة ورن عليها ” عاصم كان ساند ضهره علي السرير لقي فونها بيرن برقم غريب : مين دا اللي بيرن عليها من رقم غريب ؟ يتبع…♥️♥️ الحلقة الثانية عشر مسعد فضل يحاول يتكلم لكن الشبكه مش مجمعه خالص اضايق وكان نفسه يصرخ واو يزعق في كل البي حواليه بص لرضوان اللي قاعد بيشرب سيجاره : هو في هنا شبكه اصلا ؟ رواية عربية رضوان بصله وقال بلا مبالاه : الشبكه هنا مش دايمه بس احيانا بيكون في شبكه مسعد اتغاظ جدا : يلعن اليوم اللي فكرت فيه اروح لطريق دا رضوان ببتسامه كلها سخريه : الندم في الوقت اللي مفيش فيه هزار كلنا كنا زيك وقعدنا نفس قعدتك دي وقولنا نفس كلامك دا خد بالك مسعد بصله : لو طلعت برا هتفكر تسر\\ق تاني ؟ رضوان بلهفه : اطلع بس من المخروبه دي وانا همشي علي العجين ملخبطش والله ” مسعد بدء مفعول البودرا يروح من دماغه تلقائي لاقي نفسه بيفكر هو بيعمل كدا ليه ؟ وايه اللي وصله لطريق اللي مفيش فيه رجعه دا ؟ طب ياتري هيطلع من هنا ولا مفيش امل في خروجه ؟ حس بندم رهيب بس زي ما الكل قاله ندم في الوقت اللي الندم فيه عمره ما هينفعه ” ………………………… ” بليل في منزل عاصم ” ” ابتسام وزينة ومرفت قاعدين في الصاله ، وسما ولميس بيلعبو ” ابتسام بزهول: الوليه مفيش حاجه عجباها لو نزلت وساعدتها في شغل البيت تزعل لو منزلتش تزعل قوليلي اعمل فيها ايه مرفت بستغراب : الاه وبتزعل ليه لما تنزلي وتعملي معاها ايه اللي بيزعلها في كدا ؟ ابتسام : معرفش ويسلام ولا لو عملت كيكه ولا مهلبيه ونزلتلها تطلعهم تاني وتعمل حوار كبير ليه معرفش ولو رامز نزل قعد شويه معاها تحت يطلع قالب وشه عليا يومين مرفت بضيق : تصدقي ضايقتني حطاكي في دناغها ليه يعني دا انا عليا اروحلها احط علي دماغها طين زينة : لاء مينفعش تروحي علشان من كلام ابتسام الوليه دي من النوع اللي بيأثر علي اللي قدامه بالمسكنه ف لما تروحي اكيد هتقول لرامز كلام محصلش ورامز يشيل من ابتسام ويزعل ابتسام : كلام زينة صح هتتمسكن قدام رامز وتعيط ورامز يجي يقلب الدنيا علي دماغي وبعدين انا من نحيتي منفضه منها بس بفضفض معاكم شويه يعني زينة : حم\اتك تعاملك حلو تعاملك وحش سيبك منها خليكي في جوزك طول ما هو كويس معاكي متفكريش في حاجه تانيه ابتسام قامت وقفت : انا مالي بيها يماا دا انا صحتي علي قدي ودي عايزه واحده صحتها حلوه ” وبصت لأمها ” عندكم اكل ايه النهارده ؟ مرفت : عملين النهارده كشري مصري لقيت زينة بتقولي نفسي رايحه ليه ابتسام بضحك وصدمه : بتهزري وعاصم اكل كشري مصري ؟ دا بيكره اكتر ما انا بكرهه رانيااا حم\اتي ؟ مرفت بضحك : كان لسه هيزعق قولتله مراتك اللي طلبت سكتت علطول ” ابتسام راحت علي المطبخ وهي لسه بتضحك ” لميس راحت علي زينة : زينة قومي العبي معانا انتي بتعرفي تلعبي حلو قومي يلا زينة بتعب : والله يا لميس ضهري بيوجعني مش قادره اتحرك حتي من مكاني لميس برجاء : طب علشان خاطري ؟ زينة بحب : علشان خاطرك العب لحد ما تزهقي يا بطتي ” وراحت تلعب معاها هي وسما واندمجت في اللعب ، حم\اتها اتأكدت فعلا انها عيله لسه وفي دماغها لعب العيال ، وقضو اليوم لعب وهزار ” ………………………… ” عاصم خلص شغله وقفل ورشته ” انور بتاع الخضار : احلي مسااا علي اجدع راجل في الحي كله عاصم ببتسامه : حبيبي يعم انور منور الدنيا كلها يغالي ” وبص الطماطم اللي علي الفرش ” بكام الطماطم ؟ انور : الكيلو وربع ب 10 لناس بس ليك ببلاش يا ابو لميس يغالي عاصم ببتسامه : حبيب اخووك اوزنلي 2 كيلو ونص وكيلو خيار الله يباركلك ” انور بدء يوزن طلباته وعاصم دفع حقهم وطلع علي شقته ، كان البيت هادي والنور بسيط عاصم عرف ان الكل نام دخل علي المطبخ حط الطلبات علي الرخامه ودخل اوضته ، زينة كانت بتتمشي في الاوضه وهي لابسه قميص بني قطيفه لحد الركبه بحمالات ” عاصم بصلها شويه بعدين اتنهد : يا مساااء الارهاق زينة ابتسمت بخجل : حمدالله علي السلامه يحبيبي اجهزلك الغدا ؟ عاصم بصلها برفع حاجه : لابسه قميص قطيفه ومستنياني وعايزه تدخلي المطبخ تعمليلي اكل دا انا بقا راجل لا مؤاخده زينة قربت عليه بدلع وحاوطت رقابته : مالو قميصي مش عاجبك ولا ايه ؟ عاصم حط ايده علي وسطها : القميص وصحبته في قلبي بس ابعدي خليني اخد شور علشان انا كُلي شحم وهتتبهدلي ” زينة بصت ليه ببتسامه كلها حُب معقول هو جوزها وهي دلوقتي معاه وكل حاجه مسموحه ليها ” زينة مسكت ياقة قميصه وشديته عليها بتملك : عاصم انت جوزي عاصم بستغراب : ايوا ما انا عارف ان جوزك بس بقولك هاخد شور اشيل الشحم وجايلك علطول ايه اللي حصل ؟ زينة رفعت نفسها لحد ما وصلت لرقابته وباسته برقه : انا راضيه اتبهدل من الشحم اللي عليك عاصم حاول يسيطر علي مشاعره وبعدها : جهزيلي الاكل علي ما اخد شور يا زينة انا مش هطير يحبيبتي الشحم قبل ما يبهدلك هيبهدل الدنيا زينة مسكته جامد بدلع : قولتلك مش هتمشي انا عايزه الشحم يبهدل الدنيا ويهبدلني وانت تمسحهولي ” عاصم عارف ومدرك انها مجنونه في كل افكارها ، مراهقه لسه حتي في اسلوبها بس هو معجب بكل حاجه فيها ، معجب ببرائتها وجرائتها ” ” عاصم بص علي شفايفها برغبه وباسها الاول برقه بعدين اتحولت لعنف بسيط ، زينة حاوطت رقابته بإديها وبتشده عليها ” عاصم بِعد بَعد شويه وبصلها برغبه : هتعملي فيا ايه اكتر من اللي انا فيه اول مره اكون ملهوف علي حد بطريقه دي قوليلي هشبع منك امتي ؟ زينة اخدت نفس طويل : انا مش عايزاك تشبع مني ومش عايزاك تبطل تتلهف عليا عاصم انا بع\شقك عاصم بصلها بحب : شكلي وقعت في حبك ومحدش سمي عليا يا زينة وجودك نفسه عزوه بنسبالي بتكبري في عيني كل دقيقه بتعملي حجات بكل عفاويه ومتعرفيش تأثيرها عليا بتكون ايه حقيقي معجب بيكي زينة فضلت بصاله بصدمه وفرحه معقول حبها واعترفلها بحبه ح\ضنته بقوه ودف\نت وشها في رقابته : قول بحبك بقا طلعت عيني ” وصحكت بخفه ” اوعدني انك تفضل تحبني يعاصم اوعدني متتخلاش عني مهما حصل طمني ديما بوجودك عاصم شدد علي ح\ضنها : هفضل ديما احبك هتفضلي بنتي قبل ما تكوني مراتي هتفضلي كل حاجه حلوه بنسبالي يا زينة زينة بعدت عن ح\ضنه وحاوطت وشه بإديها وقالت بتردد : عاصم عايزه اسألك سؤال ؟ عاصم استغرب ترددها : اسألي يا زينة زينة اترددت وكانت هتسكت بس قررت تسأل وخلاص : ليه بحسك بعيد عني ولو قربت كأنك مجبر علي القرب دا ليه مبتتكلمش معايا زي اي زوج مبتشاركنيش همك ولا حتي فرحك علشان شايفني عيله ؟ عاصم بتنهيده : انا مش شايفك عيله انا شايفك زينة البنات كلها بس برضو انتي لسه صغيره حبتيني علشان انا الوحيد اللي قدامك بس انا سني كبير يا زينة بحس ان جوازي منك ظ\\لمليكي زينة بلهفه : لاء مش ظ\\لمعاصم انا بحبك عمري ما اندم ان حبيتك ولا ان اتجوزتك انا رفضت الكل وقبلتك انت يعاصم عندي استعداد انزل قدام الناس كلها واقول ان بحبك عاصم قرر ينهي اي سد هيقف في طريقه مع زينة قرر يكونلها الزوج والصاحب والحبيب وخصوصا انه حابب العيشه معاها وتلقائي بص علي قميصها : بتعرفي ترقصي ؟ ” زينة اتصدمت من سؤاله الغير متوقع وبصت في الاوض بكسوف رهيب ” عاصم رفع وشها ليه ببتسامه علي كسوفها : بتعرفي ترقصي ولا لاء زينة بصت لعيونه بكسوف : مش انت جعان ؟ عاصم بنظرة جريئه : انا جعان بس مش اكل جعان زينة ” وقرب لشفايفها وباسها بكل حب وزينة تقبلته بصدر مرحب جدا ” ” فجأة زينة بعدت عن عاصم بسرعه هو استغربها جدا ” عاصم بزهول : مالك يا زينة في ايه ؟ زينة بصتله شويه وهي بتغطي جسمها : حسه بدوخه رهيبه عاصم بقلق : دوخه ؟ بتحسي بيها من امتي كدا زينة غمضت عينها وهي لسه حاسه بدوخه : بقالي يومين بتيجي شويه وتروح عاصم بحيره : انتي اتعشيتي النهارده زينة سندت علي كتفه بوجع : اتعشيت بس فعلا انا مش قادره الدوخه عماله تزيد عاصم ضمها لصدره : معلش يحبيبتي الصبح نروح لدكتور ونشوفها بتيجي منين حاولي انتي بس تنامي شويه ترتاحي فيهم أفضل الهدايا لأحبائكم ” زينة بصتله وملقتش حاجه تعملها غير انها تب\\وسه ومش عارفه ليه ، اتعلقت في رقابته وباسته وعيطت اوي ” عاصم ضمها اكتر ومسح علي شعرها بقلق : بتعيطي ليه يا زينة طيب قومي نشوف اي دكتور فاتح نروحله اكيد هنلاقي زينة مسحت وشها : اعملي شاي بالنعناع لما اشربه هرتاح وهنام عاصم بصلها بستفسار : بيتعمل ازاي اعمل الشاي واحط نعناع ولا اعمل ايه ؟ زينة بتعب : اعمل الشاي عادي وحط كام ورقة نعناع في الكنكه بتاعت الشاي وهو بيغلي ” عاصم راح علي المطبخ وهو معندوش ادني فكره النعناع فين ولا الشاي مكانه فين ” عاصم وقف وايده في وسطه بحيره : طب احنا لقينا الكوبايه الكنكه والشاي والنعناع فين بقا ؟ ” وفضل يفتح في ضُلف المطبخ لحد ما لاقاهم اخيرا وعمله وراح ليه بيها ” عاصم : دوقي كدا ويارب يطلع حلو زينة اخدت الكوبايه وشربت شويه وبصتله بإعجاب : حلو تسلم ايديك عاصم قعد جنبها : بالهنا يحبيبي زينة : اه صح الفسفور بيعمل ايه يعني مثلا اي فوايده ؟ عاصم بصلها : هو الفسفور بيدي قوه اممم ايه فكرك بيه ؟ زينة بصتله بعدم فهم : ايوا بيدي قوه ازاي مش فهمه ؟ عاصم حاول يغير الموضوع : بس بعرف اعمل شاي بنعناع حلو زينة بإصرار : عاااصم الفسفور بيدي قوه ازاي ؟ عاصم بصلها ومعرفش يقول ايه : معرفش بس اللي سمعته لما يكون عريس جديد ومرهق مثلا بيقولو كتر من الفسفور فهمتي زينة بصتله :اااه فهمتك طب كتر من الفسفور بقا عاصم بصلها بصدمه : انتي بتتكلمي بجد ؟؟؟ زينة ضحكت اوي وهو اتنرفز : بهزر والله يعاصم ايه مبتهزرش عاصم بصلها بخب\\\ث وهو بيقلع التيشيرت بتاعه : لاء لازم اتأكد بنفسي ان انا تمام زينة وهي بتحاول تقوم : عاصم انا تعبانه وو ” عاصم قطعها بب\\وسه طويله ” ” رامز دخل شقته مهدود ، كانت ابتسام ربطه طرحه علي راسها وبتسمح في الشقه ومنظرها مرهق جدا ، بصله ولو اول مره يضايق من شكله ” ابتسام اخدت بالها منه : رامز بالله اقلع جزمتك قدام الشقه انا اتهديت في الشقه النهارده رامز : وبتعملي ايه طول النهار علشان عماله تمسحي في الشقه بليل كدا المفروض ارجع من شغلي الاقي مراتي مستنياني مش واقفه تمسح في الشقه يا ابتسام ؟ ابتسام بصتله ومعرفتش ترد : اعمل ايه كنت بعمل الاكل وبنتك مبتسكتش ومش قادره الحق كل حاجه رامز بضيق : انا مالي بكلام دا ابتسام انا اخر مره قربت منك فيها كانت امتي … بتفكري في ايه انتي نفسك ناسيه ابتسام : في ايه يا رامز جيب من الاخر ؟ رامز : مش انا اللي اقولك اعملي ايه مش انا اللي اقولك ابقي ست قدام جوزك مش انا اللي هقولك رتبي وقتك ابتسام بإحراج : شغل البيت مبيخلصش رامز بغضب : عنه ما خلص متعمليش حاجه في البيت متنضفيش هتتشغلي عني بشكل دا يبقي متعمليش حاجه شكلك عاجبك يا ابتسام شعرك المنكوش ولا قميصك المبلول دا عجبك ” اتنهد بقوه ” انا داخل انام نامي مع سما النهارده لو سمحتي ” ودخل علي اوضته وقفل الباب ” ” ابتسام بصت لنفسها في المرايا كلامه جـ,ـرحها جدا بس هو معاه حق شكلها مرهق لبسها مكبر سنها معقول جوزها بيضيع منها زعلت من نفسها انها وصلت جوزها يقولها كدا ، كانت عايزه تدخل اوضتها بس قررت تنام مع سما النهارده ” ……………………………….. ” في الصباح ” ” اليوم اللي هيتعرض فيه مسعد علي النيابه وهياخد الحكم ، مسعد شكله مرهق تعبان دايخ مستغرب هو هنا ليه ووصل نفسه لإيه ، نزل من عربية الشرطه دخل علي النيابه ، كان توفيق موجود هو كمان ” ” دخلو الاتنين عند وكيل النيابه وبدء يحقق معاهم وقت طويل ، وخرجو من عنده راحو القاعه اللي فيها القاضي ” القاضي بصلهم بنظره كلها تركيز وبص علي الورق اللي في ايده واتكلم بصوت عالي : حكمت المحكمه حضوريا علي المتهم كل من مسعد رمضان جمال وتوفيق راضي دسوقي بقصية تجاره الممنوعات بسج\ن المؤبد انتهت الجلسه . يتبع…♥️♥️ الحلقة الثالثة عشر ” مسعد طول الجلسه كان مغمض عينه لحد ما سمع الحكم فتح عينه بصدمه وبص لتوفيق اللي واقف بلامبالاه ” مسعد بجنون وهو متكلبش : تووفيق قولهم ان مليش دعوه بمخد\\ات” وبص للقاضي ” يا باشا انا بشرب بس والله ما بتاجر القاضي بصرامه : انا قولت رفعت الجلسه مش عايز اسمع صوت واحد فيكم فين المحامي بتاعك مبيحضرش جلستك ليه ؟ مسعد بلع ريقه بتعب : معنديش محامي يا باشا القاضي قام وقف : رفعت الجلسه ” العسلكر طلعو مسعد وتوفيق من جوا القفص واخدوهم ، مسعد ماشي وهو حاسس ان كل الدنيا سودا ، ماشي معاهم وهو مش حاسس بنفسه ولا حاسس بحد حواليه ” ………………………. ” في شقة عاصم ” زينة واقفه في المطبخ بتعمل مهلبيه ولابسه بجامه حمرا بنص كم : لميس هاتي علبة المناديل من الصالون لميس قامت من علي الكنبه بتذمر : كل حاجه لميس لميس انا زهقت من البيت دا هو مفيش غيري زينة سمعت صوتها : بطلي برطمه يا دكتوره وهاتي علبة المناديل خليني امسح الطبق قبل ما المهلبيه تنشف عليه لميس جابت علبة المناديل وراحتلها المطبخ : امسكي ومتناديش عليا تاني علشان انا تعبانه زينة بزهول : تعبانه من ايه ان شاء الله بتكنسي ولا بتمسحي ولا شغلتك ايه ؟ لميس بصتلها ببرائه وتذمر : عايزه ارسم الكحل اللي بيطل برا العين زيك علشان بابا يحبني زينة بستغراب : طب ما بابا بيحبك من غير الكحل اللي طالع لبرا دا لميس بضيق : يا زينة لاء شوفي انتي عمله احمر في بوقك وكمان بتعملي مكياج جميل علشان كدا بابا بيحبك هعمل زيك علشان يحبني زيك زينة بزهول من تفكيرها : حبيبة عيوني الحلوه انتي جميله من غير حاجه بعدين بابا بيحبك اكتر يعني مثلا انا لسه جايا بيتكم جديد وبابا من قبل ما اجي هنا كان بيسيبني انام عند تيتا نجوي عادي لكن هو ميقدرش ينام في البيت من غير لموسه صح ولا اي لميس فعدت علي الارض في المطبخ بتفكير : بس يا زينة مبقاش يجيب حلوه للميس وهو جاي ومبقاش ينام جنبي بقا بيهملني يا زينة افهميني زينة بصتلها وقعدت جنبها بقلة حيله : وانا كمان بقا بيهملني برضو نزل شغل من تاني يوم جواز بدل ما ياخدني شهر عسل ولا حاجه لميس بتنهيده : كان بيجيبلي رز بلبن جميل دلوقتي مبقاش يجيبه تفتكري ليه يا زينة ؟ زينة رفعت كتفها : معرفش بس هنعمل ايه يعني يا لميس بنحبه المهم قومي اعملي معايا المهلبيه ونعمل كوبايتين لبن ونطلع نشربهم في البلكونه ” لميس قامت وقفت وفضلت تعمل المهلبيه هي وزينة ، الكيميا اللي بينهم مش مرات ابن وبنت جوزها لاء بينهم حُب ومحبه كأنهم اخوات فهمين بعض ولا زينة شايفه ان لميس صغيره ولا لميس شايفه ان زينة كبيره ” …………………………. ” عاصم كان نايم تحت عربيه بيصلح فيها سمع صوت رامي ” رامي من وراه : طب ايه نايم تحت العربيه ومندمج معاها اوي جيت في وقت غلط ولا ايه يعم الناس عاصم ابتسم علي كلامه وطلع وهو بيمسح ايده : ظباط البلد كلها بتيجي في اوقات غلط مجيتش عليك يعني ” وقال بصوت عالي ” اتنين قهوه ساده يا عم رزق والنبي ” وبص لرامي ” اقعد يا ريس رامي قعد بتنهيده : الواد مسعد لبس المؤبد ؟ عاصم بهدوء : كدا احسنله هو وامه طول ما هو بعيد ومختفي واحنا عارفين هو فين قعده علي قد ما تقدر رامي : بس الواد دا دخوله السج\ن بدون ما يتعالج عذاب انت لو شوفته مش قادر يصلب طوله الدماغ طالبه معاه جامد عاصم حزن عليه وعلي وضعه : مع مرور الايام هينساها يا صاحبي رامي بتنهيده : لو فضل في السج\ن خمسين سنه وطلع وشافها قدامه هيشمها دي مبتتنساش ولا انت مفهومك اي عن الإدمان عاصم بقلة حيله : انا فاهم الدنيا مع مسعد عامله ازاي بس علاجه لازم يكون في السج\ن نعالجه بس من غير ما يطلع من السج\ن علشان لو راح مستشفي هيهرب رامي : جدعنه مني هنقله حبس انفرادي ويبدء علاج ياخد العلاج ويمشي عليه ونشوف جسمه هيستجيب ولا لاء رامز جيه عليهم : انضف رجاله في مصر والعكس صحيح تعملو ايه رامي قام ح\ضنه : اللي بحبه حب الدنيا والاخره والعكس صحيح ” وبص لعاصم ” القهوه عندكم بتتأخر كدا ليه يا جدع انت عاصم قام وقف : عليا الطلاق بتلاته لنطلع نشرب القهوه فوق ” ورن علي زينة ” انا طالع ومعايا اصحابي اعملي طلب كوبيات قهوه ” وقفل ” زينة بصوت عالي : الووو عاصم مرفت : في حاجه ولا ايه ؟ زينة قلدته بغيظ : اعملي ٣ كوبيات قهوه … طلع هو واصحابه مرفت : هولع انا علي القهوه علي ما تلبسي اسدالك ولمي اللعب اللي انتي ولميس مليتو بيها الشقه دي زينة : لميس اللي عليها تلمها النهارده يوم ما كانت سما هنا انا اللي روقت الصاله ولميت كل حاجه مرفت ضحكت : وانا قولت اجيب واحده لإبني تشيل همه من علي كتافي طلعت عيله محتاجه اللي يعملهاا ” زينة ضحكت ودخلت لبست اسدال فوق بجامتها ، ومرفت عملت القهوه ، ولميس لمت الالعاب ، وعاصم طلع ورن الجرس مفتحش بمفتاحه وزينة فتحت الباب ودا ضايق عاصم ” أفضل الهدايا لأحبائكم زينة ببتسامه : اهلا وسهلا نورتونا والله العظيم ” رامز ورامي بصو للأرض بإحراج : بنورك ” ودخلو علي صالون البيت ” عاصم همسلها بغيظ : امي فيين مفتحتش الباب ليه ؟ زينة بعدم فهم : ايه المشكله لما افتح انا الباب انا لابسه اسدال اهو ؟ عاصم بضيق مكتوم : ويشفوكي ليه اصلا خلي امي تجيب القهوه وادخلي علي الاوضه اعملي اي حاجه المهم مش عايز المح طيفك ” ومشي راح لصحابه ” زينة بصتله وهو ماشي من فوق لتحت وراحت عن حم\اتها : مالو الراجل دا مش علي بعضه ليه بقالو كام يوم كدا وبعدين ايه اللي هيحصل لما يشوفوني ما هما متجوزين وانا متجوزه هيخطبوني مثلا ؟

مقالات ذات صلة

اجبرتني حماتي انا وبناتي ننام جانب الغساله ج3 منى السيد

سديم بنت الحاره

خطه حماتي ج١ زهره

خيانه تحت الكاميرا انجي الخطيب

الصباحيه

الثلاثه اللى نادوا امهم ج1 شروق خالد

اترك تعليقاً إلغاء الرد