حسيت إن نفسي .«الحقيقة بدأت يوم ولادتها؟ يعني إيه؟» المحققة ما ردتش فورًا، وبعد ثواني سمعتها بتقول: «آية، أنا لقيت ورقة تانية جوه الدفتر.» «اقريها.» «مكتوب فيها… ملك مش بنت سمر.» اتصدمت.«إيه؟!» «استني، لسه.» بدأت تقرأ بصوت متوتر: «الطفلة اتبدلت في المستشفى يوم الولادة، وسمر اكتشفت الحقيقة بعد شهور.» حطيت إيدي على بوقي.«يعني ملك مش بنت أختي؟» «واضح إن ده اللي مكتوب.» دموعي نزلت من غير ما أحس. كل اللي حصل بدأ ياخد شكل مختلف. سمر ماكانتوش بتحاول تأذي بنتها. يمكن كانت بتحاول تحمي طفلة مش طفلتها أصلًا. لكن ليه جابتها عندي؟وليه حطت عليها المكياج؟وليه اتهمتني؟المحققة كملت: «فيه اسم هنا.» «مين؟» «اسم المستشفى اللي حصلت فيه الولادة.» قلبي دق بسرعة.«اسمها إيه؟» قالت اسم مستشفى قديم في القاهرة. وفجأة افتكرت. ده نفس المستشفى اللي أنا وسمر كنا فيه من سبع سنين. المكان اللي حصل فيه الحادث. المكان اللي اختفت منه ذكرياتي عن الليلة دي. قلت بصوت ضعيف: «أنا فاكرة حاجة. » «إيه؟» «في الليلة دي… سمر كانت شايلة طفل.» سكتت المحققة.«طفل مين؟» «مش عارفة.» غمضت عيني، وبدأت الذكرى ترجع بشكل أوضح. كنت واقفة في ممر المستشفى. سمر كانت بتعيط. وفي إيدها طفل صغير. ورجل غريب كان بيزعق لها. وبعدين سمعت باب بيتقفل. فتحت عيني فجأة.«كان فيه راجل.» المحققة قالت: «فين؟» «في المستشفى.» «فاكرة شكله؟» هزيت راسي.«مش وشه… بس فاكرة إيده.» «إيده؟» «كان لابس خاتم كبير… عليه علامة غريبة.» المحققة سكتت. وبعدين قالت: «آية، العلامة اللي بتقولي عليها… موجودة في الصورة اللي قدامي. » قلبي وقع.«صورة مين؟» «صورة الراجل اللي كان واقف جنب ملك في التسجيل.» سكتنا إحنا الاتنين. يعني الشخص اللي أذى ملك…هو نفسه الشخص اللي كان موجود من سبع سنين. وفجأة سمعنا صوت خبط شديد من الناحية التانية من الخط.«إيه ده؟» المحققة قالت: «في حد هنا.» «مين؟» «مش عارفة.» سمعت صوتها وهي بتتحرك بسرعة. وبعدين قالت: «آية، اقفلي الباب على نفسك في المستشفى.» «ليه؟» «حالًا.» وفجأة الخط اتقطع. بصيت لباب غرفة ملك. كانت نايمة بهدوء. لكن قبل ما أتحرك، سمعت صوت خطوات في الممر. خطوات بطيئة. وقفت قدام الباب. الخطوات قربت. وبعدين وقفت بالظبط قدام غرفتنا. مقبض الباب اتحرك. مرة. واتنين. وبعدين الباب اتفتح ببطء. دخل راجل لابس جاكت أسود. وأول حاجة شفتها كانت إيده. كان لابس خاتم كبير. نفس العلامة اللي افتكرتها من ليلة الحادث. اتراجعت وأنا بصرخ: «إنت!» بصلي من غير كلمة. وبعدين بص لملك. مد إيده ناحية السرير. صرخت: «ابعد عنها!» لكن قبل ما يوصل لها، باب الغرفة اتفتح بقوة. دخلت ممرضة ومعاها أمن المستشفى. الراجل جري. الأمن لحقه في الممر. وأنا كنت واقفة مش قادرة أتحرك. بعد دقائق، المحققة وصلت وهي بتجري. أول ما شافتني قالت: «إنتِ كويسة؟» هزيت راسي. وبعدين بصيت للراجل اللي الأمن مسكه. كان واقف ووشه هادي جدًا. المحققة قربت منه.«إنت تعرف سمر؟» «أعرفها أكتر مما تتخيلي.» «إنت اللي أذيت الطفلة؟» ضحك.«أنا ما لمستهاش.» اتجمدت.«أمال مين؟» بصلي مباشرة. وقال: «أختك.» صرخت: «كداب!» لكنه أخرج موبايله من جيبه، وورانا صورة لسمر. كانت واقفة في مكان مظلم. وبجانبها ملك وهي صغيرة. وقال: «لو عايزة تعرفي الحقيقة كلها… اسألي أختك ليه اختارتك إنتِ بالذات علشان تكوني المتهمة.» وبعدين ابتسم ابتسامة باردة.«لأنها عارفة إنك الوحيدة اللي ممكن تصدقي إنها بريئة.» المحققة بصت له بحدة.«إنت هتفضل ساكت لحد ما نحقق معاك. » رد بهدوء: «أنا مستعد.» وبعدين بصلي مرة أخيرة.«بس قبل ما تحكموا على سمر… اسألوا مين كان أبو ملك الحقيقي.» ساعتها حسيت إن قلبي وقف. لأن سمر كانت متجوزة من شخص واحد فقط. جوزها «محمود».ومحمود…كان اختفى من حياتنا قبل ولادة ملك بأيام. وفجأة فهمت إن الحكاية اللي بدأت بإصابة طفلة عمرها ست شهور…كانت في الحقيقة سر قديم مدفون من سبع سنين. وسمر ماكانتوش بتحاول تلفقلي تهمة وبس. كانت بتحاول تخبّي حقيقة…لو ظهرت، ممكن تدمّر عيلتنا كلها. فضلت واقفة مكاني، مش قادرة أستوعب كلام الراجل.«أبو ملك الحقيقي؟» المحققة قربت منه وقالت بحدة: «إنت هتقول كل اللي تعرفه دلوقتي.» ابتسم ابتسامة غريبة.«مش أنا اللي عندي الإجابة.» «أمال مين؟» بص ناحيتي.«سمر.» وفي نفس اللحظة، تليفون المحققة رن. ردت بسرعة.«أيوه؟» سكتت ثواني. وبعدين قالت: «لقيتوها؟» أنا قربت منها.«سمر؟» هزت راسها.«أيوه… لقينا أختك.» نفسي اتقطع.«فين؟» «في المخزن اللي لقينا فيه عربيتها.» «هي كويسة؟» «عايشة.» حسيت برجلي بتضعف. لكن المحققة كملت: «بس مصابة.» خرجنا من المستشفى بعد ما اتأكدنا إن ملك حالتها مستقرة، وركبت مع المحققة في العربية. طول الطريق كنت ساكتة. كنت عايزة أكره سمر. وعايزة أصدق إنها كانت بتحاول تحميني. ومش عارفة أعمل إيه. لما وصلنا للمخزن، كان المكان مليان شرطة. دخلنا. ولقيت سمر قاعدة على الأرض، وإيديها عليها آثار خدوش، ووشها شاحب. أول ما شافتني، بدأت تعيط.«آية…» وقفت قدامها.«ليه؟» ما ردتش.«ليه عملتي كده؟ ليه حاولتي تخليني أتحمل ذنب حاجة ماعملتهاش؟» بصت في الأرض.«لأني كنت عارفة إنهم هييجوا وراكي.» صرخت: «مين هما؟!» رفعت عينيها.«الناس اللي كانوا ورا ملك من يوم ما اتولدت.» المحققة سألتها: «ومين أبو ملك؟» سمر بدأت تبكي.«محمود.» اتنفست براحة للحظة.«أهو!» لكن سمر هزت راسها.«محمود كان جوزي… بس مش أبوها.» اتجمدت.«يعني إيه؟» قالت: «ملك اتولدت من غير ما محمود يعرف الحقيقة.» المحققة سألت: «الحقيقة إيه؟» سمر مسحت دموعها.«ملك بنت رجل تاني.» سكتنا كلنا.«مين؟» سمر بصتلي. «الراجل اللي كان في المستشفى من سبع سنين.» حسيت بصدمة.«الراجل اللي في المستشفى؟» هزت راسها.«أيوه.» المحققة سألت: «اسمه؟» سمر سكتت طويلًا. وبعدين قالت: «حسام.» أنا شهقت. الراجل اللي قبضوا عليه كان اسمه حسام. المحققة خرجت تليفونها بسرعة.«إنتِ متأكدة؟» «أيوه.» «وإنتِ كنتِ بتعرفيه من قبل؟» سمر هزت راسها.«هو كان السبب في كل اللي حصل.» بصيت لأختي. «طب ليه ملك اتأذت؟» سمر انهارت في البكاء.«علشان حسام كان عايز يخوفني.» «يخوفك من إيه؟» قالت: «من الحقيقة.» «أنهي حقيقة؟» سمر بصتلي.«إن ملك مش الطفلة اللي اتولدت باسمي.» المحققة عقدت حاجبيها.«يعني إيه؟» سمر قالت: «الطفلة اللي ولدت يومها ماتت.» الصمت نزل علينا كأنه صدمة.«إيه؟» «الدكاترة قالوا لي إن بنتي ماتت بعد الولادة.» دموعها نزلت.«لكن بعدها بساعات، لقيت ملك في حضانة الأطفال.» المحققة سألت: «ومحدش عرف إزاي وصلت هناك؟» «لأ.» «وإنتِ عملتي إيه؟» «خفت.» «من مين؟» سمر بصتلي.«من حسام.» وبعدين قالت جملة خلتني أحس بقشعريرة: «لأن حسام هو اللي سلمني ملك وقال لي: دي فرصتك الوحيدة علشان تفضلي عايشة.» المحققة سكتت. أما أنا فافتكرت حاجة. ليلة الحادث. الطفل اللي كان في إيد سمر. الرجل اللي كان بيزعق. والخاتم. لكن كان فيه تفصيلة واحدة ناقصة. قلت: «سمر… ليه أنا كنت موجودة؟» سمر بدأت تبكي أكتر.«لأنك حاولتي تمنعيهم.» «أمنع مين؟» «أنا وحسام.» اتسعت عيني.«من إيه؟» سمر قالت: «من تبديل الأطفال.» المكان كله سكت. المحققة قربت منها.«إنتِ بتقولي إن فيه أطفال اتبدلوا في المستشفى؟ » هزت راسها.«أيوه.» وبعدين بصتلي وقالت: «وأختك آية كانت الشاهدة الوحيدة.» في اللحظة دي فهمت ليه كل حاجة بدأت ترجع لذاكرتي. ليه سمر اختارتني. وليه حاولت تحطني في قلب القضية. وليه ملك كانت مستهدفة. لأن أنا الوحيدة اللي كانت موجودة في الليلة اللي بدأت فيها . لكن قبل ما نقدر نكمل، دخل ضابط بسرعة.«يا فندم… عندنا مشكلة.» المحققة قامت.«إيه؟» قال: «حسام هرب من الحجز. » اتجمدنا. وبعدها أضاف: «وساب رسالة.» ناولها ورقة. المحققة فتحتها وقرأت. ثم بصتلي. كانت الرسالة قصيرة جدًا: «أنا مش عايز ملك… أنا عايز آية.» وفي اللحظة دي، فهمت إن الخطر الحقيقي ماكانش انتهى. كان لسه بيبدأ.#حكايات_شروق_خالدأول ما قريت الرسالة، حسيت إن الدم اتسحب من وشي.«أنا؟!» المحققة حطت الورقة في كيس أدلة.«واضح إن الموضوع شخصي جدًا.» بصيت لسمر.«إنتِ عارفة هو عايز مني إيه؟» سمر فضلت ساكتة.«سمر، ردي عليا!» رفعت عينيها، والدموع في عينيها.«هو عايزك تفتكري.» «أفتكر إيه؟» «اللي حصل ليلة الحادث.» حسيت بصداع شديد.«أنا مش فاكرة.» سمر قالت بصوت مكسور: «لأنك ماكنتيش بس شاهدة يا آية.» اتجمدت.«أمال كنت إيه؟» سمر بلعت ريقها.«إنتِ كنتِ اللي أنقذتي الطفلة.» المحققة قربت منها.«أي طفلة؟» «الطفلة اللي بقت ملك.» سكتنا كلنا. وبدأت الذكريات ترجع لي على شكل ومضات. ممر أبيض. صوت أجهزة. سمر بتجري. طفلة بتعيط. وأنا شايلة طفلة صغيرة بين إيديا. وبعدين صوت راجل: «سيبيها!» وصوتي أنا: «مش هسيبها! » حطيت إيدي على رأسي.«أنا فاكرة…» المحققة قالت بسرعة: «إيه اللي فاكره؟» «كنت شايلة طفلة.» سمر هزت راسها.«أيوه.» «وحسام كان بيجري ورايا.» «أيوه.» «أنا دخلت أوضة… وقفلّت الباب.» سمر بدأت تعيط.«وبعدين؟» «كان فيه ست جوه.» المحققة سألت: «مين؟» غمضت عيني.«ممرضة.» وبعدين فجأة افتكرت. الممرضة كانت ماسكة ورقة. وقالتلي: «خدي الطفلة دي ومتديهاش لحد غير سمر.» فتحت عيني.«هي اللي بدلت الأطفال.» سمر هزت راسها.«أيوه.» المحققة سألت: «وإيه اللي حصل بعدها؟» قلت: «الممرضة قالتلي إن لو الطفلة فضلت هناك، حسام هيموتها.» سكت. وبعدين افتكرت أكتر.«فهربت بيها.» المحققة سألت: «وبعدين؟» «خرجت من المستشفى… لكن حصل الحادث.» سمر قالت: «العربية اتقلبت.» حطيت إيدي على فمي.«وبعدها فقدت الذاكرة.» سمر بكت.«وأنا استغليت ده.» بصيت لها.«استغلتيه إزاي؟» قالت: «لما فقتي في المستشفى، كنتِ فاكرة إنك كنتِ في العربية بس.» سكتت.«وأنا خبيت عنك إنك أنقذتي ملك.» المحققة سألت: «ليه؟» سمر قالت: «علشان أحميها.» «بس ليه حطيتي المكياج على رجلها؟» انهارت سمر.«علشان أخلي الإصابة تبان كأنها حصلت عند آية.» بصيت لها بصدمة.«إنتِ عملتي كده فعلًا؟» هزت راسها وهي بتعيط.«أنا كنت مضطرة.» صرخت: «مضطرة تحطي بنتك في خطر؟!» قالت: «كنت مضطرة أخلي الشرطة تدخل بسرعة. «بإني أتهمك؟» «أيوه.» «ليه؟» سمر رفعت عينيها.«لأن حسام كان بيراقبني. لو عرف إني رحت للشرطة، كان ملك.» المحققة سألت: «طيب مين أذى ملك؟» سمر سكتت. وبعدين قالت: «حسام.» «لكن هو قال إنه ما لمسهاش.» «هو ما لمسهاش.» اتصدمنا.«أمال مين؟» سمر قالت: «الراجل اللي كان معاه.» المحققة سألت: «مين؟» سمر همست: «محمود.» اتسعت عيني.«جوزك؟» هزت راسها.«محمود كان شريك حسام من البداية. » المحققة بصتلي.«يعني جوز أختك كان مشارك في تبديل الأطفال؟» سمر أغمضت عيني.«أيوه.» سألتها: «طيب هو فين؟» سمر ما ردتش. المحققة كررت: «فين محمود؟» سمر قالت: «مات من سنتين.» ساد الصمت. وبعدين سألتها: «مات إزاي؟» سمر بصتلي.«في نفس الليلة اللي حاول فيها يرجع ملك.» وفجأة، سمعنا صوت تليفون. كان تليفون سمر. فتحت الشاشة. رسالة جديدة.«أنتوا قربتوا من الحقيقة… بس نسيتوا أهم شخص.» المحققة سألت: «مين؟» رسالة تانية ظهرت فورًا.«اللي كان واقف في المستشفى يومها. » أنا بصيت لسمر. سمر وشها شحب. قلت: «الممرضة؟» هزت راسها.«لأ.» «أمال مين؟» سمر قالت بصوت مرتعش: «بابا.» اتجمدت.«بابا؟» هزت راسها.«أبوكي كان عارف كل حاجة.» وفجأة فهمت ليه الصور كانت في بيت بابا. وليه الدفتر كان مخبي هناك. وليه سمر كانت خايفة. لكن قبل ما أقدر أسأل أي سؤال تاني، تليفوني رن. رقم مجهول. رديت. وصوت راجل قال: «دلوقتي افتكرتي يا آية؟» عرفت الصوت فورًا. حسام. قلت: «إنت فين؟» ضحك.«المكان اللي بدأت فيه الحكاية.» «فين؟» قال: «المستشفى القديمة.» وسكت لحظة.«ولو عايزة تعرفي الحقيقة كاملة… تعالي لوحدك. » الخط اتقفل. المحققة قالت فورًا: «مفيش خروج من هنا.» لكن وأنا ببص على ملك من بعيد، عرفت إن الموضوع مش هينتهي بسهولة. لأن بعدها بثواني وصلتنا صورة جديدة. صورة ملك وهي نايمة في المستشفى. وتحتها جملة واحدة: «أنا شايفها دلوقتي.» اتجمدنا كلنا. لأن الصورة كانت متصورة…من داخل المستشفى. أول ما شوفنا الصورة، كل اللي في الأوضة اتحول لصمت. المحققة خطفت الموبايل من إيدي وبصت للصورة تاني.«الصورة دي اتبعتت من دقيقة واحدة. » الضابط اللي معاها قال: «يبقى الشخص اللي بعتها لسه جوه المستشفى.» بصيت ناحية باب غرفة ملك. قلبي بدأ يدق بسرعة.«يعني هو شايفها؟» المحققة هزت راسها.«أيوه.» على طول خرجت وأمرت أفراد الأمن يقفلوا الممرات.«محدش يدخل أو يخرج من الدور ده.» دخلت ممرضة تطمن على ملك، وبعدها خرجت بسرعة. الدكتورة كانت واقفة جنب السرير، والمحققة بتراجع كاميرات المراقبة. وفجأة الضابط قال: «يا فندم… عندنا مشكلة.» المحققة قربت منه.«إيه؟» «كاميرا الممر اللي قدام غرفة الطفلة اتقطعت من خمس دقايق.» حسيت ببرودة في جسمي.«يعني حد دخل؟ » «مش عارفين.» جريت ناحية غرفة ملك. لقيت الباب مفتوح. صرخت: «ملك!» دخلت. السرير كان فاضي. اتجمدت مكاني.«ملك فين؟!» الدكتورة جريت ناحيتي. المحققة دخلت وراها. الممرضة اللي كانت معاها من شوية كانت واقفة في الركن. وشها شاحب. المحققة بصت لها.«فين الطفلة؟» الممرضة ما ردتش.«بسألك فين الطفلة؟!» بدأت تبكي.«أنا… أنا ماخدتهاش.» المحققة قربت منها.«مين خدها؟» الممرضة بصت ناحيتي.«أنا شفت راجل.» «مين؟» «كان لابس زي عامل نظافة.» الضابط خرج يجري. بعد دقايق، لقوا عربة تنظيف متروكة عند باب السلم. لكن ملك ماكنتش فيها. وفجأة الممرضة قالت: «استنوا… هو ماكانش لوحده.» المحققة رجعت لها.«مين كان معاه؟» قالت: «ست.» «شكلها؟» الممرضة بدأت ترتعش.«كانت لابسة نقاب.» قلبي اتقبض.«ممكن تكون سمر؟» الممرضة هزت راسها.«مش عارفة.» المحققة فتحت كاميرا تانية. وبعد دقائق ظهر تسجيل قصير. ست منتقبة داخلة من باب جانبي للمستشفى، وشايلة ملك. وقبل ما الصورة تختفي، الست بصت للكاميرا. ورفعت إيدها. كان في إيدها نفس الخاتم الغريب. المحققة قالت: «دي مش سمر.» في اللحظة دي، تليفون سمر رن. ردت. صوت حسام ظهر: «لو عايزين الطفلة ترجع، هتلاقوا الإجابة في المكان اللي كل حاجة بدأت منه.» سمر صرخت: «سيب بنتي!» ضحك.«بنتك؟» وبعدين قال: «هي مش بنتك أصلاً.» الخط اتقفل. سمر انهارت. أما أنا، فبصيت للمحققة.«لازم نروح المستشفى القديمة.» قالت فورًا: «مش هنروح لوحدنا.» ركبنا عربيات الشرطة واتجهنا للمكان. طول الطريق، كان سؤال واحد بيدور في دماغي: لو ملك مش بنت سمر…مين أمها الحقيقية؟لما وصلنا، كان المبنى مهجور تقريبًا. دخلنا بحذر. الممرات كانت مظلمة. كل خطوة كانت بتعمل صدى. وفجأة سمعنا بكاء طفل.«ملك!» جريت ناحية الصوت، لكن المحققة مسكتني.«استني.» فتحت باب الغرفة ببطء. كانت ملك موجودة. نايمة على سرير صغير. وبجانبها كانت الست المنتقبة. رفعت إيدها وخلعت النقاب. شهقت. كانت…الممرضة القديمة. نفس الست اللي كنت فاكرة إني شفتها من سبع سنين. بصتلي وقالت: «أخيرًا افتكرتيني.» المحققة وجهت سلاحها ناحيتها.«ابعدي عن الطفلة.» الممرضة ابتسمت.«أنا ما أذيتهاش.» «أمال مين أذاها؟» بصت ناحيتي.«أبوكي.» اتجمدت.«أبويا؟» هزت راسها.«أيوه.» سمر صرخت: «كدابة!» الممرضة ردت: «إنتِ عارفة إني بقول الحقيقة.» وبعدين أخرجت ظرف قديم من جيبها. «جوا الظرف ده نتيجة تحليل DNA.» المحققة أخذته. فتحته. قرأت أول سطر. وبعدين رفعت عينيها ناحيتي.«آية… لازم تشوفي ده.» مدتلي الورقة. قرأت النتيجة. وحسيت إن الدنيا اختفت من حواليا. لأن اسم الأم الحقيقي لملك…كان مكتوب قدام عيني. آية. رفعت عيني ببطء.«إزاي؟» الممرضة قالت: «لأن ملك… بنتك إنتِ.»#حكايات_شروق_خالد
