بشتري بضاعه لمحل الملابس ج1
منى السيد
“إزاي أمه تكون موجودة والولد يحصل له كل ده ومحدش حتى يكلمني؟!”
جوزي سكت شوية، وبعدها قال:
“ربنا ستر يا حبيبتي… واعتبري إنهم ملهمش حد. ربنا وقف لابنك ولاد الحلال.”
حاول يهديني، بس أنا ما كنتش قادرة أهدى.
من يومها وأنا كل ما أشوف حماتي، أفتكر منظر ابني وهو متعور.
وأفتكر إن واحدة جارتنا هي اللي قامت بدور أهله كلهم.
أنا مش عايزة أعمل مشكلة، ومش عايزة أكبر الموضوع…
لكن جوايا نار.
نفسي أقولها:
“لو كان ده ابن بنتك، كنتي هتعملي معاه كده؟”
وفعلًا، في يوم ما قدرتش أتمالك نفسي.
قررت أروح لها وأواجهها.
دخلت البيت، وقعدت قدامها، وكنت مجهزة كلام كتير جدًا.
لكن قبل ما أتكلم…
بنتي دخلت علينا فجأة، وقالت جملة واحدة:
“ماما… أنا لازم أقولك حاجة حصلت يومها، بس أوعي تزعلي مني…”
ساعتها قلبي وقع من مكاني.
لأن اللي بنتي كانت هتحكيه…
كان مختلف تمامًا عن اللي أنا كنت فاهمته.
واللي حصل في المستشفى يومها… هو اللي هيكشف الحقيقة كلها.
يتبع…
لمحة نيوز
وقفت مكاني متسمرة، عيني رايحة جاية ما بين وش بنتي المخطوف، وملامح حماتي اللي كانت قاعدة على الكنبة بتبص في الأرض وهادية، هدوء حسيت إنه بيستفز كل خلية في جسمي.
النار اللي كانت قايدة جوايا بدأت تزيد، مسكت إيد بنتي وشدتها على جمب بصوت واطي ومخنوق:
في إيه يا حبيبتي؟ زعل إيه اللي بتقولي عليه؟ أنتي خبيتي عني حاجة تانية؟ في مصيبة تانية حصلت في المستشفى وأنا معرفهاش؟
بنتي بلعت ريقها بالعافية، دموعها لمعت في عينيها وبصت لحماتي بخوف، حماتي رفعت راسها ورمقت البنت بنظرة معرفتش أفسرها، وقالت بصوت واطي ومبحوح كأنها طالعة من بئر سحيق:
احكي يا بنتي لأمك، كفاية لحد كده، أنا مكنتش عايزة وجع قلب، بس من حقها تفهم بدل ما هي شيلاني ذنب كاسر ضهري.
الكلام نزل عليا زي الصاعقة، اتلفت لحماتي وقولت بصوت عالي شوية:
شايلاكِ ذنب؟ وحضرتك مش مذنبة يا ماما؟ حفيدك كان هيروح فيها، الشارع غرق من دمه، والغريبة هي اللي شالته وجريت بيه، وأنتي قاعدة تقولي للبنت انزلي شوفي أخوكي؟ ده أنتي حتى مكلفتيش خاطرك ترني عليا وتقوليلي ابنك بينزف في الشارع!
حماتي مغضبتش، ولا ردت عليا بنبرتها الحادة المعتادة، هزت راسها بس بتعب وسكتت، وسابت البنت تتكلم.
بنتي مسكت إيدي بقوة، كانت صوابعها متلجة وبتترعش:
