قدر الشاهين ج٢

الفصل الثالث رواية قدر الشاهين بقلمي شهد الشورى

رفع إيده فجأة يوهمها إنه هيلمسها فغمضت عينها بصرخة مكتومة بس صدمها لما أخد من وراها تلفونه التاني اللي كان مرمي على التسريحة بص لها بتهكم وهو حابب يرد لها كل الإهانات اللي ياما وجهتها ليه :
ومين قالك اني عاوز المسك
ايه كنت اتعميت في نظري ولا حاجة
فاكرة نفسك حلوة بزيادة روحي كدة بصي على البنات بره الأول هتلاقي نفسك ولا حاجة جنبهم

جزت على سنانها بغضب وغل وما ردتش سابها شاهين ودخل الحمام عشان يستحمى ويغير هدومه وهي ما صدقت إنه اختفى واستغلت الفرصة وهربت برة الأوضة جري…..

دخلت أوضة تانية جنب اوضته
مستحيل تنام معاه في مكان واحد قعدت على السرير بهدومها وانهارت في العياط من قهرتها

على الناحية التانية خرج شاهين من الحمام وهو بينشف شعره بالفوطة وكان غير بدلته لبيجامة مريحة ولما ملقاهاش في الأوضة ملامحه اتغيرت للغضب وتفكيره راح لبعيد انها ممكن تكون هربت

طلع يجري يدور عليها في الفيلا لحد ما أخد باله من باب الأوضة اللي جنبه مفتوح دخل بهمجية وقال بصوت زي الرعد : انتي ايه اللي جابك هنا ؟؟

رواية قدر الشاهين بقلمي شهد الشورى

ردت عليه وهي بتبص له بقرف ومن غير ما تفكر :
اكيد مش هنام معاك في أوضة واحدة بقرف من الزبالة

كلمتها ولعت فيه النار أكتر فهجم عليها وقبض على إيدها بقوة وجرها وراه لبرة الأوضة ونادى على الخدم كلهم بصوت يرعب وقال بصرامة :
كل أوض الفيلا تتقفل فوراً والمفاتيح كلها تجيلي هنا مفيش غير أوضتي بس اللي تفضل مفتوحة

الخدم نفذوا كلامه في ثواني وهم خايفين من غضبه سحبها شاهين بغل ناحية أوضته ورمى جسمها على السرير بقوة فضلت بصالة بكره ووجع فسابها ودخل غرفة الملابس طلع بعدها معاه بيجامة ورماها في وشها وقال بغضب مكتوم :
قومي خدي شاور وغيري القرف ده

لسه كانت هتفتح بقها وتعارض بس هو كان جاب آخره وخلاص طفح بيه الكيل فصرخ فيها بصوت عالي رعبها :
قسمًا بالله لو سمعت منك كلمة كمان لأعمل فيكي اللي مرعوبة منه أنا لحد دلوقتي بكلمك بالذوق وصابر عليكي أكتر من كدة إنتي اللي هتندمي

مسكها من إيدها ودخلها الحمام بالعافية شد الباب عليها فقفلت على نفسها وقعدت جوة عاجزة وما كانش قدامها غير إنها تنفذ كلامه لأن فعلاً ما كانتش مرتاحة بفستان الفرح الثقيل فرحت لما لقت البيجامة بأكمام وطويلة لبستها ولبست عليها طرحتها وخرجت بعد وقت قليل