الطياره

خدت الفلاشة و حطيتها في شنطتي بكل هدوء.

—تمام يا رنا.. وصلتك الفكرة. بس أفكارك دي متأخرة شوية. أنتِ كنتِ راضية تلعبي دور الشيطان طول ما كان الحساب عليا أنا.. ولما الدور جيه عليكِ افتكرتي الضمير.

قمت وقفت، وبصيت لها من فوق لتحت:

—تسلمي على الفلاشة.. وأنا أوعدك إن شريف مش هيعرف يهددك تاني، لأن الفضايح اللي مستنياه هو وعيلته مش هتسيب له وقت يفكّر فيكي أصلاً.

رجعت الشقة اللي كنت متأجرة في الزمالك، وكلمت أحمد طاهر المحامي فكّينا ضغط الفلاشة.. لقيت بلاوي.

تسجيلات بصوته بيشرح لصحابه إزاي خلاني أدفع مقدم صيانة الشقة وإزاي خلاني أكتبتنا قائمة شكلية، ومسجات بيتهم بيا بالغباء ويضحك على مغفلتي، بالإضافة لتسجيلات واضحة عن التهرب الضريبي بتاع شركات أبوه العقارية اللي كان بياخد مني استشارات مالية غير مباشرة عشان يغطوا عليها!

أحمد المحامي ابتسم ابتسامة شريرة وهو بيسمع:

—كده القض\ية اتغيرت يا نيرة.. إحنا مش هنرفع طلاق للضرر بس.. إحنا هنرفع قضي\ة استرداد أموال، ونصب، ومعاها بلاغ للنيابة العامة بالتهرب الضريبي بناءً على المستندات والتسجيلات.

في خلال أسبوع واحد بس..

وصل لـ شريف وأبوه الاستدعاء الرسمي من النيابة.

وفي نفس الوقت، المحامي بعت إنذار على يد محضر باسترداد كل المبالغ اللي اتدفعت من حسابي الشخصي لحساب شريف وعيلته خلال فترة الخطوبة والجواز بالتعليمات والإيصالات.

الدنيا اتجلبت فوق دماغم.

شريف حاول يكلمني مية مرة.. كنسلت وعملت بلوك في كل حته.

أبوه جيه لحد شركتي المعادي عشان يترجاني، بس الأمن منعه يطلع لي بناءً على تعليماتي.

بعد شهرين بالضبط..

كنا قاعدين في محكمة الأسرة في التجمع الخامس.

شريف كان قاعد جنب محاميه وشكله خاسس ١٠ كيلو، وشوشته ضايعة، والهيبة والغرور بتوع ابن ناس التجمع اختفوا تماماً. أمه كانت قاعدة ورا بتبص لي بغل وكسرة، بعد ما الحجز التحفظي ينزل على جزء من استثمارات أبوه بسبب قض\ية التهرب الضريبي والأموال اللي ثبت إنها أتاخدت مني بالتلاعب.

القاضي بص في الملف، وبعد ما شاف تقرير الخبير المالي وتسجيلات الصوت الموثقة:

“حكمت المحكمة بتطليق الزوجة نيرة ممدوح Mendoza من زوجها شريف أحمد آلـ… طلقة بائنة للضرر، مع إلزام المدعى عليه براد كافة المبالغ المالية المسحوبة من حساب المدعية والمقدرة بـ مليوني وأربعمائة ألف جنيه مصري، بالإضافة إلى التعويض المالي عن الأضرار الأدبية…”