خطيبي اتخلى عنى ج١ منى السيد

قاعد جنبها وهي بتعاني بس أقسم بالله ما هسيب حقها، ولو كلفني حياتي.
قعدت أضحك بصوت عالي لوحدي في البيت. ضحكة مليانة قهر ومرارة وڠضب أعمى. الكداب الكبير. الممثل البارع. كان بيمثل الحزن على شاشات التلفزيون، وفي البيت كان بيقعد جنبي يبص لوشي المشوه بنظرة رضا خفية، وكأنه خلص مني من غير ما يوسخ إيده بشكل مباشر.
في اليوم التالت بعد خروجي، أحمد كان نازل عند استوديو التسجيل بتاعه عشان يخلص أغاني ألبومه الجديد اللي هينزل بالتزامن مع الحاډثة عشان يركب التريند. أول ما باب الشقة قفل ورا خرجت التليفون القديم اللي كنت مخبياه جوه هدومي في الدولاب، واتصلت بحسام.
هو خرج؟
أيوة، وطالع على الاستوديو في المهندسين، قعدته هناك هتدوم لا تقل عن أربع ساعات.
تمام يا حسام، استناني تحت البيت، أنا نازلة حالا.
لبست عباية سوداء ونسيت الشاش شوية، وغطيت وشي بنقاب خفيف عشان محدش يعرفني، ونزلت ركبت مع حسام العربية. بص لي وقال بقلق
على فين؟
على الشقة القديمة اللي أحمد كان مجّرها لنادين.
حسام اتفاجأ
إنتي عرفتي مكانها منين؟
من تليفونه اللي سابه على الكومودينو امبارح وهو نايم. بصيت على رسايل الواتساب المخفية، وطلعت العنوان ورقم الشقة، وكمان لفت انتباهي حاجة أخطر بكتير.
حسام سأل باهتمام
حاجة إيه؟
الوثائق، أحمد مش بس كان بيكلمها، ده كان بيكتب باسمها شقق وأملاك، وكانوا متفقين على خطة الحاډثة دي من شهرين. يعني مادة حاړقة، وشاب مأجور، وفلوس محولة، كل ده مسجل بالصوت والصورة في محادثاتهم مع بعض.
حسام ضړب بايده على الطارة وقال پصدمة
ده كده مش مجرد طلاق رجوع دي جناية كاملة الأركان فيها تحريض واتفاق وشروع في قتل! لو البلاغ ده راح النيابة، أحمد هيتقبض عليه، ومستقبله الفني وكل أملاكه هتروح في ثانية.
ده اللي أنا عيزاه بالظبط، مش عايزة أقل من كده.
وصلنا العمارة في الهرم، عمارة قديمة ومش مشپوهة. طلعنا الدور الثالث، وحسام كان واقف جنبي بيترعش من الخۏف. طلعت المفتاح المصنوع خصيصًا اللي عرفت مكانه من مفاتيح أحمد، وفتحت باب الشقة بهدوء تام.
الشقة كانت هادية، وريحة البرفان بتاع نادين كانت مالية المكان. دخلت الأوضة لجوه، لقيت ابن أحمد، ياسين، نايْم على السرير ولعبته جنبه، وكان فيه كراتين وشنط سفر مالية الأوضة؛ واضح إنهم كانوا بيجهزوا السفر برا مصر أول ما الحكاية تخلص والفرح يلغى.
فتحت دولاب نادين، ولقيت هناك الحاجات اللي كنت بدور عليها عقود، أوراق بيع وشراء، وشيكات مصدقة باسم أحمد ومكتوبة باسمها، وفلاشة كمبيوتر صغيرة محطوطة جوه علبة مجوهرات.
مديت إيدي وخدت الفلاشة والأوراق، وحطيتهم في شنطتي.
وفجأة سمعت صوت مفتاح في باب الشقة بره!
قلبي وقف في مكاني.
حسام بص لي بعينين مړعوپة وقال بصوت هامس ومتقطع
أحمد أحمد جه هنا! ده أكيد حس إن فيه حاجة ناقصة في الاستوديو ورجع بدري!
بصيت حواليا بسرعة. الشقة مفيهاش مخرج تاني. صوت خطوات أحمد كانت بتقرب من الصالة، وصوته بينادي على نادين
نادين إنتي فين؟ أنا سبت الشغل وجيت عشان عايز أقولك على حاجة مهمة بخصوص سارة!
حسام كان بيبص للباب باڼهيار، وأنا حسيت إن دي اللحظة الحاسمة؛ يا إما يتكشف كل حاجة دلوقتي وأنا لسه ما خلصتش معركتي، يا إما هلاقي طريقة أخرج بيها وأنا ماسكة في إيدي كارت الجوكر اللي هيقضي عليه للأبد.
الفصل الثالث
صوت خطوات أحمد وهي بتقرب من الأوضة كان عامل زي دقات طبلة مرعبة بتعلن قرب نهاية العالم، أو بالأحرى، قرب نهاية الكذبة