عذاب عاشق ج٢

عاصي بيأخد نفس وبيقف وبيلفها له ويمسح دموعها….. أن يوم مرفعت إيدي عليكي اتمنيت يوميها أنها تنقطع نظرة الكسرة إلي في عيونك كانت هتخليني اسيب المهمة إلي موكولة ليا كنت عاوز اجري وراكي واقولك سامحيني غصب عني بس مسكت نفسي بالعفية وفكرت في بلدنا إن مصلحة مصر أهم واكيد لما تعرفي اسبابي هتسمحيني بس مكنتش متصور أن الموضوع يوصل لكدا وانك تتعرضي للخطر بالشكل دا لما سمعت إلي حصل ليكي انا سبت كل حاجة ونسيت اصل إي حاجة معاد انتي وإني السبب في إلي حصل ليكي

بتمسح دموعها …… لي مش قولت ليا بعد كدا بعد

عاصي …. أنتي نسيتي تمثلية فقدان الذاكرة وقربك من الدكتور السمج دا

بتبتسم جنات ….. بعد ما عرفت اني بمثل لي مش صرحتنيش بكل حاجة لي كنت بتعاند لا واخر حاجة خاليتني اعتذر من الحرباية إلي أسمها خلود

عاصي …. بصراحة انا كنت هموت من الغيظ منك ومن الدكتور إلي إسمة اسلام دا وبصراحة حبيت طريقت بهدلة خلود علي إيدك كنت بستمتع بذلتها كدا

جنات … تستاهل بس لي اجبرتيني إني اعتذر لها

عاصي …. دا علي أساس انك اعتذرتي يعني

جنات …. عاصي

عاصي … عيونة

بتبص له بغيظ

عاصي … هههههه خلاص هقول ليكي هما سبابين الأول اعرفها إذا أن انتي فاقدة الذاكرة او لا هي الاهم عندي وكرمتها من كرمتي لاني كنت خلاص وصلت معاها لنقطة هتوصلني للناس إلي شغالة معاهم بعد ما للأسف طلعت ابن راجل الأعمال براءة

جنات بصدمة ….. انت بتقول إي

عاصي …. كان لازم اعمل كدا عشان ادخل وسطهم ويصدقوا إني واحد منهم بجد وكنت بحاول علي قد ما اقدر ابعدك عن السكة دي ومش هكدب عليكي موضوع الصحافة وإنك انتي وإسلام هترتبطوا علي قد ما كنت عاوز اموتك بس بعدها عرفت أن الموضوع فدني كتير

جنات … إزاي

عاصي ….. لأنها أول ما سمعت الخبر جات جري عشان تقول ليا وتحمي فيا وانا قولت ليها إن مفيش داعي لكلامها دا لأنك أختي وإسلام راجل محترم وإنك هكون مبسوط وانا بسلمك له ومن خلال كلامي تأكدت اني مش بحبك بس إلي مش عارفة هي لي عاوز تكشفك ليا بأي شكل برغم انها تأكدت إني مش بحبك وإن جوازك من اسلام هيكون في مصلحتها

جنات …. مش محتاجة مفهومية هي من أول يوم شفتها بتكرهني وغير كد شكلها مستكترا اسلام عليا نظرتها له طول الحفلة كان واضح