عذاب عاشق ج٢

عاصي كان ملاحظ كل حركة بتعملها وماسك ضحكتة بالعافية بص لها بتحدي هو كان عاوز يعلمها درس عشان كد قرر يسافر بس زهرة لما ظهرت غيرت له كل خططة ودلوقتي السن بالسن والعين بالعين والباقي اظلم هو قرر يربيها من أول وجديد هو متأكد أن الخطوبة والجواز مجرد تمثلية هي بتعملها عشان تجرحة بس هو هيوقعة في شر اعملها وهيخليها تقول حقي برقبتي

زهرة … اتفضلوا

عطت كل واحد كباية شاي

جات عند جنات ومدت لها واحدة رفضت واخدت إلي علي الصنية وهي بتبص لها بغيظ

جنات أول ما خدت رشفة تفتهم وقامت بتصرخ ….. ععععععع إي القرف دا بتمسح لسانها من الطعم المقرف

زهرة بتقلد جنات …..اوبس معلش بقا ي جنات المقلب جة فيكي كنت قصداة في عاصي اصل انا وهو علي طول بنعمل في بعض مقالب اصل احنا بنموت في المقالب بتنهي كلامها بغمزة

عاصي والموجودين مش قدروا يمسكوا نفسهم من الضحك

بتبص ليهم جنات بغضب ودخلت المطبخ

زهرة ببراءة…. هي جنات زعلت دا انا كنت بهزر معاها

سماح …. ولا يهمك ي حبيبتي هي جنات كدا علي طول تب تهزر بس محدش يهزر معاها عن إذنك انا هروح اشوفها

عاصي بيهمس لها ….. طلعتي خصم لا يستهان بي هههههه بجد عجبتيني

زهرة.بغرور … اومال ي بني ولسا هبهرك إنت لسا شفت حاجة

عاصي ….. صدق إلي قال ما يجبها غير ستتها

وسط تهامسهم كانت في عيون باترقبهم والشرر بيطير منهم

تهاني …. قوم ي حبيبي راضي جنات انت عارف انها دماغة حديد مش بتسمع غير ليك

عاصي … حاضر ي ماما عن إذنك ي زهرة البيت بيتك

بتبتسم له زهرة ووقعت عيونها علي إسلام إلي كان بيحرقها بنظراتة للحظة بلعت لعبها بخوف بس بعدها استجمعت قوتها وبصت له ببرود

بيشاور لها إسلام بعيونة عشان تخرج هي بتبعد عيونها عنة بسخرية وتتكلم مع تهاني

اسلام بعت لها رسالة *اقسم بالله لو مطلعتي دلوقتي لكون مطربقها فوق دماغك ودماغي *

وصلت لها الرسالة وشفتها وبصت له لقتة مش بيهزر استأذنت من تهاني …. اسيبك انا بقا عشان الوقت اتاخر

تهاني … طب استني أنادي عاصي يوديكي

قبل ما ترد

اسلام … مفيش داعي انا كمان هروح هخدها في طريقي

تهاني…. طب اقعدوا شوية كمان