جوزي ومراته السريه ج5 منال على
— اسألي جوزك… لأنه الوحيد اللي كان موجود يومها لما اتبدل الأطفال.
فضلت واقفة قدام محمود وأنا مش قادرة أتكلم.
بصيت لشريف.
وشه كان كفاية يجاوب قبل ما ينطق.
— إنت كنت موجود؟
شريف نزل عينه.
— أيوه.
حسيت إن قلبي بيتقطع.#حكايات_منــال_عـلـي
— يوم ولادة يوسف؟
— أيوه.
— وإنت عارف إن فيه أطفال اتبدلت؟
سكت.
صرخت:
— رد عليا!
— عرفت بعدها.
محمود ضحك بمرارة.
— لأ يا شريف… إنت عرفت من نفس اليوم.
بصيت لشريف.
— مين فيكم بيكدب؟
محمود قرب مني.
— أنا كنت بدور على الحقيقة من أربع سنين. أختي ريم ماتت وهي بتولد. قالوا لي إن ابنها مات بعدها بساعات.
حط الصورة قدامي.
— لكن أنا ما صدقتش.
بصيت للصورة.
ريم كانت واقفة وهي حامل، وجنبها شريف.
سألت:
— إيه علاقة جوزي بأختك؟
محمود قال:
— شريف كان مسؤول عن ملف المستشفى اللي الشركة كانت بتتعامل معاه. هو اللي خلاني أصدق إن الطفل مات.
بصيت لشريف.
— ليه؟
قال بصوت مكسور:
— لأن الطفل ما ماتش.
سكت المكان.#حكايات_منــال_عـلـي
— أمال حصل إيه؟
شريف رفع عينه لي.
— الطفل اتولد سليم.
محمود شد على إيده.
— واتحط في حضانة الأطفال.
— وبعدها؟
شريف سكت.
محمود هو اللي كمل:
— بعدها حصلت مشكلة في الأوراق. ملف ريم اتبدل بملف تاني.
بصيت ليوسف.
— وإيه علاقة يوسف بالموضوع؟
محمود قال:
— يوسف هو الطفل اللي كان مكتوب في الملف التاني.
حسيت إن الدنيا بتلف بيا.
— يعني ابني اتبدل؟
الدكتور اللي كان واقف عند الباب تدخل.
— لا.
كلنا بصيناله.
قال:
— الأطفال ما اتبدلوش.
اتنفسنا كلنا في نفس اللحظة.
الدكتور فتح ملف قديم.
— اللي اتبدل كان الورق.
قربت منه.
— يعني إيه؟
— في يوم الولادة، حصل خطأ في تسجيل العينات. وبعدها حد استغل الخطأ وغيّر بعض المستندات.
بصيت لشريف.
— مين؟
الدكتور سكت.
محمود قال:
— شريف.
شريف هز راسه.
— أنا ما غيرتش حاجة.
— لكنك عرفت وسكت.
شريف ما ردش.
الدكتور قال:
— التحليل الجيني الموجود في ملف المستشفى الأصلي واضح. يوسف ابن شريف.
حسيت إن رجلي ضعفت.
غمضت عيني.
ابني.
ابني فعلًا.
لكن الفرحة ما كانتش كاملة.
لأن الحقيقة كانت لسه ناقصة.
بصيت لشريف.
— طب ليه عملت كل ده؟
فضل ساكت.
محمود قال:
— عشان فلوس.
ضحكت بمرارة.
— طبعًا.
محمود كمل:
— أبو شريف كان عليه ديون كبيرة قبل ما يموت. وبعد وفاته، شريف دخل في شراكة مع أبو هبة. وكان فيه ورث كبير مرتبط بنسب العيلة.
