اختي فضحتني صافي هاني
وش دون روبرتو دمّه هرب وبقى أبيض زي السيراميك.
الأدميرال بص للندبات اللي لسه باينة من قميصها المقطوع، وجز على سنانه وقفل فكه جامد.
”أخيراً اتأكدنا مين اللي أصدر الأمر غير القانوني ليلتها”.
أبرايل حست كأن الأرض بتتفتح تحتها.
بعدها الأدميرال سلمها ملف أسود مقفول بختم وقالها:
”يا فندم، محتاجين شهادتك. النهاردة”
بعد مرور ست شهور على اليوم ده، الأوضاع اتغيرت تماماً.
العميد أبرايل سالفاتيرا بقت بتدير واحدة من أهم غرف العمليات والتخطيط في البحرية، وبقى اسمها لوحده كفيل يرعب أي حد يفكر يمس أمن البلد أو يخون الأمانة. قميصها المقطع اتغير ببدلة عسكرية ميرى بكتافات دهبية بتلمع، بس الندبات اللي تحت البدلة لسه زي ما هي، بتفكرها كل يوم هي واقفة فين وعشان إيه.
في المقابل، بيت عيلة سالفاتيرا الفخم بقى شبه مهجور.
دون روبرتو قفل على نفسه الأبواب، ومبقاش بيخرج يقابل حد من صحابه القدام بعد ما سيرة أخوه الخاين بقت على كل لسان، وبعد ما بقى معروف في الوسط العسكري كله إنه الأب اللي اتخلى عن بنته البطلة عشان يداري على فضيحة أخوه. الراجل اللي كان عايش عشان “البرستيج” والاسم، بقى عايش في عزلة تامة، وصحته تدهورت من كتر الندم والحسرة.
أما فانيسا، فالحياة أدتها درس عمرها ما هتنساه.
الشلة اللي كانت بتتمنظر بيهم سابوها، ومبقاش حد من العائلات الكبيرة عايز يرتبط باسمها أو يوجد في مكان هي فيه. النرجسية اللي كانت عايشة فيها اتكسرت، ولأول مرة في حياتها تذوق طعم إنها تكون منبوزة ومحدش باصص لها، بعد ما كانت فاكرة إنها فوق الناس كلها.
في يوم من الأيام، وأبرايل قاعدة في مكتبها، دخل عليها المساعد بتاعها وبلغها إن فيه حد بره طالب يقابلها، ولما سألته مين، قالها إنه دون روبرتو وفانيسا.
أبرايل سكتت لثواني، وبعدين شاورت للمساعد يدخلهم.
دخل الأب وهو ساند على عصاية، ووشه باين عليه العجز والكسرة، ووراه فانيسا اللي كانت باصة في الأرض ومفيش في عينيها غير الخوف والكسوف.
دون روبرتو بص لـ أبرايل بنظرة كلها رجاء وقال بصوت مرعش: “أنا مش جاي أطلب منك ترجعي تعيشي معانا يا أبرايل.. أنا عارف إن ماليش عين أطلب ده. أنا جاي بس أقولك إن البيت اتكتب باسمك، وكل اللي أملكه بقى بتاعك.. وجايب أختك عشان تتأسف لك قدام عيني”.
