ليلى ج٨ ندى على حبيب
جمال : لاااء مش كدا انا حاليا معايا فلوس ومظبط امور خطوبتي وجوازي وكل حياتي وطلعا محدش يعرف كدا غيرك لو مسكت حسابات الارض وفجأة خطبت واتجوزت بفلوسي هيقولو بيســ,,ـرق من فلوس الحسابات ومحدش عنده ثقه فيا حاليا لأن انا عملت مصايب في الشم دا ضيعت الدنيا او دمـ,ـوتها بمعني اصح مروه مسكت ايده بقوه : طيب بص ارفض عرض ابوك لحد ما نتجوز وتحس انك فعلا واثق من نفسك قدام نفسك وافق وانا معاك ومش هسيبك مهما كان ” وفونها رن وكانت ولدتها ” الوو ايوا يا ماما نجوي بشك : انتي فين يا مروه اتصلت عليكي في المستشفي قالولي خرجت من الساعه 1 الضهر خرجتي تعملي ايه مروه ببتسامه وهي بتبص لجمال : بقابل وحده صحبتي وراجعه مش هتأخر ” وقفلت بسرعه ” جمال بغضــ,,ـب : بتقابلي وحده صحبتك ازاي يعني ؟
مش مالي عينك يعني ولا ايه ظروف ميتين اهلك دلوقتي ! مروه ضحكت : حبيبي اسفه والله ان بقولك عليك كدا بس اكيد مش هقولها بقابل جمال اللي هو حبيبي صح ولا ايه جمال فتح علبة السجاير بتاعه وشرب بغضــ,,ـب : طول ما انا بقابلك في السر من ورا الكل كدا وانا عارف ومتأكد ان ربنا مش هيبارك ليا مروه : انت جدك لسه متو.
في من فتره صغيره يعني مينفعش تقولهم هخطب وجدك الله يرحمه مكملش حاجه اصبر كمان شهر وابقي اقول اهي تبقي مبلوعه شويه اصبر شويه جمال بصلها بغيظ : ما انا صــ,,ـابر اهووو يا ختي صاااابر لدرجه ان عليا النعمه يا مروه اتجوزك ويتقفل علينا باب ما هحلك من ايدي والايام بينا مروه بخوف : ليييه لييييه انا عملتلك ايه علشان تقولي كدا ؟
جمال غض شفته اللي تحت بغيظ : ما اهو ان يبقي قدامي مزه زيك واتجبر اعد هادي كدا وانتي مش حسه بيا لاااازم اطلع عليكي كل اللي كنت فيه بس الصبر جميل علي رأي البت اللي بتغني مروه ضحكت اووي : يخربيتك يا جمال جمال بغضــ,,ـب : عااالي الضحكه كمان اللي ورا لسه مسمعوش اتقلييي اتقليييي حاااااضر ” وقضو اليوم ضحك وهزار وصور والامور ماشيه اجمل من كدا مفيش ” ………………………………… ” في بيت المرحوم غفران الحبيب ” ” سالم قاعد وقصاده صفوان بيحسبو حساب المحصول الجديد اللي طالع من الارض بتركيز تام وفون صفوان مش مبطل رن ” سالم بضيق : قووم رد علي اللي بيتصل يا صفوان وتعالي صفوان بص علي فونه لقي اكتر من 15 اتصال من اسراء اتنهد بضيق وقام : احنا كدا خلصنا اصلا الحسابات معاك والمزارعين قــ,,ـبضو ونص ليك والنص التاني هيجي بيه تقاوي للأرض سالم : خلاص ماشي يا غالي هحط كدا في حسابك 4 تلاف تعبك وشغلك ” صفوان هز راسه وطلع برا المكتب اللي عند الارض ورن علي اسراء “ اسراء بندفاع : انت مبتردش في وقتها ليه يا صفوان ؟
