سجين الصمت ج٢ شروق خالد
بس أنا جوايا روح بتكبر كل يوم، وعارفة إن المعركة بيني وبين حمزة الشاروني لسه يبدأ أول فصل فيها. الليل عدى عليا زي الكابوس، كل ثانية كانت بتمر وأنا سامعة صوت خطوات الحراسة بره الباب، رايحين جايين زي الضلال.
مكنتش عارفة أنام، والبيبي جوايا كان بيتحرك بقلق، كأنه حاسس بدقات قلبي السريعة والرعب اللي سكن جسمي. أول ما الشمس طلعت، صوت المفتاح وهو بيلف في القفل خضني، واتفتح الباب بالراحة. دخلت الدادة فاطمة وهي شايلة صينية أكل تقيلة، ووراها دخل راجل كبير في السن لابس بدلة جادة وماسك شنطة طبية فخمة.
الدادة فاطمة قربت مني وعينيها مليانة شفقة، حطت الصينية على التربيزة وقالت بصوت حنون: “صباح الخير يا بنتي.. الدكتور صلاح جه عشان يطمن عليكي وعلى الجنين، حمزة بيه مأكد عليه يفحصك شبر شبر.”أنا قعدت على طرف السرير وضميت الملاية عليا بتوتر: “أنا مش عايزة حد يكشف عليا.
. أنا كويسة.”صوت حمزة جه من عند الباب، بارد ومفيهوش أي مجال للنقاش: “الكشف ده مش رفاهية يا أمل.. ده أمر.”كان واقف عند الباب، لابس قميص أسود ومترتب على أحدث طراز، حاطط إيديه في جيبه وعينيه مثبتة عليا بنظرة تحذير.
الدكتور صلاح قرب بالراحة وهو بيحاول يطمني: “يا مدام أمل، ارتاحي خالص.. أنا طبيب العيلة هنا، وحمزة بيه مهتم جداً بصحتك وصحة ولي العهد.”غمضت عينيا واستسلمت وأنا بلعن الضعف اللي أنا فيه. الدكتور بدأ يفحص الضغط، ونبض الجنين، وعمل سونار بجهاز صغير جابه معاه.
صوت دقات قلب البيبي ملأ الأوضة.. صوت سريع ومنتظم زي دقات الطبول. شفت وش حمزة بتتغير في ثانية.. الملامح القاسية والجامدة اتفككت، وعينيه لمعت بذهول وحنية غريبة لمحتها لأول مرة من سبع شهور. قرب خطوات بطيئة ناحية جهاز السونار، وعينيه مش مفارقة الشاشة الصغيرة اللي باين فيها طيف الجنين.
مد إيده الكبيرة وبص للدكتور وقال بنبرة طالعة بالعافية من صدمة الفرحة: “هو ده.. ابني؟”الدكتور ابتسم: “تمام يا حمزة بيه.. ما شاء الله، النبض ممتاز والجنين حركته قوية، بس المدام محتاجة راحة تامة وغذاء كويس لأن عندها أنيميا وإجهاد واضح من الفترة اللي فاتت.
“حمزة لفلي فوراً، وعينيه اسودت تاني بغضب مكتوم لما افتكر الفترة اللي قضيتها في القهوة: “سمعتي يا هانم؟ إجهاد وأنيميا بسبب المرمطة اللي كنتِ حاطة نفسك وابني فيها!”الدكتور أخد شنطته واستأذن ومشي بسرعة هو والدادة فاطمة، وبقينا أنا وهو لوحدنا في الأوضة تاني.
