شلت حملي لوحدي شروق خالد
9 شهور كاملين، جوزي ما فكرش حتى ياخدني مرة واحدة للدكتور. وفي يوم ميلاده، اتفاجأ إن اسمه اتمسح تماماً من ورق التوكيل والتفويض.9 شهور حمل، اتعودت أدخل قسم النسا والتوليد لوحدي. من أول يوم بطني ما كانتش باينة، لحد ما بقى جسمي تقيل وكل ما أجي أقوم أسند بإيدي على ضهري، ما فيش مرة واحدة كان سيف موجود جنبي.
دائماً مشغول. ساعات شغل زيادة. ساعات عشاء عمل مع عملاء. وساعات اجتماعات مهمة ما ينفعش يتأخر عنها. وفي الآخر، أي عذر كان بيبدأ وينتهي بنفس الجملة:”أنا أقدر أروح لوحدي.”سمعتها كتير لدرجة إني بطلت أسأل أساساً.
حتى في آخر كشف قبل ولادتي، لما الدكتور بصل حواليه وسألني:”هو جوزك برضه مش معاكي النهارده؟”ابتسمت عادي جداً وكأن ما فيش حاجة:”أصل جوزي مشغول في الشغل.”بس المرة دي…ما كنتش ناوية أستنى لما يخلص شغله. في اليوم ده، الطرقة قدام العيادة كانت زحمة أوي.
بطني كانت تقيلة لدرجة إني مش شايفه أطراف رجلي. لما رقمي ظهر على الشاشة، سسندت بإيد على الكرسي والإيد التانية على بطني وقمت بالعافية. في نفس اللحظة، كان في زوجين قاعدين جنبي ورقمهم نزل برضه. الراجل قام بسرعة، شال شنطة مراته وأخدها في ح. ضنه وهو بيسندها.
وهما ماشيين، كان موطي رأسه بيبص في الورق اللي في إيده وبيراجع طلبات الدكتور نقطة نقطة عشان ما ينساش حاجة. فضلت باصة عليهم كام ثانية من غير ما أحس. وبعدين طلعت تليفوني. قبلها بـ 20 دقيقة، سيف كان باعت لي رسالة:”عندي اجتماع مهم النهارده، روحي اكشفي لوحدك.
“وتحتها على طول كاتب:”يا ريت بلاش الضغط ده كل مرة بتروحي فيها للدكتور. ما كل الستات بتروح لوحدها وبتتصرف، مش عارف ليه كل حاجة معاكي بتتحول لمشكلة.”قريت الكلام كله. ما تناقشتش. ولا سألته إيه الاجتماع القاتل اللي واخد كل وقته بقاله 9 شهور.
قفلت الشاشة. حطيت التليفون في الجراب. ودخلت للكتورة لوحدي. الممرضة متعودة تبص ورانا، لما ما لقيتش حد، سألتني:”فين حد من أهلك؟””مشغول.”رديت على طول، الكلمة أصلها بقت على لساني. أول كشف، سيف كان ماسك مشروع جديد ومش عارف يسيب الشركة.
ثاني كشف، زبون مهم جه فجأة. ثالث كشف، أول ما خلصت مطرت جامد، كلمته ييجي ياخدني، قال لي إنه مدي العربية لزميله ومش هيعرف ييجي. ومن ساعتها، بطلت أطلب. عشان فهمت حاجة واحدة… طول ما أنا مش مستنية حاجة، مش هزعل.
