ما بين العشق والانتقام ج١

لمحة نيوز

عين الشمس، بس للأسف إنت مش عايز تشوف الحقيقة.
وبصت لوالدتها وقالت ما تتكلمي يا مرات عمي وفهمي ابنك.
داليا، أم يوسف آه يا حبيبي، انساها. هي ما تستاهلكش. كل البنات نفسها تتكلم معاك. ده إنت يوسف أصلان، مش هتنزل من نفسك عشان بنت زي شمس.
يوسف بغضب ماما! إياكِ تغلطي في شمس تاني. أوعي تغلطي فيها، وأنا بحذر أي حد إنه يتكلم عنها نص كلمة.
مصطفى، والد يوسف إيه يا يوسف؟ خلاص اتحننت؟ تعمل كل ده عشان بنت؟
يوسف صرخ آه! ومش هسيبها. صدقني هجيب شمس، ومش هتكون لحد غير يوسف. فاهمين؟
وسابهم وطلع برا البيت وهو لسه بيدور عليها.
صباح اليوم التالي
شمس جهزت نفسها هي وقاسم عشان يروحوا.
وصل قاسم للفيلا، ونزل هو وشمس، وطلعها الشقة واداها المفتاح.
قال لو احتجتي أي حاجة تعالي واطلبي، ما تتكسفيش. مش إحنا بقينا أصحاب ولا إيه؟
شمس ضحكت ما تقولش كده، ده أنا اللي مكسوفة. وعموماً… أحلى أصحاب.
دخلت الشقة وقفلت الباب.
أما قاسم، فطلع تلفونه وقال أيوه يا محمد؟ عايزك تجيبلي لبس بناتي و…
وكمل كلامه.
دخل الفيلا وطلب منهم يجهزوا الغداء، وطلع ينام وهو لسه بيخطط لحاجة.
على الغداء
قبل ما ينزل، قاسم رن على شخص.
صوت من الطرف التاني أهلًا… أهلًا بابن مصطفى أصلان.
يوسف مين؟ وإلا هقفل. مش ناقصة ومش فاضي.
قاسم ضحك ههههه، صح. تصدق مش فاضي؟ أنا عاذرك، بتدور على حبيبة القلب، مش كده؟
يوسف إيه؟ إنت تعرف منين؟ وإنت مين؟ انطق!
قاسم بخبث صاحب عمرك… قاسم المنشاوي.
يوسف بصدمة إيه؟! قاسم؟ إنت؟ إنت تعرف إيه عن شمس؟ أوعى تأذيها يا قاسم، صدقني لو لمست منها شعرة واحدة… هندمك.
قاسم بغضب تقتل مين؟ إنت لسه ما تعرفش مين قاسم المنشاوي.
وسكت لحظة وقال وبعدين، القمر اللي اسمها شمس دي عندي في البيت. اسم على مسمى… شمس، وهي فعلًا أجمل شمس.
وقال سلام بقى عشان أنزل أتغدى مع شمسي.
وقفل في وشه.
يوسف بغضب آه يا ابن الكلب! أقسم بالله لأسيبك. ده بيقول عنها شمسي؟ والله لأحرقك!
وأخذ رجاله وطلع على فيلا المنشاوي.
في فيلا قاسم
قاسم راح عند شمس وخبط على الباب.
يا شمس… إنتِ نمتي ولا إيه؟
شمس فتحت الباب وكانت لابسة روب بعد ما استحمت.
أيوه يا قاسم، في إيه؟ كنت باخد دوش.
قاسم اتصدم من شكلها وشعرها المبلول.
شمس قاسم؟ يا قاسم!
وحطت إيدها على كتفه وهزته قاسم، سرحت في إيه؟ عمالة أقول يا قاسم يا قاسم.
قاسم اتوتر لأ، بس افتكرت حاجة.
وبعدين قال تعالي عشان الأكل جهز قبل ما يبرد. وخدي ده، جبتلك لبس عشانك.
شمس بجد؟ أنا مش عارفة أشكرك إزاي يا قاسم. أنا تقيلت عليك أوي.
قاسم يا بنتي مش إحنا أصحاب؟ طب لازمتها إيه الشكر الكتير ده؟ ولا إنتِ مش معتبراني صديق ليكي؟
شمس معقول؟ لأ طبعًا. ده أنا اتشرفت بصداقتك، ومبسوطة إني قابلت إنسان في حياتي زيك.
قاسم طيب هروح أنا قدامك، وخمس دقايق بس ألاقيكي على السفرة عشان مستنيكي.
ابتسمت شمس فوريرة، وأكون عندك، لأني بالفعل جعانة أوي.
دخلت غيرت لبسها، ولبست بيجامة حريرية لونها فوشيا، وفردت شعرها وطلعت.
قاسم بص لها وقال في نفسه
إيه يا قاسم اللي بتعمله في نفسك ده؟ معقول هتبص للبنت دي؟ المفروض إني أحقق منها انتقامي وبس.
وسكت لحظة
مش معقول أحب دي يعني… اسكت يا قاسم. دي مجرد وسيلة، مش أكتر.
شمس راحت للفيلا ودخلت مكان السفرة.
كان قاسم قاعد، وأول ما شافها اتفاجئ.
بص لها وقال في نفسه
البنت دي مش طبيعية… دي شبه الملاك.
أوف بقى! مش معقول أحب دي يعني.
وفجأة…
ضرب نار حاوط الفيلا!
يتبع…
الحلقة الثالثة
ضرب النار حاوط الفيلا.
شمس صرخت وراحت استخبت في قاسم وهي بتعيط
قاسم! الحق! إيه ده؟!
قاسم كان بيمسح دموعها وبيطمنها طيب ممكن تهدي؟ مفيش حاجة. أنا هشوف في إيه و…
ما كملش كلامه.
جاله صوت يوسف
ابعد عنها يا كلب، وإلا هكسرهالك! فاهم؟ وإنتِ تعالي هنا يا شمس!
شمس اتخضت واستخبت بسرعة ورا قاسم وهي بتعيط
يوسف أرجوك سيبني! أنا مش بحبك والله! ابعد عني!
يوسف هتلاقي ناس بتحبك كتير!
وكان قصدها على أختها نهي.
يوسف قرب منهم بس أنا مش عايز حد… إلا إنتِ وبس.
وقرب وكان هيمسك إيدها.
قاسم ضربه جامد ووقعه على الأرض.
ابعد إيدك عنها! وإياك تفكر تلمسها يا يوسف. فاهم؟ ابعد عن أي حاجة تخص قاسم المنشاوي.
يوسف بس هي مش حاجة تخصك عشان أبعد عنها. بالعكس، إنت المفروض تبعد عنها لأنها تخصني أنا وبس.
قاسم مين قال كده؟ دي تخصني أنا. خطيبتي وحبيبتي، وهتكون مراتي. مش كده يا شمس؟
شمس اتصدمت.
يوسف إنت بتقول إيه يا حقير؟ شمس مش هتكون لحد! ابعد إيدك عنها.
وقرب وضرب قاسم في وشه.
قاسم قام ورد له نفس الضربة.
شمس صرخت ابعد عنه يا يوسف! هو كلامه صح! أنا وهو بنحب بعض وهنتجوز. سيبني بقى في حالي! أنا مش عايزاك، افهم بقى!
يوسف أنا هاخدك معايا يا شمس. أكيد هو مهددك، عشان كده بتقولي الكلام ده. أنا عارف إنك بتحبيني أنا وبس.
وكان رايح ناحيتها.
شمس اتوترت جدًا، وفي لحظة يأس أمسكت سكينة وجرحت إيدها.
قاسم ويوسف صرخوا في نفس الوقت
شمس!
وجروا عليها، لكنها وقعت على الأرض والدم بينزف من إيدها.
قاسم شالها بسرعة وطلع يجري على العربية.
حطها فيها وركب، ويوسف لحقهم.
راحوا المستشفى، وخدوهم على الطوارئ.
الدكتور قال محتاجين دم بسرعة، فصيلة دمها O موجب.
قاسم نفس فصيلتي. أنا هتبرع لها.
واتبرع قاسم بكيسين دم لها.
يوسف كان واقف مش عارف يعمل إيه،