سديم بنت الحاره
نوح كان قاعد تحت مع مامته لورين اللي قالت له تعالى شوف حبيبتك المصون بتعمل ايه من ورانا، طلعوا الأوضة وفتحوا الباب، لقوا سديم نايمة على السرير لابسة قميص نوم قصير وميلا قاعد جنبها بيظبط هدومه، نوح اتصدم صدمة عمره، مقدرش ينطق، عينيه دمعت، سديم حاولت تفوق ومش فاهمة ايه اللي بيحصل، بتبص لنوح وبتقوله والله ما عملت حاجة، بس نوح مقدرش يستحمل المنظر ومشي وهو مكسور.
ليث أخو نوح كان واقف بيتفرج وبيضحك بشماتة، وصور كل حاجة بالموبايل، لورين وكنان كانوا مبسوطين إن الخطة نجحت، وميلا خد الفلوس وهرب، سديم اتفضحت في المنطقة كلها، الناس بقت تتكلم عليها، أمها جالها جلطة من الصدمة وماتت بعدها بشهر، سديم اتطردت من شغلها في المكتبة، مبقاش ليها حد في الدنيا.
بس سديم مضعفتش، قررت تسافر اسكندرية عند خالتها، وهناك بدأت من الصفر، اشتغلت في كافيه الصبح وبتذاكر كورسات تسويق بالليل، كانت بتعيط كل يوم قبل ما تنام بس كانت بتقوي نفسها، قالت لنفسها مش هسيب حقي، هاخد حقي من كل اللي ظلموني، بعد تلت سنين بقت حاجة تانية خالص، بقت بلوجر مشهورة وليها شركة تسويق صغيرة، شكلها اتغير وبقت ست قوية وجميلة جدا، بس جواها نار انتقام مش بتنطفي.
بعد تلت سنين رجعت القاهرة، رجعت واحدة تانية، لابسة براندات وراكبة عربية غالية، محدش يعرفها، أول حاجة عملتها راحت لشركة كنان ونوح، قدمت نفسها على إنها خبيرة تسويق اسمها سيلا، كنان انبهر بيها وبشطارتها ومضى معاها عقد كبير، ونوح أول ما شافها قلبه دق، حس إنه يعرفها بس مقدرش يفتكر، هي كانت متغيرة تماما.
سديم بدأت خطتها، قربت من لورين ودخلت بيتها على أساس إنها منظمة حفلات، لورين حبتها جدا وبقت صاحبتها، وقربت من ليث اللي وقع في حبها من أول نظرة، ليث الغبي كان بيحكي لها كل أسرار العيلة وكل فضايحهم، وسديم كانت بتسجل كل حاجة، أما ميلا فكان بقى مدير في شركة كنان بس فاشل وكل الناس بتكرهه، سديم قربت منه تاني بوش جديد وقالت له إنها معجبة بيه، ميلا صدق نفسه ووقع في شباكها.
في يوم الحفلة الكبيرة اللي كانت بتنظمها سديم لعيلة نوح، عزمت كل رجال الأعمال والصحفيين، وهناك قررت تكشف كل حاجة، طلعت على المسرح ومسكت المايك، وقالت أنا مش سيلا، أنا سديم اللي ظلمتوني من تلت سنين، أنا البنت اللي اتهمتوها في شرفها عشان فقيرة، وشغلت فيديو كان ليث مصوره يوم الحادثة، بس الفيديو الأصلي اللي كان فيه لورين وهي بتتفق مع ميلا، كانت سرقته من موبايل ليث لما كان نايم.
