زميلي ج٢ حكايات بسمه
اتسمرت في مكاني. «تحويلات بنكية باسمي؟! يا فندم أنا عمري ما أخدت منه جنيه! ولا عمري عطيت له رقم حسابي البنكي أساساً!» أستاذ شريف اتدخل بسرعة وقال: «أنا قلت لحضرتك يا فندم أحمد مظلوم ومحمود بيحاول يغرق أي حد معاه.» رد رئيس مجلس الإدارة: «أنا مش بتكلم بالعواطف يا شريف. النيابة قدامها كشف حساب بنكي رسمي طالع من البنك باسم محمود، فيه تحويل شهري بمبلغ 2500 جنيه يروح لحساب باسم ‘أحمد محمود’! والموضوع ده لو ثبت، الشركة هتبقى مجبرة تقدمك للمحاكمة بتهمة التآمر والتستر والتزوير، وده معناه الحبس وفصلك فوراً!
» الدنيا لفت بيا. التحويلات دي جت منين؟ وأنا حسابي البنكي ما دخلتش فيه المبالغ دي خالص! افتكرت كل تعاملاتي المالية في السنة اللي فاتت. أنا معنديش غير حساب بنكي واحد في بنك مصر، وما فيهوش أي حركة زي دي. سألت بصوت مرعوب بس حاولت أخليه ثابت: «يا فندم… التحويلات دي طالعة لآني بنك؟ ورقم الحساب المكتوب إيه؟» رئيس مجلس الإدارة بص في الورق وقال: «طالعة لحساب في البنك الأهلي المصري، برقم قومي واسم مطابق لاسمك الثلاثي: أحمد محمود…» وفجأة… زي ما يكون نور ضـ,ـرب في دماغي!
أحمد محمود! الاسم الثلاثي بتاعي شايع جداً، بس الأهم من ده… افتكرت حاجة محمود عملها من 6 شهور، حاجة كنت فاكرها ساعتها مجرد خدمة أو حركة عبيطة! من 6 شهور، محمود جالي الشغل وهو متوتر وقال لي: «يا أحمد، أخويا الصغير اسمه أحمد محمود برضه، وجميلك على راسي، بس هو شغال أونلاين ومحتاج حد يستلم له مبالغ من عملاء عشان حسابه البنكي فيه مشكلة، ينفع يبعت على حسابك؟» ساعتها أنا رفضت بشدة وقلت له: «أنا ماليش دعوة بحسابات حد وما بأدخلش فلوس حد في حسابي!
» فمحمود وقتها قال لي: «خلاص يا عم خلاص، أنا أتصرفت وفتحت له حساب باسمه الثلاثي المتشابه في البنك الأهلي.» محمود كان بيحول الفلوس دي لحساب أخوه الصغير اللي اسمه مطابق لاسم الثلاثي! وكان بيجهز اللعبة دي من شهور طويلة! كان بيبني شبكة فخاخ متفصلة عشان لو في يوم اتكشف، يرمي الجريمة كلها عليا ويقول إن الفلوس كانت بتروح لـ «أحمد محمود»! قفزت من مكاني وقلت لرئيس مجلس الإدارة: «يا فندم! الحساب ده مش حسابي! الاسم متشابه! محمود استغل إن اسم أخوه الصغير مطاطق لاسي الثلاثي ‘أحمد محمود’، وأنا حسابي الوحيد في بنك مصر وفرع مختلف تماماً!
