صقر وابرار ج٥ حكايات زهره

شاكر حط يده على راسو وقال..عمري ماهلاقي حد يحبها ويصونها قدك ربنا يهنيكم يا ولدي

وفعلا تاني يوم عملو كتب كتاب وفرح كبيييير جدا وكانت كل البلد حاضره

ابرار نزلت مع اميره و كان رافع وصخر مستنينهم ورافع كان رايح جاي بتوتر واول ما نزلت وقف متجمد مكانو من جمالها الساحر كانت حرفيا تحفه لابسه فستان الفرح الابيض وعامله ميكب خفيف وشكلها جنان

اتقدم عليها وهو بيبصلها بانبهار وقال..بسم الله ماشاء الله
بقلمي..زهرة الربيع
اميره بصتلو بكسوف وقالت..شوفتني حلوه ازاي

رافع قال باعجاب وسعاده…شوفت… ومشوفتش اجمل من كده ..ايه الجمال ده كلو

اميره قالت..انت كمان حلو..حلو قوي

رافع ابتسم وقرب باس جبينها وقال…ربنا يحرسك من العين… واخدها من ايدها وطلع بيها

صخر ابتسم عليهم وباس اميره وقال..الف مبروك

اميره ابتسمت وقالت …الله يبارك فيك
صخر بص لرافع وقال..مبروك…اخيرا اخدت الي كنت عايزه
رافع قال بحزن..احم..انت..انت لسه زعلان مني
صخر ابتسم بضيق وقال…مش عارف..بي مبسوط انك اخدت الي كنت عايزه مبسوط ليك قوي

رافع ابتسم بسعاده وحضنو وقال..ربنا يخليك ليا با صاحبي
صخر ابتسم وقال..يلا بينا المأذون مستني
رافع قال..اه ..هو..هو احنا ازاي هنكتب تاني
صخر قال…متشلش هم انا مرتب كل حاجه هتكتبو قدام الناس بس والقسيمه مش هتروح المحكمه يلا بينا

وتم كتب الكتاب وذادت الذغاريد والشباب بقى يرقص بالعصايه وصخر كان بيرقص بالعصايه مع رافع وابرار كانت بتبصلو باعجاب

صخر شاف نظرات الاعجاب الواضح وانها مش شايله عنيها من عليه …ابتسم وغمزلها

ابرار اتكسفت انو شافها ودخلت الدوار جري

صخر ضحك عليها وفضل يكمل رقصتو مع الرجاله وكان الجو مبهج وجميل

بعد شويه رافع دخل ورا ابرار بس ملقهاش في الدوار تحت فطلع يدور عليها
فضل يدور عليها في كل مكان مش لاقيها وحس بقلق رهيب جدا ازاي ملهاش اثر

ولسه هيطلع من الاوضه لقى ورقه مكتوب فيها..صخر انا مش عيزاك لو سمحت طلقني ..مش هتلاقيني متتعبش نفسك وياريت تطلقني بسرعه

صخر وقف بزهول ووقعت الورقه من ايده وهو مش مصدق الي بيقراه

في مكان غريب مظلم ابرار فتحت هنيها بتعب ووقفت باستغراب وبقت تقول..فيه حد هنا..انا فين..حد يرد عليا
دخل شاب في العشرينات بملامح جميله وقال بابتيامه..وحشتيني يا ابرار