صقر وابرار ج٥ حكايات زهره

اميره قالت بكسوف…لا مش هينفع
رافع قال باستغراب…ليه..موحشتكيش

اميره قالت ببراه..وحشتني قوي …بس النونو هيشوفنا..مبنفعش

رافع فضل ساكت شويه بيستوعب كلامها وبعدها ضحك جامد وحط ايده على بطنها وقال..غمتلو عينو اهوه وشدها عليه وباسها بقوه وشغف

وهنا دخل صخر وحمحم بغضب

رافع واميره بعدو عن بعض بسرعه وخضه وصخر قال بجمود..عايزك تعال وراي

صخر طلع ورافع باس اميره بسرعه وقال بهمس ..شهد يا اميرتي هجيكي تاني ومشي بسرعه

صخر كان مستنيه ورايح جاي بضيق واول ما جيه قال بغضب…المنظر الي شوفتو ده لو كان حد من الخدم شافو كان هيقول ايه….اسمع يا جدع انت..الناس لسه متعرفش بجوازكم..واحنا عايزين نلم الموضوع مش نبعترو

رافع قال بحرج..احم..مش هتتكرر و

صخر قال بحزم..مش هتتكرر لانكم هتتجوزو خلاص …بكره هتكتبو الكتاب قدام الناس…لما اشوف اخر جنانك..اديك هتتجوزها هشوف انا هتفضل معاها لامتى

رافع قال بزهول وهو مش مصدق نفسو
..بكره بكره…ده الي جاي على طول يعني هتجوزها…هتجوزهالي خلاص

صخر قال… ايوه..وافقت تفضل معاها بس هنا تحت عيني هتفضلو سوا في اوضتها و

بس قطع كلامو بزهول لما رافع وقع من طولو مغمى عليه

صخر جري عليه وقال بتوتر…رافع..رافع مالك..انت ياض فيك ايه وبقى يضربو على خدودو بخفه ويقول…ياض حصلك ايه

شاكر جيه وقال باستغراب…مالو ايه الي حصل

صخر شالو وحطو على الكنبه وقال مش عارف طب مني فجأه …وزعق وقال..حد يجيب علبه برفان بسرعه

الخدم جابولو علبه برفان وبقى يشممو منهاورافع فتح عنيه بتعب وبقى يبصلهم بشرود

صخر قال بفلق..انت كويس..ايه الي حصل

رافع قال بتعب..انا تمام…هو ..هو انت كنت بتقولي…بتقولي هنتجوز بكره ولا انا بحلم

صخر ضحك وقال…قوم قلعت قلبي عليك..ولسه هيمشي قال من غير ما يبصلو..اجهز يا عريس..وشد حيلك شويه علشان ده مجرد اختبار ..وبعدها هشوف تكملو سوا ولا لا

رافع جري علبه وقال بفرحه..هنكمل…ان شاء الله هنكمل ….والله ما هتندم

صخر ابتسم باستغراب عليه ومشي ورافع جري على شاكر حضنو جامد وقال…اواخيرا ..اخيرا يا عمي

شاكر ضحك وقال…انا كنت متأكد انك مش هتهون عليه بس الحمد لله انو معرفش اني انا الي جوزتكم

رافع باس ايده وقال… شكرا يا عمي انت الوحيد الي وقفت حمبي انا واميره ووافقت على جوازنا لولاك عمري ما كنت هتجوزها