مشاعر ممنوعه ج٣ منال علي
الجزء الثالث
الصبح كان هادي بشكل غريب.
الشمس داخلة من شبابيك الفيلا على استحياء، وصوت قناة كرتون واطي جاي من الليفينج. ريحة القهوة مالية المكان، ومعاها ريحة بان كيك محروق شوية.
ميرا خرجت من المطبخ وهي شايلة طبق، ولسه هتنادي على ياسين، لكنها وقفت فجأة أول ما شافت عمر.
بقلم منــال عـلـي
واقف قدام البوتاجاز… ومتوتر.
لابس تيشيرت أسود وبنطلون بيت رمادي، وماسك المقلاة كأنه داخل معركة مش بيطبخ حصري على صفحه روايات واقتباسات
رفعت حاجبها وقالت وهي مكتومة الضحك:
— «إنت بتحرق المطبخ؟»
عمر بص لها ببرود مصطنع.
— «كنت بعمل فطار.»
قربت من البوتاجاز وبصت على الكارثة اللي جوه الطاسة.
— «ده مش فطار… ده شروع في حريق.»
قبل ما يرد، ياسين جري عليهم وهو بيضحك.
بقلم منــال عـلـي
— «بابا بوظ البان كيك!»
عمر بص لابنه باستنكار.
— «إنت المفروض تبقى في صفي.»
— «أنا في صف ميرا.»
ميرا ضحكت غصب عنها، وعمر لأول مرة من أيام ضحك هو كمان… ضحكة خفيفة، لكنها حقيقية.
لكن اللحظة الحلوة ماكملتش.
صوت الكعب العالي بتاع والدة عمر قطع الجو كله.
نزلت السلم ببطء، شيك كعادتها، ونظراتها باردة.
بصت على المطبخ، وبعدها على ميرا.
— «واضح إنك بقيتي مرتاحة هنا جدًا.»
الضحكة اختفت من وش ميرا فورًا.
أما عمر فاتعدل واقف وقال بهدوء:
— «صباح الخير يا ماما.»
ردت ببرود وهي قاعدة على السفرة:
— «ياسين اتأخر عن الحضانة يومين الأسبوع اللي فات. أكيد بسبب التغيير اللي حاصل في البيت.»
ميرا فتحت بوقها تتكلم، لكن عمر سبقها.
— «مالوش علاقة ب ميرا.»
والدته بصتله مباشرة. بقلم منــال عـلـي
— «أومال له علاقة بإيه؟»
— «بيا أنا.»
السكون نزل على المكان كله.
حتى ميرا نفسها بصتله باستغراب.
والدته ضيقت عينيها.
— «من إمتى وإنت بتعترف بغلطك بسهولة كده؟»
عمر سحب نفس طويل.
— «من إمتى ما بقيتش عايز أظلم حد علشان أرضي الناس.»
الكلام نزل تقيل.
والدته قامت ببطء، وحطت الفنجان على الترابيزة بعصبية خفيفة.
— «البنت دي شغالة عندنا يا عمر. ماتنساش ده.»
ياسين فجأة حضن رجل ميرا الصغيرة وقال بعناد طفولي:
— «ميرا مش شغالة… ميرا بتاعتنا.»
قلب ميرا وجعها.
أما والدة عمر فوشها اتجمد أكتر.
عمر بص لابنه شوية… وبعدها رفع عينه لأمه وقال بهدوء واضح:
— «أيوه… بقت بتاعتنا فعلًا.»
