صقر وابرار ج٢ حكايات زهره

رافع هز راسو بسرعه وخوف ودخل اميره الحمام ودخل هو البلكونه وابرار اخدت نفس وفتحت باب الاوضه وكان صخر لسه هينزل على السلم قالت…فيه ايه..سمعاك بتزعق..فيه حاجه

صخر مصدقش عيونه انها قدامو رجع واتقدم ناحيتها وقال باستغراب ..انتي..انتي بتعملي ايه هنا…انا افتكرت انك…انك..واتنهد وقال.. بشيييير انت يازفت..قول للرجاله خلاص الهانم فوق

سمعت صوت قال امرك يا باشا… كتفت اديها وقالت بسخريه..ايه افتكرت اني هربت..ودي معقوله اهرب كده من غير ما اودعك يا جناب العمده

صخر كان مبسوط جدا لدرجه انو ناسي وجودها في اوضه اختو كان حاسس بسعاده الدنيا انها مهربتش وانها قدامو..قال..اطلعي معاي ..الوقت متأخر و

بس قطع كلامو لما شاف السلسله على الارض واميره مش موجوده قال برعب..اميره فين …البت فين

ابرار قالت بسرعه..اهدي ..هيه في الحمام وكفايه زعيق واطلع علشان متشوفكش انت عارف انها مينفعش تشوفك

صخر اتنهد وقال بغضب..حسابك معايا بعدين..ادخلي دلوقتي ساعديها واربطي السلسله كويس..وباب الاوضه تقفليه زي ما كان مقفول وحصليني لينا كلام كتير سوا

ابرار هزت راسها بخوف من نظراتو وصخر طلع على الاوضه وهو بيحمد ربو انو لقاها

ابرار دخلت لاميره وقفلت الباب وقالت..اطلع مشي خلاص

رافع طلع من البلكونه وابرار دخلت تطلع اميره من الحمام وكانت بتبكي جامد وكاتمه صوت شهقاتها بايدها

ابرار اتفاجأت وقالت…مالك يا حببتي مالك بتعيطي ليه

اميره قالت برعب وهيه بتترعش…مش..مشي…مشي

ابرار قالت باستغراب شديد..مين..اخوكي..ايوه..ايوه مشي مشي متخافيش

اميره قالت ببكا….لا لا انا خايفه عايزه رافع انا عايزه رافع

ابرار قالت بسرعه..اهو… اهو لسه موجود اهو….. بس قبل ما تكمل اميره طلعت جري ولقت رافع لسه في الاوضه اتنهدت براحه وابتسمت بدموع وجريت عليه حضنتو بقوه وبقت تبكي وتقول..متس..متيبنيش..متسبنيش انا خايفه

رافع بلع ريقه بالم وبقى يحضنها بقوه وقال ..بس بس يا قلبي..عمري ما هسيبك انا معاكي..انا معاكي مش هسيبك ابدا

بقلمي…زهرة الربيع
ابرار كانت بتبصلهم باستغراب من الحب الي موجود في عنيهم لبعض وكانت واقفه مش عارفه هتتصرف ازاي بعد كده

رافع شال اميره ونيمها على السرير وهيه مسكت فيه جامد وراحت في النوم ودموعها لسه منشفتش