جوزي مسافر لندن ج2
— اطلب النجدة فوراً يا أحمد، واطلب جيراننا الشرفاء ينزلوا.. طارق اتجنن وخلاص مابقاش باقي على أي حاجة!
أخويا اتصل بالنجدة وسجل بلاغ اقتحام وترويع، ونزل يجرى على السلم هو وأبويا، وأنا أقفلت الأوضة عليا وعلى ابني بالمفتاح، ومسكت عصا حديد كانت ورا الباب بإيدي اليمين، وحلفت لو حد منهم تجرأ وكسر شقة أهلي ودخل، هدافع عن ابني ونفسي لآخر نفس في عمري.
في الشارع تحت، الجيران والشباب الكبار لما سمعوا الصوت والتكسير ورؤوا البلطجية بيحاولوا يقتحموا العمارة، اتجمعوا فوراً. أهل المنطقة ما قبلوش إن حرمة بيت جارهُم تتهتك بالطريقة البشعة دي. حصلت مشادة كلامية وزعيق شديد بين شباب الشارع والبلطجية اللي طارق أجرهم، واشتبكوا مع بعض وحصلت ضرب وهرج ومرج هز الشارع كله.
خلال دقائق معدودة، كانت سرينة عربيات النجدة بتلعلع في المنطقة، والشرطة وصلت قبل ما طارق والنعرات اللي معاه يقدروا يهربوا! البوكس نزل منه الضابط والقوة، ومسكوا طارق والبلطجية المتأجرين متلبسين وبحوزتهم أسلحة بيضاء، وحماتي كانت واقفة بتصرخ وتدعي، بس الظابط ما أداهاش فرصة، وأمر بصلب طارق والبلطجية واقتادهم جميعاً على القسم!
نزلت أنا وأبويا وأخويا على القسم فوراً. طارق كان واقف في الكلبشات ووشه متبهدل من الاشتباك مع الجيران، عينيه كانت زايغة ومش مصدق إن كبرياءه وغروره وصلوه لمكان زي ده! أول ما شافني، كان عايز يزعق، بس الظابط نهره بقوة وقفل عليه.
تحررت القضايا ومحضر اقتحام جديد وترويع للمواطنين وحيازة أسلحة، وانضم المحضر الجديد لملف الق\ضية القديمة. وكيل النيابة المرة دي ما تساهلش، وأمر بحبس طارق 4 أيام على ذمة التحقيق، وانتقل من موقع “الزوج اللي بيمارس ضغطه” لموقع “المتهم في قضايا جنائية”!
الضربة القاضية دي كسرت شوكة بيت العيلة بالكامل. سعيد أخوه مقبوض عليه ومجدد له الحبس، وطارق جوزها لحقه في التخشيبة بنفس التهم والفضائح! حماتي وحمايا بقوا يلفوا حوالين نفسهم زي الفرخة المذبوحة، الكبر اللي كان ماليهم والفتونة اتبخرت تماماً، وبقوا يرجوا الطوب عشان نرضى نعمل صلح!
بعد أسبوع من المحاكمات والضغط، محامي طارق أدرك إن القضايا ملفوفة حوالين رقبة طارق وسعيد، وإن المحاكم مش هترحمه، وممكن يلبس حكم سجن يضيع مستقبله وشغله في لندن للأبد.
