مشاعر ممنوعه ج٢ منال علي
الجزء الثاني 👇🏼
الجزء الثاني
ميرا كانت واقفة قدام باب الفيلا، والشنطة جنب رجليها. السما كانت مكشرة، مليانة سحب رمادي تقيلة، والجو كله كان خانق بشكل غريب.
ياسين كان جوه أوضته… غالبًا صاحي وبيعيط عليها.
بعد اللي حصل في الجنينة، عمر وصلهم بالعربية ورجعوا البيت، بس من ساعة ما دخلوا والجو متوتر بشكل يخنق. البيت نفسه بقى تقيل.
بقلم منــال عـلـي
عمر خرج وراها.
كان لابس قميص أبيض وكام زرار مفتوحين، ورافع الكم، وشكله مرتب كعادته… بس عينيه كانت مفضوحاه. التوتر باين فيها جدًا.
وقف عند الباب شوية يبصلها من غير كلام.
وبعدين قال بهدوء:
— «أمي خدت قرارها.»
سكت ثانية وكمل:
— «حاولت أتكلم معاها… بس انتي عارفاها. شايفة إنك اتجاوزتي حدودك مع ياسين ومع البيت كله.»
ميرا هزت راسها بهدوء.
متوفره على صفحه روايات واقتباسات
— «عارفة… بس هو الحب ليه حدود أصلًا؟ خصوصًا مع طفل صغير؟»
رفعت عينها تبصله وقالت بصوت مكسور:
— «ياسين حاسس بكل حاجة… حاسس مين بيحبه بجد.»
عمر نزل عينه الأرض.
بقلم منــال عـلـي
— «ماكنتش عايز الموضوع يوصل لكده… أول ما جيتي كان كل شيء واضح. شغل وبس. لكن…»
سكت فجأة وقبض على إيده جامد كأنه بيحاول يمسك حاجة جواه.
— «كل حاجة اتغيرت… ومش عند ياسين بس.»
الكلام فضل معلق بينهم.
تقيل… وصادق… ومخوف.
ميرا حست قلبها وجعها تاني، نفس الوجع اللي كانت بتحاول تدفنه.
خدت نفس طويل وقالت:
— «أنا همشي.»
عمر رفع عينه بسرعة.
— «تمشي؟»
— «أيوه… ده أريح للكل. ياسين هينساني مع الوقت، والدنيا هترجع زي الأول.»
قرب منها خطوة وقال:
— «انتي فعلًا مصدقة الكلام ده؟»
ضحكت ضحكة باهتة كلها وجع.
— «أمال أعمل إيه؟ أفضل أتحارب كل يوم؟ والدتك ست قوية… وأنا عمري ما هعرف أقف قصادها.»
عمر هز راسه ببطء.
كان نفسه يقولها ماتمشيش… يشرح… يعترف… يعمل أي حاجة.
بس الكلمات كانت واقفة في زورُه.
وفجأة اتسمع صوت خطوات صغيرة جاية بسرعة من جوه.
— «ميــــرااا!»
ياسين جري عليهم حافي، لابس بيجامته وشعره منكوش.
أول ما وصل لها حضنها بقوة.
— «ماتمشيش!»
ميرا نزلت لمستواه بسرعة وحضنته جامد، كأنها خايفة يتسحب منها.
وهو كان بيعيط في حضنها.
— «يا حبيبي… لازم أمشي. بس والله عمري ما هنساك.»
— «لااا!»
صرخ وهو بيبص لعمر.
— «بابا قولها ماتمشيش!»
