وقفت مكانى وبصيت ناحيه الباب
ضحك وقال
في نص الليل
قلت وأنا بحاول أثبت صوتي
افتكرته هنا
بص حواليه ثواني وبعدين قرب مني وحط إيده على كتفي
إنتي شكلك مرهقة أوي الفترة دي
الكلمة دي خلتني أفتكر كل الورق اللي شوفته من شوية
كان بيجهز يقول للناس إني مرهقة ومريضة قبل حتى ما ينفذ خطته
قلت
آه شوية تعب بس
بصلي كام ثانية كأنه بيحاول يعرف إذا كنت عرفت حاجة ولا لأ
بعدها ابتسم وقال
يلا نامي عشان بكرة يوم طويل
خرج من المكتب وقفل الباب
فضلت واقفة مكاني لحد ما سمعت باب أوضة النوم بيتقفل تاني
ساعتها بس كريم خرج من ورا الستارة وهو بياخد نفسه
قال
كان هيكشفنا
قلت
إحنا لازم نتصرف بسرعة
رد
مش دلوقتي
لو واجهناهم من غير دليل كامل ممكن يسبقونا
قعدنا أكتر من ساعة نفتش في باقي الأدراج
وفي آخر درج لقينا فلاشة تانية
حطها كريم في اللاب توب
ظهر ملف بعنوان
الخطة النهائية
فتحناه
كان فيه جدول بالتواريخ
ميعاد كشف الدكتور النفسي
ميعاد تقديم طلب الحجر
ميعاد نقل ملكية البيت
ميعاد بيع العربية
وآخر سطر كان مكتوب فيه
بعد تنفيذ الإجراءات تنقل سارة إلى المصحة لمدة لا تقل عن ستة أشهر حتى انتهاء كل التصرفات القانونية
حسيت إيدي تلج
أنا بالنسبة لهم كنت خلاص اتحكم عليا
وأنا عايشة معاهم تحت نفس السقف ومش حاسة بأي حاجة
وأنا بقلب في الملفات لقيت تسجيل فيديو من كاميرا المكتب
شغلناه
ظهر حسام ودينا قاعدين قدام بعض
ودينا قالت وهي بتضحك
أهم حاجة إنها متخلفش
رد حسام
اطمني أنا خليتها تقتنع إن العلاج اللي بتاخده مجرد فيتامينات
لكن الحقيقة إنه بيأخر الحمل
شهقت من غير ما أحس
أنا بقالى سنين بسأل نفسي ليه ربنا مأرادش يرزقني بطفل
وكل الدكاترة كانوا بيقولوا مفيش سبب واضح
طلعت الحقيقة قدامي في ثانية
هو اللي كان بيحرمني من حلم الأمومة بإيده
دموعي نزلت من غير صوت
كريم بصلي وقال
دلوقتي فهمتي ليه أنا مستحملتش أكمل مع دينا
لكن قبل ما أقدر أرد عليه سمعنا صوت رسالة وصلت على موبايل حسام الموجود في المكتب
بصينا على الشاشة
كانت رسالة من دينا بتقول
بكرة بالليل هنخلص من كل حاجة… وسارة مش هتلحق تفهم إحنا عملنا فيها إيه.
قريت الرسالة أكتر من مرة وحسيت إن الدم جمد في عروقي
بكرة بالليل
يعني مابقاش قدامي غير ساعات
بصلي كريم وقال
إحنا لازم نسبقهم
قلت وأنا بحاول أتماسك
هنروح القسم
هز راسه وقال
لو رحنا من غير دليل قوي ممكن يقولوا إننا بنلفق لهم خصوصًا إنهم مجهزين ملف كامل يقول إنك مريضة نفسيًا
