جوزي سلمني للموت في اوضه الولاده ج١ شروق خالد

لقوا البيبي راجع مكانه، وبيعيط.

لكن…

السوار الطبي كان متغير.

الظابط أخده في إيده.

ـ ده مش السوار الأصلي.

فتحوه.

لقوا جواه ورقة ملفوفة.

مكتوب فيها:

“اسألوا كريم عن اللي حصل من سبع سنين في أوضة العمليات رقم 4.”

كريم اتجمد.

الحاج محمود قرب منه بعصبية.

ـ إيه اللي حصل من سبع سنين؟

كريم وشه بقى أصفر.

ـ أنا… أنا…

وقبل ما يكمل…

سمعوا صوت جهاز رسم القلب من أوضة العناية.

بيب… بيب… بيب…

الممرضة خرجت وهي مبتسمة وبتعيط في نفس الوقت.

ـ الدكتورة نرمين… رجع لها النبض!

جريوا كلهم عليها.

كانت عينيها بتفتح بالعافية.

بصت حواليها، وهمست بصوت ضعيف جدًا:

ـ ابني…

قالت الممرضة بسرعة:

ـ بخير… ابنك بخير.

نرمين هزت راسها بالنفي.

ـ لا…

وسكتت لحظة وهي بتحاول تاخد نفسها.

ثم قالت جملة خلت كل اللي في الأوضة يتجمد في مكانه:

ـ الطفل اللي في الحضانة… مش ابني… ابني الحقيقي لسه مع الدكتور شريف.

حكايات شروق خالد