فرصه تانيه
قالت باستغراب
وأنا… هدفع منين؟
ابتسمت الممرضة
كل حاجة مدفوعة.
قبل ما تكمل كلامها، الباب خبط.
دخل سليم.
وقف بعيد عنها وقال
عاملة إيه دلوقتي؟
قالت وهي لسه مش فاهمة
إنت ليه بتعمل كل ده عشاني؟
اتنهد وقال
لأن لو كنت اتأخرت خمس دقايق، كان ممكن نخسرك إنتي والأطفال.
ردت بسرعة
أنا مقصدش كده… أقصد ليه أنا؟
ابتسم ابتسامة صغيرة لأول مرة
هتعرفي… لكن مش دلوقتي.
…
بعد يومين بدأت صحة ندى تتحسن.
لكنها كانت ملاحظة حاجة غريبة.
كل ما تبص من شباك الأوضة تلاقي عربية أمن.
كل دورية عليها حراسة.
حتى الممرضات بيتعاملوا معاها بحذر شديد.
كأنها شخصية مهمة.
وفي ليلة، وهي راجعة من الأشعة، سمعت اتنين من أفراد الأمن بيتكلموا.
الأول قال
الباشا بنفسه واقف على حمايتها.
التاني رد
أكيد ليها قيمة كبيرة عنده.
ندى وقفت مكانها.
حمايتي؟
ليه؟
…
في اليوم التالت، دخل عليها محامي كبير.
حط قدامها ظرف.
وقال
دي كل ممتلكاتك اللي كانت في بيت جوزك.
فتحت الظرف.
كان فيه عقد شقتها القديمة… وسلسلة والدتها… وصور فرحها.
لكن كان فيه ظرف صغير كمان.
فتحته.
لقيت فيه شيك بمليون جنيه.
بصت للمحامي بصدمة
إيه ده؟
قال بهدوء
دية من الأستاذ سليم.
قالت بسرعة
أنا مستحيل آخد فلوس من حد.
ابتسم المحامي
هو كان متوقع ردك.
عشان كده طلب مني أقولك… دي مش صدقة.
دي بداية حقك.
…
في نفس اللحظة، كريم كان واقف قدام مكتب تحريات خاص.
قال للرجل اللي قدامه
عايز أعرف مين اللي خبى مراتي.
الرجل فتح اللابتوب، وبعد شوية قال
فيه كاميرات صورت عربية خدتها.
كريم قرب بسرعة.
الصورة ظهرت.
عربية سليم الدهشوري.
لون وش كريم اختفى.
قال بعدم تصديق
مستحيل…
إيه اللي يربطها بالراجل ده؟
…
رجع بيته وهو بيفكر.
وفجأة افتكر موقف قديم من أكتر من عشر سنين.
أيام ما كان لسه بيبدأ شغله.
كان فيه صفقة كبيرة خسرها بسبب رجل أعمال رفض يشاركه.
الاسم رجع يدور في دماغه.
سليم الدهشوري.
همس لنفسه
هو… معقول يكون مستني ينتقم مني بعد السنين دي كلها؟
…
في المستشفى، كانت ندى قاعدة لوحدها بالليل.
الباب خبط.
دخل سليم.
كان معاه ملف قديم.
حطه قدامها وقال
افتحيه.
فتحت الملف.
لقيت صور.
أوراق.
تقارير.
وحاجة خلت عينيها توسع من الصدمة.
كلها مستندات تثبت إن كريم كان مزور جزء كبير من ثروته، ومستولي على حقوق شركاء كتير.
رفعت عينيها وقالت
