بنت الشغاله انقذت الملياردير سما سامح

اللاب توب بتاعها أنا عكست المسار.. وبدل ما الملفات بتاعت عمو منصور تطلع برة، أنا قفلت السيرفر وفتحت تليفونك أنت.. العداد اللي شغال ده مش عشان ينشر أسرار منصور السيوفي.. العداد ده عشان يمسح كل قرش ليك في بنوك العالم ويثبت التهمة عليك وعلى الشافعي.. فاضل 5 ثواني وتليفونك ينفجر ذاتياً من كتر الضغط والبيانات.
طارق حس فجأة بسخونة رهيبة في جيبه الداخلي، تليفونه الساتلايت بدأ يسخن لدرجة الحرق ويطلع صوت زنين غريب. وفي اللحظة اللي طارق اتشتت فيها وبص لجيبه من الرعب والذهول..
منصور السيوفي هجم عليه بسرعة الفهد.
بضربة واحدة سريعة كسر فك طارق، وأخد منه المسدس في لمح البصر، ورماه في الأرض.. الحراس هجموا على طارق وثبتوه في ثانية وكتفوا إيديه ورا ضهره.
تليفون طارق طلع دخان أبيض كثيف في الأرض ومات تماماً، ومعاه ضاعت كل أحلامه وخيانته.
العداد على الشاشات الكبيرة وقف.. وبقى مكتوب بالخط الأخضر العريض
تم تأمين النظام بنجاح الحماية 100

إمبراطورية جديدة
الأوضة رجعت هادية تماماً، مفيش غير صوت أنفاس حازم اللي قعد على الكرسي وهو مش قادر يستوعب الذكاء اللي شافو من طفلة تمن سنين.
منصور السيوفي رتب جاكتة بدلتها بهدوء، وبص لطارق وهو بيتجر برة الأوضة زي الكلب خدوه.. الشافعي وطارق حسابهم معايا أنا بالليل.. ومفيش فيهم راجل هيشوف الشمس تاني.
التفت منصور وبص للبنت الصغيرة اللي قاعدة على الأرض وحاضنة اللاب توب الأخضر المِنت. قرب منها، ونزل على ركبته عشان يكون في نفس مستواها.. منصور السيوفي اللي مبيوطيش لملوك، وطى قدام جنى.
أنتِ اسمك جنى صح؟
جنى هزت راسها بخوف طفولي تداريه ورا نضارتها آه.. أنا بس كنت عايزة ألعب.
منصور ابتسمودي كانت أول مرة الرجالة في الأوضة يشوفوا منصور السيوفي بيبيتم من سنين طويلةوقالها أنتِ لعبتي أحسن قصة في حياتي يا جنى.. وأنقذتي رقابين ناس كتير.
في اللحظة دي الباب اتفتح ودخلت نادية، الشغالة، وهي بترتعش وبتنهج وتعبانة، وشها كان أصفر وباهت من الرعب منصور بيه! أنا آسفة والله.. جنى تاهت مني وملقتهاش في المطبخ، أرجوك متطردنيش، أنا مليش غير الشغلانة دي!
منصور وقف بكل طوله، وبص لنادية بكل احترام وتقدير وعمر الأوضة ما شافت النبرة دي منه
نادية.. من بكرة الصبح، السفر لأكبر مستشفى في ألمانيا على حسابي الخاص عشان علاجك.. ومش هترجعي مصر إلا وأنتِ واقفه على رجليكي وصحتك حديد.. وده مش كرم مني، ده حقك.

نادية دمعت ومبقتش مصدقة ودعت له وهي مش فاهمة حاجة.
منصور بص لجنى وتف على اللاب توب بتاعها أما الباشمهندسة جنى.. فمن بكرة هتدخل أحسن مدرسة دولية في البلد، ولما تكبر.. هتبقى هي رئيسة قطاع الأمن السيبراني والمستشارة الأولى لإمبراطورية السيوفي كلها.. واللاب توب الأخضر ده، يتشال في الخزنة الرئيسية بتاعتي، لأنه حمالي الإمبراطورية من الانهيار.
جنى عدلت نضارتها المعوجة وابتسمت بذكاء ماشي يا عمو.. بس بشرط.
منصور ضحك بصوت عالي سمعه كل اللي في الممر برة شرط إيه يا ست البنات؟
جنى تشتريلي ستيكرات يونيكورن تانية عشان دي اتخدشت.
وانتهت أخطر 17 دقيقة في تاريخ إمبراطورية السيوفي، مش بالدم والنار، ولكن بذكاء بنت صغيرة ولاب توب أخضر مِنت غيّر مصير الكل وقفل باب الخيانة للآبد.
تمت
سما_سامح