ابويا قالي غيري بسورداتك
دانيال بلم، وبدأ يستوعب الصدمة.
المحامي كمل: “وبما إنك استخدمت كروت شركة مش بتاعتك، وبعد صدور حكم الطلاق النهائي بخمس دقايق.. فإحنا رسمياً رفعنا عليك قض*ية ‘استغلال أموال ائتمانية بطرق غير مشروعة’ و’شروع في النصب’ بمبلغ 990,000 دولار. ونادي (أوروم هاوس) مقدم معانا بلاغ مشترك.”
دانيال رجع خطوتين لورا، وبصلي بنظرة رجاء مكسورة: “إيميلي.. أرجوكي.. إحنا عشنا مع بعض 7 سنين. أنا غلطت، بس بلاش السجن. أنا ممكن أتنازل عن نص البيت اللي أخدته في التسوية، بس اقفلي القض/ية دي.”
قمت وقفت، عدلت جاكتتي البليزر، وبصيت له من فوق النضارة: “الـ 7 سنين دول يا دانيال، أنا كنت فاكراهم جواز.. طلعوا بالنسبة لك مجرد ‘سبوبة’. وعشان كده، أنا هسيب القانون ياخد مجراه بالملي.”
سبته واقف في نص المكتب زي الفرخة الدايخة، وخرجت وأبويا ماسك إيدي. وأحنا نازلين في الأسانسير، أبويا طبطب على كتفي وقال: “عارفة إيه أحلى حاجة في قضايا النصب المالي يا إيميلي؟”
بصيت له وقلت: “إيه يا بابا؟”
قال لي وهو بيضحك: “إن الحساب دايماً بييجي في وقته.. ومبيغلطش.”
بعد أسبوع بالظبط، كنت قاعدة في مكتب رئيس مجلس الإدارة الجديد لشركتنا، وببص على الشارع من الشباك الإزاز الكبير اللي كاشف مانهاتن كلها. الشمس كانت طالعة والجو هادي، لأول مرة من سنين أحس إن الهوا اللي بنفسه نضيف ومفهوش غدر
الباب اتخبط ودخل السكرتير وبإيده ملف أزرق: “باشمهندسة إيميلي، دي التقارير النهائية من المحكمة الإقتصادية بخصوص تصفية الأملاك المشتركة بعد تنازل مستر دانيال.”
أخدت منه الورق وأنا ببتسم. دانيال عشان يهرب من حكم السجن بتهمة الشروع في النصب واستغلال كروت الشركة، محاميه عرض علينا تسوية ودية تضمن إني أتنازل عن القض*ية. التسوية دي كلفت دانيال كل مليم أخرجه من قسيمة الطلاق.. رجع لي نص البيت، ورجع لي الأسهم اللي كان هيحط إيده عليها، وفوقيهم شحناله على عنوان أمه القديم كل هدومه وساعاته اللي كان فاكر إنه هيتنطط بيها.
في نفس اليوم بالليل، جالي تليفون من رقم غريب، رديت لقيت صوت فانيسا، بس النبرة المتكبرة كانت اختفت تمامًا، وصوتها كان منكسر وبتعيط: “إيميلي.. أرجوكي اسمعيني. أنا مكنتش أعرف إنه نصاب وبيصرف من فلوسك، أنا ضحية زيي زيك.. دانيال دلوقتي ملاحق من البنوك والشقة اللي ادهالي البنك حجز عليها لإن أقساطها مدفعتش.. أنا خسرت كل حاجة ومستقبلي ضاع.”
