حكايتي
مسكتها من دراعها بقوة وعصرته وقلت بصوت واطي مرعب: “أجبرك على إيه؟ على . تامر؟”.
أميرة برقت عينيها برعب وقالت: “إنتي.. إنتي عرفتي؟”.
قبل ما تنطق بكلمة ثانية، الدكتور خرج من أوضة العمليات. وشه كان خالي من أي تعبير. قرب مننا وقال: “البقاء لله.. الخبطة في الدماغ كانت قوية جداً، ونزيف داخلي حاد.. ما قدرناش ننقذه”.
حازم مات.
الراجل اللي خانني وسرقني و. صاحبه، مات في ثانية، وأخد معاه كل الأسرار.
بصيت لأميرة، اللي كانت منهارة تماماً على الأرض. سحبت تليفوني وطلبت الضابط اللي في الأموال العامة وقلتله: “يا فندم.. أنا عندي اعتراف كامل من شريكة حازم في جريمة . واختلاس.. وهي معايا دلوقتي في مستشفى البنك الأهلي”.
الشرطة جت وأخدت أميرة وسط صراخها وانهيارها، وهي بتبصلي بنظرات غل ورعب.
بعد يومين، كنت قاعدة في بيتي لوحدي. البيت فاضي وهادي وهدوءه مخيف. حازم اتدفــ,,ـــــن، وأميرة محبوسة على ذمة التحقيق بعد ما اعترفت بكل حاجة، والطب الشرعي طلع جــ,,ـــــثه تامر وأثبت وجود مادة “الديجوكسين” في جسمه.
أنا نجوت من المصيدة، الفلوس رجعت للشركة وحساباتي اتفكت، وحميت نفسي من السجــ,,ـــــن. بس جوايا كان فيه شرخ مش هيتصلح أبدأ.
قمت عشان ألم هدوم حازم وأرميها. فتحت دولابه، وبدأت أشيل البدع والقمصان. وفجأة، في قاع الدولاب، ورا الخزنة الصغيرة، لقيت صندوق خشب قديم مقفول بقفل صغير.
افتكرت إن مفتاح القفل ده كان دايماً حازم شايله في ميدالية مفاتيحه اللي استلمتها من المستشفى مع متعلقاته.
جبت المفتاح وفتحت الصندوق وأنا قلبي بيدق. كنت فاكرة هلاقي عقود أو فلوس مخبيها.
لكن اللي لقيته جوه الصندوق خلاني أقف مكاني، والدم ينشف في عروقي تماماً.
جوه الصندوق كان فيه ألبوم صور قديم جداً، صور لحازم وهو صغير مع والدته.. وجنب الألبوم ورقة مطبوعة من مستشفى نساء وتوليد شهيرة، بتاريخ من خمس سنين.
التقرير الطبي كان باسم حازم.. وبيقول إن حازم عنده “عقم كامل وغير قابل للعلاج”، وإنه مستحيل يخلف أطفال.
برقت عيني بالصدمة، وأنا بفتكر رسالة أميرة لحازم اللي قريتها على تليفونه:
“هتقولها إمتى بقى موضوع الحمل؟”.
لو حازم عقيم ومبيخلفش.. يبقى الطفل اللي في بطن أميرة ده ابن مين؟
وفجأة.. افتكرت جملة تامر في الجواب: “أنا عرفت بالصدفة من ست شهور لما شفت رسايل بينهم.. حازم وأميرة مامتجوزينش يا مريم.. هما كانوا مستنيين اللحظة اللي يخلصوا مني فيها”.
