شمس صقر الصعيد اسراء ابراهيم
اسكربت
شمس صقر الصعيد
انا رايدك تروح تجيبلي بتي يا صقر يا ولدي
صقر وهو مش فاهم
كيف يعني أجيبلك بتك وبتك مين انت اصلا ما خلفتش يا عمي ولا انت ناسي
عرفان بتنهيدة
أنا كنت متجوز يا صقر ومن سنين يا ولدي بس خبيت عشان مرت عمك انت خابرها زين طول عمرها وهي متسمعش غير لحالها وانا كان نفسي في حتة عيل يشيل اسمي
صقر پصدمة وجدية
متجوز يا عمي وانت كيف خبيت علينا كل ده وبعدين ده حجك يعني مكنش لازم تخبي
عرفان بعينين حزينه
منا جولتلك خبيت عشان شهيرة مرتي جولت برضك اراعي شعورها بموضوع عالخلفة وامك الله يرحمها كانت خابرة وابوك كمان
صقر بيحرك راسه ببطء
دلوقتي فهمت ليه كنت بتسافر كتير مصر وكل شوية تجول شغل وأرزاق
عرفان بيقرب منه بلهفة
مرتي التانية ماټت يا ولدي ولما وصلت مصر كنت رايد أدفـ,ـنها بإيدي واخد عزاها بس لقيت أخوها سبجني وډفـ,ـنها وخد بتي مني
صقر پغضب مكتوم طب والبنتة كيف خدوها منك هي سايبة ولا ايه عاد
عرفان بصوت مكسور
جالولي إنها بنتهم وإنهم أولى بيها ومارضيوش يدوهالي وانا هتجنن يا ولدي بت عمري اكدت تروح مني ومش جادر اجيبها تعيش معايا اللي فاضلي من عمري
صقر بهدوء اهدي يا عمي وكل حاجة هتبجي زين بس جولي مش يمكن بتك رايدة تعيش معاهم يا عمي ومش هترضى تعيش أهنه
عرفان بحزن ولهفة
لا يا صقر بتي متعلجة بيا جوي بتبجي مستنياني على أحر من الجمر عشان بتحبني و هي اللي كلمتني وقالتلي ان أمها ماټت واني مهملهاش لمرت خالها لانها بتعاملها وحش وقالتلي تعال خدني يا بابا عشان خالي بيقول انه مش هيخليك تاخدني وهياخدني عنده
صقر صوته بدأ يهدى يعني هي اللي كلمتك تمام جوي
عرفان بحزن
أيوه ولسة يدوب من يومين قالتلي التليفون اللي جبتوهولها خدوه منها ومخليينها خدامة تخيل خدامة في بيت خالها يا ولدي
صقر بيكتم غضبه متقلقش بس المطلوب مني إيه غير إني أرجعلك بتك يا عمي
عرفان بيمسك إيده بامتنان تسلم يا ولد اخوي انا مش رايد غيرها تعيش هنا في بلدي بين أهلي مش رايدها هناك وسط ناس بتبهدلها أنا كبرت يا صقر ومش ضامن العمر ورايد اعيش اللي باجيلي مع بتي
صقر بجدية
هجيبهالك يا عمي وعد متقلقش انت بس مرت عمي اهنه لما تعرف ناوي تعمل ايه معاها
عرفان بعين ثابتة
ولا فارقلي حد لا مرت عمك ولا غيرها بتي هي اللي تهمني وشهير ڠصب عنها هترضي بالامر الواقع
