بعد موت جوزي حماتي رمتني في الشارع انجي الخطيب
حماتي رمتني في الشارع بعد اسبوع من وفاة جوزي وكنت لسة والدة قالتلي انتي وابنك شؤم ولدتي تاني يوم ابني مات مش عايزة اشوف وشكوا هنا تاني …..
وقفت في نص الشارع وابني على كتفي عمال يصرخ من الجوع والبرد، والناس رايحة جاية تبص عليا بفضول اللي يوجع القلب. دموعي نزلت مغرقة وشي وأنا مش مصدقة إن دي نهاية “بيت العز” اللي دخلته من سنة. بصيت للبيت وسألت نفسي: هو ذنبي إيه إني ولدت؟ وذنب الغلبان ده إيه يتقال عليه شؤم وهو لسة مالحقش يشوف الدنيا؟
الجو بدأ يليل والبرد يدخل في العضم، قعدت على الرصيف وضاميت ابني لحضني وبقيت أخبيه بجاكتة قديمة كانت معايا. لقيت واحدة ست غلبانة بتبيع خضار في أول الشارع، قربت مني وبصتلي بشفقة وقالت:
— يا بنتي حرام عليكي الولد هيموت من السقعة، إيه اللي مقعدك كده في وقت زي ده؟
مسحت دموعي بكم العباية وصوتي مخنوق:
— حماتي طردتني يا خالة.. بتقول عليا أنا وابني نحس عشان جوزي مات بعد ولادتي بيوم.. ماليش مكان أروحه وأهلي في الصعيد ومفيش معايا تمن المواصلات حتى.
الست خبطت على صدرها بصدمة:
— يامصيبتي! في ناس بالقساوة دي؟ طب تعالي معايا، البيت مستور واللقمة مقسومة، مش هسيبك للشارع والبرد ياكل فيكم.
أخدتني من إيدي ودخلتني بيتها البسيط، أوضة وصالة بس حاسة فيهم بأمان ملمستوش من يوم ما جوزي مات وانا في بيت حماتي
ابني عيط وانا مكنتش باكل كويس بقالي اسبوع ومش عارفة ارضعة
الست جت وقالتلي هاتي انا هعملة اعشاب يشربها اهي تسد جوعة لحد ما تاكلي انتي اي لقمة عشان ترضعية
خدي يا بنتي وادتني طبق في اكل
ولما مدت العجوزة إيدها ناحية البطانية عشان تمسك ابني صوابعها اتهزت واترعشت فاجأة وهمست ليا وقالت الولد دا …..
******”
— الولد دا.. الولد دا جسمه تلج يا بنتي، ونفسه غريب!
قلبي سقط في رجلي، سبت طبق الأكل من إيدي ووقفت مخضوضة، خطفت الواد من حضنها وأنا بصرخ:
— ماله يا خالة؟ ماله ابني؟! قولي بالله عليكي متخوفينيش!
الست العجوزة حطت إيدها على راس الواد وبقت تحسس على جبهته وعينها لفت في الأوضة بقلق:
— الواد سخن مولع من جوه بس أطرافه سقعانة، والنهجة دي مش عاجباني.. ده صدره بيترج يا بنتي.. يظهر لقط ليلة برد شديدة برة في الشارع.
مسكت في عبايتها وأنا بترعش ودموعي بتنزل زي الشلال:
