صاحبتي وابنها المفقود حكايات رشا

واقفة وبتبتسم، لكنها رفعت موبايلها قدامي بشكل واضح.
على الشاشة كانت صورة قديمة ليا، أنا وهبة ويوسف، واقفين جنب العربية ليلة الحاډث.
همست من بعيد، من غير ما حد يسمعها
آخر فرصة.
رجعت بصيت لنور.
كان لازم أختار بين كدبة عشت جواها تلات سنين، وحقيقة ممكن تنقذ طفل مالوش أي ذنب.
وقبل ما أتكلم، أخدت قرار عمري ما كنت أتخيل إني هقدر أخده.
قلت للممرضة
أنا شفت هبة وهي خارجة من غرفة الأطفال شايلة طفل. وبعدها دخلت أوضتها بيه.
الصمت نزل على المكان.
هبة اختفت الابتسامة من وشها.
نور حطت إيدها على بقها، وجوزها جري ناحية أوضة هبة مع الممرضات.
أما هبة، فبصتلي نظرة عمرها ما هتروح من ذاكرتي.
نظرة واحدة كانت كفاية أفهم منها إن الحړب بيننا بدأت فعلًا.
وبعد دقايق، رجعوا بآدم.
كان بخير، لكنه كان بيعيط، ونور خطفته من إيد الممرضة وضمته لصدرها وهي پتبكي من الفرحة.
أما هبة، فكانت قاعدة على السرير، ووشها شاحب.
ولما الممرضة سألتها ليه أخدت الطفل، ردت بسرعة
أنا ماخدتش حد! دي بنتي اللي كانت في الحضانة، وأنا لخبطت بين الأسرّة.
لكن كلامها ماكانش منطقي، لأن الممرضات كانوا عارفين إن الطفل المختفي ولد، وإن هبة كانت والدة بنت.
اتطلب الأمن، واتبلغت إدارة المستشفى.
قبل ما يخرجوا هبة من الأوضة، بصتلي وقالت بصوت واطي
إنتِ اللي اخترتي.
ما رديتش.
لكن وأنا شايفة نور شايلة ابنها، كنت عارفة إني لو رجع بيا الزمن، كنت هقول الحقيقة من أول لحظة.
حتى لو كان تمنها حياتي القديمة كلها.
الجزء الثاني الحقيقة اللي اتدفنت تلات سنين
ماقدرتش أنام الليلة دي.
رجعت البيت بعد ما خلصت أقوالي الأولية، لكن كل ما أغمض عيني، أفتكر وش هبة وهي بتوعدني إنها هتفضحني.
كريم كان مستنيني في الصالة.
أول ما شافني، قام من مكانه وسألني
إيه اللي حصل؟ سمعت إن فيه مشكلة في المستشفى، وإن صاحبتك اتدخلت في موضوع اختفاء طفل.
حاولت أبان طبيعية.
حصلت مشكلة فعلًا، بس الطفل رجع لأهله، والمستشفى بيتعامل مع الموضوع.
فضل باصصلي شوية، وبعدها قال
وإنتِ مالك بالموضوع؟
السؤال كان بسيط، لكني حسيت إنه فتح باب كنت بقفله كل يوم من تلات سنين.
قلت
أنا كنت شاهدة على اللي حصل.
كريم هز راسه، وطلب مني أحكيله التفاصيل، لكني ماقدرتش أقول له عن حاډثة يوسف في نفس اللحظة.
كنت محتاجة أرتب أفكاري، مش عشان أهرب من الحقيقة، لكن عشان أقدر أواجهها من غير ما أرجع أكذب.
تاني يوم الصبح، جالي