دلق عليا بيره وميعرفش اني كنت بطله
بيرة دلقته فوق دماغي
لو كنت واحدة عادية مش بطلة كنت هتفضل دايس عليها
الاحترام مش عشان اللي قدامك قوي الاحترام عشان انت متربي
الكلمة دي وجعته اكتر من حركة صباعه
وشه احمر وقالي عندك حق انا مش متربي في الحتة دي وهتعلم
حماتي ساعتها جت وحضنتني
اول مرة من يوم جوازي تحضني
قالت حقك عليا يا بنتي انا اللي دلعته لحد ما بقى كده
قلت لها ولا يهمك يا ماما حصل خير
ودخلت الحمام غسلت شعري من البيرة ولبست طرحة من بتاعة حماتي وطلعت قعدت اكل معاهم كأن مفيش حاجة حصلت
بس من اليوم ده كل حاجة اتغيرت
اخو جوزي بقى لما يشوفني يقولي يا كابتن بهزار بس هزار حلو مش هزار يوجع
وبقى يجيب ابنه الصغير يقولي علميه حركة يدافع بيها عن نفسه لو حد ضربه في المدرسة
وجوزي بقى فخور بيا بطريقة غريبة
كان طول عمره فخور بس كان مخبي
دلوقتي بقى يوري صحابه الفيديو بتاعي ويقولهم مراتي كانت بتكسر مناخير ستات قد الشحط
وانا اضربه في كتفه واقوله اسكت هتقطعلي رزقي في المنطقة هيفتكروني بضړب جوزي
ويضحك ويقولي ما انتي فعلا بتضربيني بس بطرق تانية
مرة قاعدين بنتعشى وابني الكبير عنده 5 سنين قال بابا هي ماما قوية
جوزي قاله اه قوية اوي اقوى واحدة شفتها في حياتي
قاله اقوى من سوبر مان
جوزي قاله اقوى من سوبر مان وباتمان وسبايدر مان مع بعض
ابني بصلي وقالي ماما هتعلميني ابقى قوي زيك
قلتله هعلمك تبقى قوي بس القوة مش انك ټضرب
القوة انك تقدر ټضرب ومتضربش
القوة انك تسمع حد بيهزقك وتسكت مش عشان انت ضعيف عشان انت كبير
القوة انك تدي اللي قدامك 3 ثواني يراجع نفسه قبل ما تاخد حقك
جوزي بصلي ودمع
بعد الحفلة دي باسبوع حماتي كلمتني وقالتلي تعالي عايزاكي
رحت لقيتها عاملة صينية بسبوسة اللي انا بحبها
قالتلي انا عايزة اعتذر
قلت لها على ايه
قالت على كل مرة شفتك فيها بتتهاني وسكت
انا كنت فاكرة انك ساكتة عشان انتي ضعيفة وملهاش اهل
مكنتش اعرف انك ساكتة عشان انتي قوية ومتربية
وانا دلوقتي عرفت ليه ابني بيحبك
عشان اللي زيك لما تسكت بتسكت بمزاجها مش ڠصب عنها
ومن يومها بقت تقولي يا بنتي اللي مشرفاني
واخو جوزي بطل يشرب في بيت امه
وبطل يهزر هزار تقيل
وبقى لما ييجي يقولي قبل ما اهزر الهزار ده ينفع ولا لا يا كابتن
اقوله ينفع يا حبيبي هزارك بقى خفيف زيك
والحقيقة اني عمري ما كنت عايزة ابقى بطلة تاني
انا كنت عايزة ابقى زوجة وام وبس
بس اليوم ده علمني حاجة
انك ممكن تبطلي لعب بس اللعب عمره ما بيبطل جواكي
الهدوء اللي اتعلمته في الحلبة هو اللي خلاني اسكت لما البيرة اتدلقت
والثانية اللي حسبتها قبل ما امسك صباعه هي نفس الثانية اللي كنت بحسبها قبل ما اضرب في الحلبة
الفرق ان زمان كنت بضړب عشان اكسب ميدالية
ودلوقتي سكت عشان اكسب بيت
والبيت اغلى من اي حزام دهب لبسته في حياتي
هكملك اللي حصل بعد صينية البسبوسة بتاعة حماتي عشان اللي جاي هو الدرس الحقيقي
بعد ما حماتي حضنتني وقالتلي يا بنتي اللي مشرفاني
انا روحت البيت وانا حاسة اني كسبت حرب من غير ما اضرب
جوزي كان مستنيني في البيت وقال حماتك كانت عايزة ايه
قلتله كانت بتعتذرلي بصينية بسبوسة
قالي بسبوسة بس ده انتي تستاهلي صينية دهب
قلتله لا البسبوسة احلى عشان معمولة بحب مش بفلوس
ضحك وقالي طب واخويا
قلتله اخوك هيتغير انا حاسة
قالي ازاي حاسة وهو بقاله 30 سنة محدش عارف يغيره
قلتله عشان اول مرة في حياته حد يوقفه عند حده من غير ما يهزقه
انا موقفتوش
