دلق عليا بيره وميعرفش اني كنت بطله

بشتيمة ولا بزعيق وقفته بحركة صغيرة فهمته اني اقدر بس مش عايزة
وده بيوجع اكتر من الضړب
عدى شهر والدنيا هادية
لحد ما جه فرح بنت خالة جوزي
وكل العيلة متجمعة في قاعة كبيرة
وانا لابسة فستان ولامة شعري واخو جوزي جه وسلم عليا وقالي ازيك يا كابتن
قلتله ازيك يا حبيبي عامل ايه
ضحك وقعدنا
وفي وسط الفرح الولاد الصغيرين بيلعبوا وبيجروا وابني الصغير وقع واټعور في ركبته
قمت اجري عليه اشيله
وهو بيعيط لقيت واحد من قرايب حماتي راجل كبير في السن زقني من كتفي وقال وسعي كده خليكي على جنب انتي مش عارفة تربي عيالك سايباهم يجروا زي المجانين
انا اټصدمت
الراجل زقني جامد قدام الناس وابني بيعيط في حجري
جوزي مكانش جنبي كان بيجيب مية
اخو جوزي كان واقف جنبي وشاف اللي حصل
قبل ما انطق بكلمة لقيت اخو جوزي قام وقف قدامه
قاله انت بتزقها ليه
قاله وانت مالك
قاله دي مرات اخويا وانت زقيتها قدام ابنها الصغير اللي بيعيط
قاله وانا عمها اعمل اللي انا عايزه
اخو جوزي قال لا متعملش اللي انت عايزه انت في فرح مش في بيتكم
الراجل راح مزعق وقال انت هتعلمني الادب يا ابن امبارح
انا كنت خاېفة الخناقة تكبر وابني في حجري بيعيط
قلت لاخو جوزي خلاص يا حبيبي سيبه مش مهم
قالي لا مش خلاص
ده نفس اللي انا كنت بعمله فيكي من شهرين بظبط
بهزق اللي اضعف مني عشان حاسس اني قوي
وانا مش هسكت تاني لما اشوف حد بيعمل كده حتى لو مع حد غريب
وراح للراجل وقاله تعتذر لها حالا قدام الناس زي ما زقيتها قدام الناس
الراجل قاله مش هعتذر
اخو جوزي بصلي وقالي اعمل ايه يا كابتن
قلتله ولا حاجة سيبه يمشي
قالي لا مش هسيبه ده زقك وانتي شايلة عيل صغير
ساعتها جوزي جه وشاف المنظر
قال فيه ايه
حكيتله بسرعة
جوزي قال للراجل انت زقيت مراتي
قاله اه زقيتها عشان مش عارفة تربي
جوزي لسه هيمسك فيه
انا حطيت ايدي على كتف جوزي وقلتله سيبه
قال ازاي اسيبه
قلتله سيبه عشان احنا جايين نفرح مش نتخانق
واخدت ابني ودخلت الحمام غسلتله ركبته وطبطبت عليه
لما خرجت لقيت الراجل الكبير قاعد لوحده في ترابيزة بعيد ومحدش قاعد جنبه
واخو جوزي وجوزي قاعدين جنبي
اخو جوزي قالي انا اسف اني مقدرتش اخليه يعتذرلك
قلتله بالعكس انت عملت اللي انا نفسي اعمله من زمان
انت وقفت جنب واحدة بتتظلم حتى لو مش مراتك ولا اختك
ودي الرجولة الحقيقية
الرجولة مش انك تدلق بيرة فوق دماغ واحدة ست وتضحك
الرجولة انك تقول لا لما تشوف واحدة بتتزق قدام ابنها
قالي تصدقي انا من ساعة حوار البيرة وانا بفكر
انا كنت فاكر الرجولة اني ابقى اقوى واحد في القعدة صوتي اعلى هزاري ابيخ اضحك الناس عليك
بس طلع الرجولة اني ابقى اهدى واحد في القعدة اللي يوقف الهزار لما يبقى بايخ
قلتله شوفت بقى انت اتعلمت ازاي
قال اتعلمت منك يا كابتن
ومن يومها وانا واخو جوزي بقينا صحاب
بقينا نتكلم في التليفون
بقى ياخد رأيي لما يتخانق مع مراته
يقولي اتصرف ازاي يا كابتن من غير ما اهينها
اقوله اسمعها للاخر حتى لو كلامها بيوجع وبعدين قول اللي عندك بهدوء
بقى يقولي انا بقيت بعمل زي ما بتعملي بقت بدي 3 ثواني قبل ما ارد
مرة مراته كلمتني وقالتلي انتي عملتي فيه ايه ده بقى بني ادم تاني
قلتلها معملتش حاجة هو كان بني ادم كويس بس كان فاكر ان القوة صوت عالي
لما شاف ان القوة سكوت وهدوء اتغير
بعدها ب 6 شهور حماتي عملت حفلة شوي تاني في نفس الجنينة
نفس الجنينة اللي اتدلق عليا فيها بيرة
انا كنت