سر الام ج٢ منال علي

تاخدوا شنط هدومكم بس، وتخرجوا من الشقة دي فورًا.
العربية مفاتيحها تتساب على السفرة.
وبكرة الصبح، استقالتك تكون على مكتب المدير المالي، وقسيمة الطلاق
توصل لبيت المستشار بتاعي كاملة مكملة بكل حقوق بنتي وابنها.
لو شفت وشك في أي شركة تابعة ليا، أو لمحت خيالك قريب من بنتي… هتشوف وش عمرك ما تتمنى تقابله.
حماتي شهقت ولطمت على وشها
نطرد في الشارع؟! ده شقى ابني!
طارق ضحك بسخرية
شقى ابنك؟! وريني فاتورة واحدة باسمه للشقة دي! اخلصوا يلا، العداد بيعد.
أمي قربت مني، أخدت آدم في حضنها، وطبطبت على كتفي وهي بتبتسم نفس الابتسامة الهادية اللي وعدتني بيها
مش قولتلك… خمس دقايق بس؟
بصيت لسامي وهو بيلم في هدومه مكسور ومذلول، وأمه جنبه بتندب وتولول.
محستش بأي شفقة ناحيتهم.
لأن اللي يبيع كرامة الناس ويهين أصلهم في بيوتهم… ملوش عند ولاد الأصول غير الباب.
خرجوا مطرودين يجروا وراهم ذيل الخيبة.
وانا ضميت أمي وبابا لصدري، وأنا عارفة إن النهاردة مكنش نهاية
حياتي…
النهاردة كانت بداية حياتي الحقيقية.