32 سنه لوحدي
الأسود الناس كلها بصت
أبويا لسه ماسك المايك وبيهزر
بيقول معلش يا جماعة أصل بنتي الكبيرة بتحب الدراما بتحب تلفت النظر
أختي الصغيرة العروسة كانت واقفة جنبه ولابسة فستان أبيض منفوش قد كده ومبتسمة بسمة صفرا
كانت مبسوطة باللي حصل
طول عمرها بتحب لما أبويا يهزأني قدام الناس عشان هي تبان الملاك
مامتي كانت قاعدة على الترابيزة بتبص في الأرض مكسوفة مني
عيلتي كلها كانت بتبصلي بشفقة
واحدة قريبتي قالت بصوت عالي وهي بتضحك يا عيني جت لوحدها وروحت مبلولة
ضحك تاني في القاعة
أنا ولا اتهزيت
روحت وقفت في نص القاعة
مسكت كوباية مية وشربتها بهدوء
وبعدين بصيت لأبويا وقلتله بصوت عالي يسمعه 400 واحد
تفتكر لسه إني لوحدي
أبويا ضحك وقال آه لوحدك بقالك 32 سنة لوحدك وامتى هتتجوزي بقى ولا هتفضلي كده
قلتله لا أنا مش لوحدي
ساعتها باب القاعة الكبير اتفتح
الصوت بتاع الباب وهو بيتفتح خلّى كل الناس تلف
دخل راجل طويل لابس بدلة سودة متظبطة عليه بالمللي
شعره متسرح وشنبه خفيف وعينيه بتلمع
ووراه اتنين رجالة لابسين بدل شكلهم حرس
القاعة سكتت مرة واحدة
400 واحد سكتوا
الراجل ده مشى بخطوات هادية
ناحيتي
كل عين في القاعة كانت عليه
أبويا بصله وقال مين ده
أنا ابتسمت وقلت ده جوزي
صوت شهقة طلع من 400 بوق في نفس اللحظة
مامتي وقفت
أختي العروسة فتحت بوقها
بنت خالتي قالت يا لهوي
أبويا قال نعم جوزك ازاي وانتي مش متجوزة
قلتله لا أنا متجوزة بقالى 3 سنين
جوزي وصل لعندي ومسك إيدي
باس إيدي قدام الناس كلها
وقال ازيك يا حبيبتي انتي كويسة سمعت إنك وقعتي
قلتله أنا كويسة دلوقتي
أبويا نزل من على المسرح وجري علينا
قال انت بتستهبل يا بنتي جوزك ازاي ومقلتيش لحد
جوزي بصله ببرود
قال أنا اللي طلبت منها متقولش لحد
أبويا قاله وانت مين بقى إن شاء الله
جوزي طلع كارت من جيبه واداه لأبويا
أبويا مسك الكارت وبص فيه
وشه اتخط
الكارت مكتوب فيه اسم شركة كبيرة جدا
شركة بتبني عمارات وفنادق في البلد كلها
شركة أبويا نفسه كان بيحلم يشتغل معاها مقاول صغير
أبويا قال انت صاحب الشركة دي
جوزي قال آه
أبويا قال انت اللي باني الفندق اللي احنا فيه ده
جوزي قال آه الفندق ده بتاعي
القاعة كلها اتقلبت
الناس بدأت تهمس
دي مراته
يا نهار أبيض
دي متجوزة ملياردير ومخبية
أختي العروسة جت جري
قالت انتي متجوزة
الراجل ده وسايباني أتجوز أنا واحد بيشتغل في شركة
قلتلها آه
قالت ليه مقلتيش
قلتلها عشان كنت عايزاكم تحبوني عشان أنا مش عشان جوزي غني ولا فقير كنت عايزة مرة واحدة في حياتي حد فيكم يسألني انتي مبسوطة ولا لا مش انتي اتجوزتي ولا لسه
مامتي جت حضنتني وهي بټعيط
قالت سامحيني يا بنتي احنا ظلمناكي
قلتلها لا يا ماما انتو مش ظلمتوني انتو علمتوني أبقى قوية لوحدي
أبويا كان لسه ماسك الكارت وإيده بتترعش
قال لي يعني انتي صاحبة الفندق ده
قلتله لا جوزي صاحبه بس أنا صاحبة قراري
جوزي بص لأبويا وقال على فكرة أنا كنت ناوي آجي أبارك لأخت مراتي بس لما مراتي بعتتلي وقالتلي تعال دلوقتي عرفت إن فيه حاجة حصلت
بص للقاعة كلها وقال
مراتي دي أشرف وأجدع ست عرفتها في حياتي اتجوزتها من 3 سنين وهي كانت بتقولي أهلي بيقولوا عليا عنست وبيتريقوا عليا لما بروح لوحدي
قال أنا كنت بقولها سيبك منهم هيجي يوم ويعرفوا قيمتك
قال والنهاردة اليوم ده جه
وبص لأبويا وقال انت أحرجت بنتك قدام 400 واحد ورميتها في نافورة
أبويا قال أنا مكنتش أقصد
جوزي قال لا كنت تقصد وانت قاصد من وهي صغيرة تكسرها عشان أختها تبان
أحلى
قال بس بنتك دي هي اللي بنت الفندق ده من أول طوبة هي المهندسة اللي رسمت
